အပြင်ထပ်နဲ့ ဘောင်းဘီအပွတွဲဝတ်တတ်တဲ့ ပျိုမေတို့အတွက် ခပ်မိုက်မိုက် အရောင်အတွဲအစပ်များ

အထဲက အင်္ကျီ Crop လေးနဲ့ ဘောင်းဘီအပွက ပျိုမေတို့ အဝတ်များလာတဲ့ စတိုင်ဖြစ်ပြီး ပေါ့ပေါ့ပါးပါး ရှိလှပါတယ်။ ချွင်းချက်အနေနဲ့တော့ ဗိုက်နေရာ အဆီရှိတယ်ဆိုရင် ဒီ Crop တစ်ခုတည်းနဲ့ မလုံလောက်တော့ဘဲ အပြင်ထပ်ပါ လိုလာပါပြီ။

အပြင်ထပ်ပါ ဝတ်လိုက်မှ ဖက်ရှင် တစ်ဆက်စာ စုံလင်သွားတာပါ။ ဒါ့အပြင် သင့်ကိုလည်း ပိုစတိုင်ကျစေပါတယ်။ ဒီတစ်ခေါက်မှာတော့ အပြင်ထပ် အင်္ကျီနဲ့ ဘောင်းဘီအပွ ဝတ်လေ့ရှိတဲ့ ပျိုမေတို့ တွဲနိုင်မယ့် အရောင် အတွဲအစပ်တွေကို ဖော်ပြပါရစေ။

တစ်ကိုယ်လုံး All Black ကိုမှ ပုံမရိုးသွားစေချင်ရင် ပြင်ထပ်ကို အညိုလေး ဝတ်နိုင်ပါတယ်။ ဒီလိုဆိုရင် သင့်ဖက်ရှင်က အရောင် Balance ဖြစ်သွားပါလိမ့်မယ်။

ဘောင်းဘီက အဝါအဖျော့လေး ဖြစ်မယ်ဆိုရင် အပေါ်အပြင်ထပ်ကိုပါ အရောင်အနီးစပ်ဆုံး တူတာ ပါတာလေး ဝတ်သင့်ပါတယ်။ ဒီလိုဆိုရင် ပိုစတိုင်မိုက်ပါတယ်။

Beige Color ဘောင်းဘီနဲ့ အဖြူအတွဲအစပ်ကိုမှ ပြင်ထပ်ကို ဂျင်းပြာလေး ရွေးနိုင်ပါတယ်။

Jean အပြာနဲ့ လိုက်ဖက်တဲ့ နောက်ထပ်အရောင်တစ်ခုကတော့ ပန်းရောင်ပါ။ ပန်းရောင်နဲ့ အပြာအတွဲအစပ်ကို အနက်ရောင် ဘောင်းဘီထပ်ဖြည့်လိုက်တဲ့အခါ အပြစ်ပြောစရာ မရှိတော့ပါဘူး။