အင်တာနက်ပေါ်ကနေ ရနိုင်တဲ့ ပညာရပ်တွေ၊ ဗဟုသုတတွေ၊ နည်းလမ်းတွေ အများကြီးပါပဲ။ ကိုယ်ယူရင် ယူတတ်သလို ယူစရာတွေအများကြီးကို အင်တာနက်ကနေ ပေးစွမ်းနိုင်ပါတယ်။ အခုဖော်ပြထားတဲ့ နည်းလမ်းတွေကတော့ YouTube ပေါ်က YouTuber တွေရဲ့ Skin Care အတွက် အသုံးဝင်တဲ့ လက်တွေ့နည်းလမ်းကောင်းတွေ ဖြစ်ပါတယ်။

၁။ အထဲကနေ အသားအရေကို ဂရုစိုက်ပါ

အသားအရေ လှဖို့ ပြင်ပ Skincare ပစ္စည်းတွေကို လိုအပ်သလို ခန္ဓာကိုယ်အတွင်းထဲကနေ လိုအပ်တဲ့ ဗီတာမင် အာဟာရတွေကို ဖြည့်ပေးမှ အသားအရေက သူများထက် ပိုလှမှာပါ။ Primrose Oil, Biotin နဲ့ Hyaluronic Acid ပါဝင်တဲ့ Supplement တွေကို သောက်သင့်ပါတယ်။

၂။ ချေးချွတ်တာကို ပုံမှန်လုပ်ပါ

မျက်နှာကို ချေးချွတ်တဲ့အပြင် တစ်ကိုယ်လုံးကို ချေးချွတ် Exfoliate လုပ်ပေးဖို့ လိုပါတယ်။ ဒီလိုမှ ဆဲလ်သေတွေ ပါသွားပြီး ရလာတဲ့ အသားအရေ အသစ်က အောက်ဆီဂျင်ကို စုပ်ယူနိုင်မှာပါ။ တံတောင်တွေ၊ ဒူးတွေကို ချေးချွတ်သလို တစ်ကိုယ်လုံးကို ဂရုစိုက် Exfoliate သင့်ပါတယ်။ သင်က ဈေးကြီးပေးမဝယ်ချင်ရင် Baking Soda ကို Exfoliate အနေနဲ့ သုံးနိုင်ပါတယ်။

၃။ မျက်လုံးအောက် နှိပ်နယ်ပေးပါ

သင့်မျက်လုံးအောက် အသားအရေအတွက် Eye Cream လိမ်းပြီးနောက် မျက်လုံးအောက်ကို ညင်သာစွာ နှိပ်နယ်ပေးရပါမယ်။ မျက်လုံးအောက် အသားအရေ ကတဆင့် ပါးရိုးနဲ့ မျက်ခုံးအောက်ကိုပါ နှိပ်ပေးရပါမယ်။ ဒီလို နှိပ်ပေးရင် မျက်ကွင်းညိုတာတွေ၊ မျက်နှာဖောင်းတာတွေ သက်သာလာပါလိမ့်မယ်။

၄။ မျှဝေ သုံးစွဲခြင်းကို ရှောင်ပါ

Skincare ပစ္စည်းတွေ၊ မျက်နှာသစ် သဘတ်တွေ၊ Brush တွေကို တခြားသူနဲ့ Share သုံးတာမျိုး မလုပ်သင့်ပါဘူး။ Glow Skin ပိုင်ဆိုင်ချင်ရင် ဘယ်သူနဲ့မှ မမျှဘဲ တစ်သီးတသန့် ပစ္စည်း ဝယ်ထားသင့်ပါတယ်။

၅။ လက်ဆေးပါ

မျက်နှာပေါ်က အသားအရေကို မကိုင်ခင် သင့်လက်ကို အရင် သန့်စင်အောင် ဆေးသင့်ပါတယ်။ ဒီလိုမှ အသားအရေ ဓာတ်မတည့်တာတွေ၊ ပိုးဝင်တာတွေ မဖြစ်နိုင်မှာပါ။ သင့်လက်က်ို မျက်နှာကိုင်ခါနီးတိုင်း ဆေးသင့်သလို မျက်နှာကို ခဏခဏ ထိတွေ့တာမျိုး မလုပ်သင့်ပါဘူး။

၆။ ရေဓာတ်ဖြည့်ပါ

မျက်နှာ အသားအရေ စိုပြေဖို့ ပုံမှန် ရေဓာတ်ဖြည့်တာက အရေးကြီးပါတယ်။Hyaluronic Acid က မျက်နှာအသားအရေကို ထိရောက်စွာ ရေဓာတ်ဖြည့်ပေးနိုင်ပါတယ်။

၇။ DIY သဘာဝ ပစ္စည်း

Glow Skin ရစေမယ့် သဘာဝနည်းလမ်းရှိပါတယ်။ ဒါကတော့ ခရမ်းချဉ်သီးကို တစ်ဝက်ခွဲပြီး မျက်နှာမှာ ပွတ်ပေးတာပါ။ ခရမ်းချဉ်သီး အဖက်ကို မျက်နှာပေါ် တင်ပြီးနောက် ၁၅ မိနစ်ကနေ မိနစ် ၂၀ ထားပေးရပါမယ်။ ပြီးနောက် ရေအေးနဲ့ မျက်နှာသစ်ပေးရပါမယ်။

Photo Source: Pinterest

by MyStyle Myanmar