“အမ အသားအရေက လှလိုက်တာ၊ ညီမလေး အသားအရေက အမြဲတမ်း Glow နေတာပဲ” ဆိုတဲ့ ချီးကျူးစကားတွေက နားသာယာဖွယ် စကားတွေ ဖြစ်ပါတယ်။ သင်က အသက်အရွယ် တစ်ခု ရလာတဲ့အထိ အသားအရေကို ထိန်းသိမ်းထားနိုင်တာက ဂုဏ်ယူစရာ တစ်ခုပါပဲ။
အခုဖော်ပြမယ့် အကြောင်းအရာမှာတော့ ကိုယ်လိုချင်တဲ့ ရည်ရွယ်ချက်အလိုက် အသားအရေကို ဂရုစိုက်နိုင်ဖို့ သဘာဝ ပေါင်းတင်နည်းလမ်းတွေ ပါဝင်ပါတယ်။ ဒီတော့ သင်က စိတ်ဝင်စားရင် ဆက်ကြည့်လိုက်ပါနော်-
၁။ Glowing Skin ပိုင်ဆိုင်ဖို့
Photo Source: Pinterest
သင်က အာဟာရပြည့်ဝပြီး ကြည်လင်တောက်ပတဲ့ အသားအရေပိုင်ဆိုင်ချင်ရင် ဒီနည်းလမ်းကို သုံးနိုင်ပါတယ်။ ဒါအတွက် လိုအပ်တဲ့ပစ္စည်းတွေကတော့- သဘော်သီးအနှစ် အနည်းငယ်နဲ့ နွားနို့ ၂ ဇွန်းပါ။ ဒီနှစ်မျိုးကို ရောပြီး မျက်နှာပေါ် ပေါင်းတင်ပေးရပါမယ်။ သဘောင်္သီးက သဘာဝ ချေးချွတ်တဲ့ အာနိသင် ပါဝင်ပြီး အသားအရေကို တောက်ပလာစေပါတယ်။
၂။ တင်းရင်းတဲ့ အသားအရေအတွက်
Photo Source: YouTube
ကော်ဖီမှုန့်မှာ အက်တီအောက်ဆီးဒင်းနဲ့ Caffeic Acid ပါဝင်ပါတယ်။ ဒီဓာတ်တွေက အသားအရေ ချေးချွတ်ပေးနိုင်ပြီး တောက်ပစေပါတယ်။ ဒါ့အပြင် အိုမင်းရင့်ရော်မှုကို နှေးကွေးစေပါတယ်။
ဒီနည်းလမ်းအတွက် ကော်ဖီမှုန့် ၂ ဇွန်းနဲ့ ပျားရည် တစ်ဇွန်း လိုပါတယ်။ ဒီနှစ်မျိုးကိုရောမွှေပြီးနောက် မျက်နှာမှာ လိမ်းပေးရပါမယ်။ ၁၅မိနစ်ထားပြီးနောက် ရေဆေးချရပါမယ်။
၃။ ဝက်ခြံသက်သာဖို့
Photo Source: Fab How
ဒါအတွက် လိုအပ်တဲ့ ပစ္စည်းနှစ်မျိုးကတော့- ရှားစောင်းလတ်ပတ်ဂျယ်နဲ့ Tea Tree Oil ၂ စက်ကနေ ၃ စက်ပါ။ ရှားစောင်းလတ်ပတ်မှာက အယောင်အယမ်းကျစေတဲ့ အာနိသင်ပါဝင်ပြီး နီမြန်းတာ လျော့ကျစေပါတယ်။ Tea Tree Oil ကတော့ ဝက်ခြံသက်သာစေတဲ့ သဘာဝပစ္စည်းတစ်မျိုးပါ။
၄။ အဆီပြန်တတ်သူတွေအတွက်
Photo Source: India Herald
အာလူးမှာ ဗီတာမင် စီ၊ B6, B1, B3 နဲ့ အသားအရေအတွက် လိုအပ်တဲ့ သတ္တုဓာတ်များစွာ ပါဝင်ပါတယ်။ အာလူးနဲ့ သခွားသီး တို့ကို လှီးကာ Blender နဲ့ အနှစ်ရအောင် ဖျော်ပေးရပါမယ်။ ရလာတဲ့ အနှစ်ကို မျက်နှာပေါ်လိမ်းပြီး ၁၅မိနစ် ထားကာ ရေဆေးချရပါမယ်။ ဒီ Mask က အသားအရေ အဆီပြန်ခြင်းကို လျှော့ချပေးကာ ဝက်ခြံဖြစ်တာကိုပါ တားဆီးပေးနိုင်ပါတယ်။
၅။ ကျန်းမာတဲ့ အသားအရေအတွက်
Photo Source: YouTube
နနွင်းမှုန့်မှာ ဘတ်တီးရီးယား သေစေနိုင်တဲ့ အာနိသင်ပါဝင်ပြီး အသားအရေကို ပြန်လည် Glow စေနိုင်ပါတယ်။ ဒိန်ချဉ်က အသားအရေကို အစိုဓာတ်ပေးနိုင်ပါတယ်။ နနွင်းမှုန့် အနည်းငယ်နဲ့ ဒိန်ချဉ်နှစ်ဇွန်းကို ရောပေးရပါမယ်။ ဒီအရောကို မျက်နှာပေါ်လိမ်းကာ ၁၀ မိနစ် ထားရပါမယ်။ ပြီးနောက် ရေအေးနဲ့ ဆေးချရပါမယ်။ ဒီနည်းလမ်းက အသားအရေကို နူးညံ့စေကာ Glow စေပါတယ်။
By MyStyle Myanmar
