IVE အဖွဲ့ကတော့ တောင်ကိုးရီးယား နာမည်ကျော် အဆိုတော်အဖွဲ့ ဖြစ်ပါတယ်။ ဒီအဖွဲ့က အဖွဲ့ဝင်ပေါင်း ၆ ယောက်နဲ့ ဖွဲ့စည်းထားပါတယ်။ IVE ရဲ့ ကျော်ကြားတဲ့ သီချင်းတွေကတော့- Eleven, Love Dive, After Like စတဲ့ သီချင်းတွေ ဖြစ်ပါတယ်။ ဒီအဖွဲ့ရဲ့ ထူးခြားမှုကတော့ ပါဝင်တဲ့ အဖွဲ့ဝင်တိုင်းရဲ့ Visual က လူတိုင်း သတိထားရလောက်တဲ့အထိ လှကြတာပါ။ ဒါ့အပြင် အသံကလည်း နားထောင်လို့ ကောင်းပြီး သူတို့ ဆိုတဲ့ သီချင်းတိုင်းက ထူးခြားမှု ရှိတတ်ပါတယ်။

ဒီလိုပဲ သူတို့ စည်းလေ့ရှိတဲ့ ဆံပင်စတိုင်တွေကလည်း သီချင်းလိုပဲ ထူးခြားမှု ရှိပါတယ်။ သင်က IVE အဖွဲ့ဝင်တွေလို ချစ်စရာ ဆံပင်စတိုင်လေး ပိုင်ဆိုင်ချင်တယ်ဆိုရင် သူတို့လို စည်းကြည့်သင့်ပါတယ်။

အဖြူရောင် ဝတ်ထားတဲ့နေ့တွေမှာ

သင်က အဖြူရောင် အင်္ကျီဝတ်တဲ့နေ့တွေမှာ Wonyoung လို ခေါင်းစည်းကြိုး အဖြူအကြီးနဲ့ ကျက်သရေရှိရှိ လှနိုင်ပါတယ်။

Ga-eul ရဲ့ အမြင့်စည်း

ဆံပင်အဝါရောင်နဲ့ အမြဲလန်းနေတဲ့ Ga-eul က ဆံပင်အမြင့်စည်းလေ့ရှိပါတယ်။ ဒီပုံစံလေးက သင်ကိုယ်တိုင် လိုက်စည်းကြည့်နိုင်တဲ့ ဆံပင်စတိုင်ပါ။

Ahn Yu Jin ရဲ့ ကျစ်ဆံမြီးစတိုင်

Ahn Yu Jin က ဆံပင်နှစ်ဖက်ကို ကျစ်ဆံမြီးကျစ်ကာ တစ်ဘက်ဆီကို ဆံပင်အောက် မြှုပ်ထားပြီး အရှည်ချထားလေ့ရှိပါတယ်။

Leeseo ရဲ့ နှစ်ဖက်စည်း

Leeseo က IVE ရဲ့ အသက်အငယ်ဆုံး အဖွဲ့ဝင်ဖြစ်ပြီး ချစ်ဖို့ကောင်းတဲ့ အနုပညာရှင် တစ်ဦးပါ။ သူမရဲ့ နှစ်ဖက်စည်း ဆံပင်လေးကလည်း သင် စည်းချင်မယ့် စတိုင်မျိုးပါ။

Liz ရဲ့ ကျစ်ဆံမြီးကို ပတ်ထားတဲ့ စတိုင်

သင်က ဆံပင်အရှည်လေး ပိုင်ဆိုင်ရင် Liz လို ချစ်စဖွယ် ကျစ်ဆံမြီးစတိုင်လေး စည်းနိုင်ပါတယ်။

ချစ်ဖို့ကောင်းတဲ့ Rei ရဲ့ ဆံပင်စတိုင်

ဂျပန်မလေး Rei ရဲ့ ဆံထုံး နှစ်ဘက်စည်းပြီး ကျန်တဲ့ဆံပင်ကို ဘေးဘက် ချထားတာကလည်း ချစ်ဖို့ကောင်းတဲ့ စတိုင်ပါ။

Photo Source: Pinterest

By MyStyle Myanmar