အသက်ငယ်ငယ်လေးနဲ့ Skincare အစုံလျှောက်သုံးနေစရာမလိုပါဘူး။ အစုံလျှောက်သုံးမိရာကနေ Skin Barrier ထိသွားပြီး အသားအရေပျက်စီးတာမျိုး Sensitive ဖြစ်သွားတာမျိုးတွေ ဖြစ်တတ်ပါတယ်။ ဒါကြောင့် အသက်ငယ်သေးတဲ့ ဆယ်ကျော်သက်လေးတွေအတွက် အဓိကလိုအပ်တဲ့ Skincare 5 မျိုးကို ပြောပြပေးလိုက်ပါတယ်။
Micellar Water
ညဘက် Skincare လိမ်းဖို့ မျက်နှာမသစ်ခင်မှာ Micellar Water နဲ့ အရင်သန့်စင်ပေးမယ်ဆိုရင် လိမ်းထားတာတွေနဲ့ တစ်နေကုန်ကပ်နေတဲ့ ဖုန်မှုန့်၊ အညစ်အကြေးတွေ အားလုံးကို သန့်စင်ပေးမှာပါ။ Cleansing သေချာမလုပ်ပဲ Skincare တွေလိမ်းနေရင်လည်း အသားအရေက ထင်သလောက် ကောင်းမလာပါဘူး။ ဒါကြောင့် Cleansing သေချာလုပ်ပေးပါ။
Facial Foam or Cleanser
တစ်နေ့ နှစ်ကြိမ် မျက်နှာသစ်ပေးဖို့ မမေ့ပါနဲ့။ မျက်နှာမသစ်ပဲ ညအိပ်တာမျိုးတွေ လုပ်ပါများလာရင် အရွယ်မတိုင်ခင် အိုမင်းရင့်ရော်ပြီး အရေးအကြောင်းတွေ ထွက်လာပါလိမ့်မယ်။ ဒါအကြောင့် ကိုယ့်အသားအရေနဲ့ အဆင်ပြေမယ့် Facial Foam or Cleanser ကိုသုံးပါ။
Toner
ဆယ်ကျော်သက်အရွယ်မှာ Skincare တွေ အများကြီးလိမ်းစရာမလိုပေမယ့် Toner ကိုတော့ သုံးပေးပါ။ Toner သုံးတဲ့အခါမှာလည်း Normal Skin ဆို ရေဓာတ်ဖြည့်ပေးတဲ့ Toner လောက်ပဲ သုံးပေးပါ။ အရမ်းအဆီပြန်ရင်တော့ အဆီထိန်းပေးနိုင်တဲ့ Toner သုံးပြီး ဝက်ခြံရှိရင်တော့ ဝက်ခြံအတွက်ထုတ်ထားတဲ့ Toner တွေ သုံးနိုင်ပါတယ်။
Moisturizer
Skincare Step တွေထဲမှာ Moisturizer က မဖြစ်မနေလိုအပ်တဲ့အရာပါ။ ကိုယ့် Skin Type နဲ့ ကိုက်ညီတဲ့ Moisturizer ကို သုံးပေးပါ။ Moisturizer သုံးမှ အသားအရေစိုပြည်မှာပါ။
Sunscreen
ဆယ်ကျော်သက်အရွယ်ထဲက Sunscreen ကို သုံးပေးမှသာ နေလောင်ပြီး အသားအရေ ပျက်စီးတာမျိုးမဖြစ်မှာပါ။ Sunscreen မလိမ်းရင် အသားအရေ Sensitive ဖြစ်လာမယ်၊ အသားအရေမဲညစ်လာမယ်၊ အရေးအကြောင်းတွေ ဖြစ်တာမြန်မယ်၊ အရွယ်မတိုင်ခင် အိုမင်းရင့်ရော်လာမယ်၊ အသက်ကြီးလာရင် တင်းတိတ်တွေပါ ထွက်လာပါလိမ့်မယ်။
