ဝိတ်ချနေတဲ့ ပျိုမေတို့လုပ်သင့်တဲ့ High Intensity လေ့ကျင့်ခန်း (၅) ခု

High Intensity Interval Training လေ့ကျင့်ခန်းတွေက လုပ်ရတာ ပင်ပန်းပြီး နှလုံးကို အလုပ်ပေးရတဲ့ လေ့ကျင့်ခန်းတွေ ဖြစ်ပါတယ်။ ဒီလေ့ကျင့်ခန်းတွေကို လေ့ကျင့်ခန်းလုပ်တဲ့ နောက်ဆုံးရက်မှာ လုပ်သင့်ပြီး လေ့ကျင့်ခန်း လုပ်ပြီးနောက် ၂ ရက်ဝန်းကျင် နားပေးသင့်ပါတယ်။ ဒီ HIIT လေ့ကျင့်ခန်းတွေက ဝိတ်ကျချင်တဲ့ ပျိုမေတို့ကို ရလဒ် အမြန်ပေးနိုင်တဲ့ လေ့ကျင့်ခန်းတွေ ဖြစ်ပါတယ်။ သင်က အချိန်တိုအတွင်း ဝိတ်ကျချင်ရင် ဒီ HIIT လေ့ကျင့်ခန်းတွေကို လုပ်သင့်ပါတယ်။

၁။ Jump Squat

ထိုင်ထ လေ့ကျင့်ခန်းကို ခုန်တာနဲ့ ပေါင်းပေးရမယ့် လေ့ကျင့်ခန်းပါ။ ထိုင်ထလုပ်ပြီးတာနဲ့ ရိုးရိုးမထဘဲ ခုန်ပြီး ထ ပေးရပါမယ်။ ပြီးနောက် ပြန်ထိုင်ပေးရပါမယ်။ ဒီ Jump Squat ကို ၄၅ စက္ကန့် လုပ်ရပါမယ်။

၂။ Knee Crunch

Photo Source: Spotebi

ဗိုက်ကြွက်သားနဲ့ ပေါင်ကြွက်သားအတွက် သင့်တော်တဲ့ Knee Crunch လုပ်နည်းကတော့ တံတောင်နဲ့ ဒူးကို တိုက်အောင် လွှဲပေးရတာပါ။ ဒူးနှစ်ဘက်ကို တစ်လှည့်စီ မြှောက်ပေးရပါမယ်။ ဒီ Knee Crunch ကို ၄၅ စက္ကန့်ပဲ လုပ်ရပါမယ်။

၃။ Jump Rotation

Photo Source: Make A Gif

သင့်ခါးအဆီအတွက်ကော တစ်ကိုယ်လုံးစာ အဆီကိုပါ ကျစေမယ့် ခန္ဓာကိုယ်ကို လှည့်ပေးရတဲ့ လေ့ကျင့်ခန်း ဖြစ်ပါတယ်။ ခုန်ရင်းနဲ့ ခြေထောက်နှစ်ဘက်ကို စုံကာ ဘယ်ဘက်ဆီ ခါးလှည့်ပေးရပါမယ်။ ညာဘက်လည်း ဒီလိုပဲ လှည့်ပေးရပါမယ်။ ဒီ Jump Rotation ကလည်း ၄၅ စက္ကန့်ပါပဲ။

၄။ Upward Chop

Photo Source: Men’s Health

ဒီလေ့ကျင့်ခန်းအတွက် အလေးတုံး လိုအပ်ပါတယ်။ အလေးတုံးကို လက်နှစ်ဘက်နဲ့ မ ကာ အောက်ဘက်ဆီ လွှဲပေးရပါမယ်။ ဒီအောက်ဘက်ကနေ အပေါ်ဆီ မြှောက်ပေးရပါမယ်။ Upward Chop ကလည်း ၄၅ စက္ကန့်ပါပဲ။

၅။ Rotational Chop