ဝမ်းခဏခဏချုပ်တာက ကြာလာရင် လိပ်ခေါင်းဖြစ်တတ်ပါတယ်။ ဝမ်းချုပ်ရင် ခေါင်းမကြည်၊ စိတ်မကြည်ဖြစ်ပြီး ထိုင်းမှိုင်းတယ်၊ ဇာတ်ကြောတက်ပါတယ်။ ဒါကြောင့် ဝမ်းခဏခဏချုပ်တတ်တဲ့ သူတွေအတွက် ဝမ်းချုပ်တာသက်သာစေမယ့် အလွယ်ကူဆုံးသော လေ့ကျင့်ခန်း ၅ မျိုးကို မျှဝေပေးလိုက်ပါတယ်။
Wind-Relieving Pose
ပုံမှာလုပ်ပြထားတဲ့အတိုင်း ကြမ်းမှာလှဲပြီး ခြေထောက်နှစ်ဖက်ကိုစုကာ လက်နဲ့ကိုင်ပြီး ရင်ဘတ်နားထိရောက်အောင် ကွေးထားပါ။ အဲ့အတိုင်း စက္ကန့် ၃၀ နေပေးပြီး ခြေထောက်ပြန်ချ၊ ပြီးရင် အဲ့အတိုင်း ပြန်လုပ်ပြီး စက္ကန့် ၃၀ ထပ်နေပေးပါ။
Bird Dog
ပုံမှာလုပ်ပြထားတဲ့အတိုင်း ဘယ်ခြေထောက်ကဒူးထောက်ပြီး၊ ညာခြေထောက်က အနောက်ကို ဆန့်ပြီးမြှောက်ထားပါ။ ညာလက်က ကြမ်းကိုထောက်ထားပြီး ဘယ်လက်က အရှေ့ကို ဆန့်ထုတ်ထားပါ။ ခါးမကုန်ရပါဘူး။ အဲ့အနေအထားနဲ့ ၁၀ စက္ကန့်နေပြီး ပုံမှန်အတိုင်းပြန်နေ၊ ပြီးရင်ပြန်လုပ် ၁၀ စက္ကန့်ထပ်နေပါ။ အဲ့အတိုင်း ဘယ်ညာတစ်လှည့်စီ တစ်ဖက်ကို ၅ ကြိမ်စီ လုပ်ပေးရုံပါပဲ။
ပြေးပါ၊ လမ်းလျှောက်ပါ
အထိုင်များရင်လည်း ဝမ်းချုပ်ပါတယ်။ ဒါကြောင့် လေ့ကျင့်ခန်းလုပ်တဲ့အနေနဲ့ ပြေးတာပဲဖြစ်ဖြစ်၊ လမ်းလျှောက်တာပဲဖြစ်ဖြစ် လုပ်ပေးပါ။ တစ်နေ့ကို တစ်နာရီ ပုံမှန်လုပ်ပေးရင် အဆင်ပြေပါတယ်။
စက်ဘီးစီးပါ
ကျန်းမာရေးအရ စက်ဘီးစီးတာမျိုးကလည်း ဝမ်းချုပ်တာ သက်သာစေတဲ့ လေ့ကျင့်ခန်းတစ်ခုပါ။ ဒါကြောင့် လမ်းလျှောက်တာ၊ ပြေးတာတွေ မလုပ်ချင်ရင် စက်ဘီးစီးလို့လည်း ရပါတယ်။
ကြိုးခုန်ပါ
ကြိုးခုန်တာကလည်း ဝမ်းချုပ်တာ သက်သာစေမယ့် လေ့ကျင့်ခန်းတစ်ခုပါပဲ။ အပြင်ထွက်လုပ်ရတဲ့ လေ့ကျင့်ခန်းတွေဖြစ်တဲ့ ပြေးတာ၊ လမ်းလျှောက်တာ၊ စက်ဘီးစီးတာတွေ ဘာမှမလုပ်ချင်ရင် အိမ်မှာပဲ ကြိုးခုန်လို့ရပါတယ်။ ကြိုးခုန်တာက ဝိတ်လည်းကျစေပါတယ်။ ကြိုးခုန်တဲ့လေ့ကျင့်ခန်းကိုပဲ ရွေးလုပ်မယ်ဆိုရင်တော့ အပေါ်ဆုံးက လေ့ကျင့်ခန်း ၂ ခုကိုပါ အိမ်မှာလုပ်ပေးရင် ပိုကောင်းပါတယ်။
