အသက် ၆၈ နှစ်အရွယ် မင်းသမီးကြီး Catherine O’Hara ကို “Home Alone” ဇာတ်လမ်းထဲက ဇာတ်လိုက် ကလေးသရုပ်ဆောင်ရဲ့ မိခင်အနေနဲ့ အကုန်လုံး ရင်းနှီးကြမှာပါ။ သူမက မကြာသေးခင်ကမှ ထွက်ရှိထားတဲ့ Schitt’s Creek ဇာတ်လမ်းမှာလည်း Moira Rose ဇာတ်ကောင်အနေနဲ့ သရုပ်ဆောင်ထားပါသေးတယ်။ သူမက အရွယ်တစ်ခု ရောက်လာလို့ အသားအရေ ပြောင်းလဲလာခဲ့ပေမယ့် တစ်ခါမှ ပလတ်စတစ် ဆာဂျရီ မလုပ်ဖူးဘူးလို့ ဖွင့်ဟခဲ့ပါတယ်။ အသက်အရွယ် အိုမင်းလာခြင်းကို သူမရဲ့ ချဉ်းကပ်ပုံက စိတ်ဝင်စားဖို့ ကောင်းတာကြောင့် ဆက်ကြည့်လိုက်ရအောင်နော်-
Catherine O’Hara က အရေးအကြောင်းတွေ ပေါ်လာတာ၊ အရေပြားတွန့်လာတာတွေကို ပြဿနာ အဖုအထစ်အနေနဲ့ မသတ်မှတ်ဘဲ မင်္ဂလာ တစ်ပါးအနေနဲ့ သတ်မှတ်သူ ဖြစ်ပါတယ်။ သူမက အသက်ကြီးတဲ့ အထိ အသက်ရှင်ခွင့် ရနေတာကိုပဲ ကျေးဇူးတင်နေသူ တစ်ဦးဖြစ်တယ်လို့ ဆိုပါတယ်။ ကလေးနှစ်ဦး မိခင် Catherine O’Hara က “ကျွန်မ အသက်ရှင်နေတာကိုပဲ ကျေးဇူးတင်ပါတယ်၊ ဒါကြောင့် အသက်ကြီးလာတာကို ကျွန်မ မမှုပါဘူး” လို့ ဖြေထားပါတယ်။ ဒါ့အပြင် သူမက “ကျွန်မတို့ဟာ အသက်အရွယ်အိုမင်းခြင်းကို တန်ဖိုးထားလေးစားကာ ချစ်သင့်တယ်” လို့ ဆက်ပြောထားပါတယ်။
Catherine O’Hara က ဓားအောက် အသားအရေ အရောက်ခံရတာကို မနှစ်မြို့သူဖြစ်ပါတယ်။ ဒါ့အပြင် သူမရဲ့ အသားအရေကို ပိုငယ်ရွယ်သွားစေမယ့် နည်းလမ်းတွေ၊ နည်းပညာတွေကိုလည်း စိတ်မဝင်စားဘူးလို့ ဆိုထားပါတယ်။
သူမမှာ အသက် ၇၀ နားကပ်ပေမယ့် လှနေဆဲဖြစ်အောင် ပြုလုပ်တဲ့ အလှအပ နည်းလမ်းတစ်ခု ရှိပါတယ်။
O’Hara က Skincare Product တွေရဲ့ ပါဝါကို ယုံကြည်သူ ဖြစ်ပြီး Skincare အတွက် အချိန်၊ ပိုက်ဆံ၊ အားထုတ်မှု အပြည့် လုပ်လေ့ရှိသူပါ။
သူမက ဆုပေးပွဲ မတိုင်ခင်တိုင်း မိနစ် ၆၀ စာ “Triple Crown Facial” ဆိုတဲ့ နည်းလမ်းကို လုပ်လေ့ရှိပါတယ်။ “Triple Crown Facial” ဆိုတာကတော့ မျက်နှာအသားအရေကို တင်းရင်းစေတဲ့ အသားအရေ ထိန်းသိမ်းနည်းပါ။ ဒီနည်းလမ်းက အသားအရေ ဆဲလ်သေတွေကို ဖယ်ရှားပေးပြီး အသားအရေ တင်းရင်းစေကာ သဘာဝဆန်ဆန် တောက်ပစေတယ်လို့ သူမက ပြောပြထားပါတယ်။
ဒါ့အပြင် သူမရဲ့ အပြုံးကလည်း သူမကို ဒီအရွယ်ထိ လှပနေဆဲ ဖြစ်အောင် ကူညီပေးတဲ့ အရာပါ။ သူမရဲ့ အပြုံးက သူမကိုယ်သူမ ဘယ်လောက်ထိ ယုံကြည်မှု ရှိလဲ၊ ကျေနပ်မှု ရှိလဲ အမြဲပြောပြနေပါတယ်။
သင်ကော အသက်အရွယ် ကြီးလာခြင်းကို နှေးကွေးအောင် နည်းလမ်းတွေနဲ့ အတင်း ပြင်ချင်သူလား ဒါမှမဟုတ် အသက်ကြီးလာခြင်းကို မင်္ဂလာအနေနဲ့ တန်ဖိုးထားမယ့်သူလား ပြောပြခဲ့ပါဦး။
Source: Brightside
By MyStyle Myanmar
