ယောင်္ကျားတစ်ယောက်ပဲ ရနိုင်မယ့် ပင်ကိုယ်အလှက မုတ်ဆိတ်မွေး နှုတ်ခမ်းမွေး ထားနိုင်ခြင်းပဲ ဖြစ်ပါတယ်။ မုတ်ဆိတ်ထားခြင်းဟာ လူတစ်ယောက်ကို ပိုဆွဲဆောင်မှုရှိသလို ယောင်္ကျားပို ပီသပြီး စိတ်ဝင်စားဖွယ် ဖြစ်လာပါတယ်။ နာမည်ကျော်တွေ မုတ်ဆိတ်မထားခင်နဲ့ မုတ်ဆိတ်ထားပြီးပုံတွေကို ယှဉ်ကြည့်ရင် သိသာသွားပါလိမ့်မယ်။
(၁) Viggo Mortensen
ဒိန်းမတ်- အမေရိကန်နွယ်ဖွား မင်းသားကြီး Viggo Mortensen ပါ။ Lord of The Rings ကြည့်သူတိုင်း အမှတ်ရနေမယ့် မင်းသားကြီး ဖြစ်ပါတယ်။ ကဲ… သူ့ရဲ့ မုတ်ဆိတ်မရှိတဲ့ပုံနဲ့ မုတ်ဆိတ်ထားတဲ့ ပုံကွာခြားချက်လေးလည်း ကြည့်လိုက်ပါဦး။
(၂) Ben Affleck
Batman မင်းသားကြီး Ben Affleck ကို အားလုံး သိကြပါလိမ့်မယ်။ Ben Affleck ရဲ့ မုတ်ဆိတ်ထားတဲ့ပုံနဲ့ မုတ်ဆိတ်မပါတဲ့ ပုံကလည်း သူ့ရုပ်ကို အတော်လေး ပြောင်းစေတာ တွေ့ရမှာပါ။
(၃) Bradley Cooper
ဟောလီးဝုဒ် အက်ရှင်မင်းသားချောကြီး Bradley Cooper ကို Limitless ၊ American Hustle ၊ Guardians of The Calaxy ကားတွေနဲ့ နာမည်ကြီးပါတယ်။ ဒါက သူ့ရဲ့ မုတ်ဆိတ်ပါတဲ့ပုံနဲ့ မပါတဲ့ ပုံ ဖြစ်ပါတယ်။
(၄) Pierce Brosnan
ပဉ္စမမြောက် ဂျိမ်းစ်ဘွန်းမင်းသားကြီး Pierce Brosnan က နဂိုကတည်းက ခန့်ညားတဲ့သူပါ။ ဂျိမ်းဘွန်းကားတွေမှာ သူ့ကို မုတ်ဆိတ်မပါဘဲတွေ့ရလေ့ရှိပါတယ်။ အခုမုတ်ဆိတ်ပါတဲ့ ပုံမှာ ဘယ်လို ပြောင်းလဲသွားလဲ ကြည့်လိုက်ပါ။
(၅) Hugh Jackman
သီချင်းလည်း ဆိုတယ် ၊ သရုပ်လည်း ဆောင်ပါတယ်။ နာမည်ကြီးတာက X-Men Series ထဲမှာ Wolverine/Logan အနေနဲ့ ဖြစ်ပါတယ်။ သူ့ကို မုတ်ဆိတ်မပါဘဲ တွေ့ရရင် စိတ်ထဲမှာ တစ်မျိုးကြီး ဖြစ်သွားနိုင်ပါတယ်။
(၆) Jake Gyllenhaal
Jake Gyllenhaal ကို The Day After Tomorrow ၊ Nightcrawler ၊ Prisoners ၊ Southpaw ကားတွေမှာ လူသိများပါတယ်။ သူ့ရဲ့ မုတ်ဆိတ်ထားတဲ့ပုံကလည်း ရုပ်ပြောင်းစေတာ သိသာပါတယ်။
(၇) Leonardo DiCaprio
မိတ်ဆက်ပေးစရာမလိုအောင် ကမ္ဘာကျော်တဲ့ ဟောလီးဝုဒ်မင်းသားကြီးတစ်လက်ပါ။ Leonardo DiCaprio ကတော့ အသက် ၄၆ နှစ်ထဲ ရောက်လာပြီ ဖြစ်ပေမယ့် အခုထိ ကြည့်ကောင်းနေတုန်းပါပဲ။
(၈) Robert Pattinson
Twilight ဇာတ်ကားတွေနဲ့ မိန်းကလေးတွေ သည်းသည်းလှုပ်ရင်ခုန်အောင် ပြုစားခဲ့တဲ့ မင်းသားကြီး ဖြစ်ပါတယ်။ Batman မင်းသားသစ်အဖြစ်လည်း Robert Pattinson ကို မြင်ရတော့မှာပါ။ နောက်ပိုင်းမှာ The Lighthouse လို အကြမ်းစားကားတွေ ရိုက်ချိန်မှာ မုတ်ဆိတ်နဲ့ ခပ်ကြမ်းကြမ်းလူတစ်ယောက်ပုံစံအဖြစ် ပီပီပြင်ပြင် တွေ့ခဲ့ရပါတယ်။
(၉) David Beckham
အခုပြောခဲ့သမျှ စာရင်းမှာ မင်းသားမဟုတ်တဲ့ နာမည်ကျော်တစ်ယောက် ပါလာပါတယ်။ အင်္ဂလန်ဘောလုံးသမားကြီး David Beckham ဖြစ်ပါတယ်။ နဂိုကတည်းက ခန့်ညားပြီး ယောင်္ကျားပီသတဲ့ ဘောလုံးသမားကြီးဟာ မုတ်ဆိတ်နဲ့လည်း ကြည့်လို့ကောင်းနေပါတယ်။
