သင်က အသားအရေကို အရင်ထက် ပိုဖြူချင်တဲ့သူဆိုရင်တော့ ဒီအကြောင်းအရာက သင့်အတွက်ပါပဲ။ DIY နည်းလမ်းတွေက မျက်နှာမှာ ပိုသတိထားပြီး အသုံးချရမှာ ဖြစ်သလို ခန္ဓာကိုယ်ပေါ်မှာ ကိုယ့်အသားအရေနဲ့ ဓာတ်တည့်မှု ရှိမရှိ အရင် သိထားသင့်ပါတယ်။ အခုနည်းလမ်းမှာ ပါဝင်တဲ့ ပစ္စည်းတွေကတော့ သဘာဝ ပစ္စည်းတွေ ဖြစ်ပြီး Cosmetics တွေမှာ ပါဝင်တဲ့ ပစ္စည်းတွေ ဖြစ်ပါတယ်။ ဒီတော့ အသားပိုဖြူလာစေမယ့် DIY Body Polishing ကို ကြည့်လိုက်ရအောင်နော်-
နို့မှုန့် ၂ ဇွန်း
နွားနို့မှုန့်က အသားအရေပေါ်က ဘတ်တီးရီးယားတွေကို ဖယ်ရှားပေးတဲ့အပြင် ဆဲလ်သေတွေကိုပါ ဖယ်ရှားပေးတာကြောင့် ပိုအသားဖြူလာစေနိုင်ပါတယ်။
ကုလားပဲမှုန့် ၁ ဇွန်း
ကုလားပဲမှုန့်ရဲ့ အသားအရေအတွက် ကောင်းကျိုးတွေကတော့- အသားအရေကို ချေးချွတ်ပေးတာ၊ အသားညိုတာကို ပိုဖြူလာစေတာ စတာတို့ ဖြစ်ပါတယ်။
ကော်ဖီမှုန့် ၂ ဇွန်း
ကော်ဖီမှုန့်ကလည်း အသားအရေပေါ်က အညစ်အကြေးကို ဖယ်ရှားတဲ့ နေရာမှာ အရေးပါတဲ့ ပါဝင်ပစ္စည်းပါ။
သံပယိုရည်
သံပယိုရည်မှာ အသားအရေကို အရင်ထက် ပိုတောက်ပစေနိုင်တဲ့ ဗီတာမင်စီ ပါဝင်ပါတယ်။ သံပယိုရည် တစ်လုံးကို အပေါ်က အမှုန့်တွေထဲ အရည်ညှစ်ထည့်ပေးရပါမယ်။
သံလွင်ဆီ ၁ ဇွန်း
ချေးချွတ်ပစ္စည်းတွေကြောင့် အသားအရေ ခြောက်သွေ့သွားတာ မဖြစ်ရအောင် သံလွင်ဆီကိုပါ ထပ်ထည့်ပေးရပါမယ်။
ဒီပါဝင်ပစ္စည်းအားလုံးကို ခွက်အလွတ်ထဲ ရောထည့်ကာ မွှေပေးရပါမယ်။ ရလာတဲ့ အနှစ်ကို ခန္ဓာကိုယ်ပေါ်လိမ်းကာ ၁၅ မိနစ်နေရင် ဆေးချပေးရပါမယ်။
ဒီ DIY Body Polishing က တစ်ကြိမ်လုပ်ရုံနဲ့ ထိရောက်တာမို့ သင့်အနေနဲ့ ပါဝင်ပစ္စည်း အစုံရှိရင် စမ်းကြည့်သင့်ပါတယ်။
Photo Source: Pinterest
By MyStyle Myanmar
