ဆောင်းတွင်းမှာ အသားခြောက်တာတွေ အရမ်းဖြစ်တော့ မိတ်ကပ်လိမ်းရင် သိပ်မလှတာမျိုး၊ အသားအရေမကောင်းသလိုမျိုး ဖြစ်နေတတ်ပါတယ်။ ဒါကြောင့် ဆောင်းတွင်းမှာ မိတ်ကပ်လိမ်းတဲ့အခါ သတိထားဆင်ခြင်သင့်တဲ့အရာ ၇ ခုကို ပြောပြပေးလိုက်ပါတယ်။
Moisturizer မဖြစ်မနေလိမ်းပါ
ဆောင်းတွင်းမှာ အသားခြောက်တတ်တော့ မိတ်ကပ်မလိမ်းခင်မှာ Moisturizer ကို မဖြစ်မနေ လိမ်းပေးပါ။ အသားအရမ်းခြောက်တဲ့သူတွေဆိုရင် Serum, Moisturizer နှစ်မျိုး လိမ်းပေးရင် အကောင်းဆုံးပါပဲ။ ဒါမှ အသားအရေလည်း စိုစိုပြည်ပြည်လေး ဖြစ်နေမယ်၊ မိတ်ကပ်လိမ်းရတာလည်း အဆင်ပြေပါမယ်။
Sunscreen လိမ်းဖို့မမေ့ပါနဲ့
ဆောင်းတွင်းမှာလည်း နေပြင်းတာပါပဲ။ ဒီတော့ ညဘက်ကလွဲပြီး ကျန်းတဲ့အချိန် Sunscreen လိမ်းဖို့ လုံးဝမမေ့ပါနဲ့။ Foundation မှာ SPF ပါပြီးသားမို့ Sunscreen မလိမ်းတော့ဘူးဆိုတာမျိုးလည်း မလုပ်ရပါဘူး။
Matte Type Foundation တွေရှောင်ပါ
ဆောင်းတွင်းမှာ အသားခြောက်တော့ Matte Type Foundation တွေလိမ်းရင် ပိုဆိုးပါတယ်။ မိတ်ကပ်ဆွဲရတာလည်း အဆင်မပြေသလို အသားကလည်း ခြောက်ခြောက်ကပ်ကပ်ကြီး ဖြစ်နေတတ်ပါတယ်။ ဒါကြောင့် Matte Type Foundation တွေကို ရှောင်ပေးပါ။
Facial Mist ဖြန်းပေးပါ
Facial Mist ဖြန်းပေးတာက အသားအရေ စိုပြည်ပြီး ရေဓာတ်ပြည့်စေပါတယ်။ မိတ်ကပ်သားလည်း စိုစိုပြောင်ပြောင်လေး သွားဖြစ်စေပါတယ်။ ဒါကြောင့် Facial Mist လည်းသုံးပေးပါ။
Matte Lipstick တွေမဆိုးပါနဲ့
ဆောင်းတွင်းမှာ နှုတ်ခမ်းတွေ အရမ်းခြောက်တဲ့အတွက် Matte Lipstick တွေဆိုးရင် ပိုဆိုးပါမယ်။ ဒါကြောင့် Lip Gloss တွေ၊ Lip Tint တွေဆိုးပေးတာ ပိုကောင်းပါတယ်။
Powder Type ပါးနီတွေမသုံးပါနဲ့
Powder Type ပါးနီတွေသုံးတာထက် Liquid Type လေးတွေသုံးတာက အသားနဲ့တစ်သားထဲဖြစ်ပြီး ပိုလှပါတယ်။ ဆောင်းတွင်းအသားခြောက်တာနဲ့လည်း အဆင်ပြေပါတယ်။
မိတ်ကပ်အထူကြီးတွေမလိမ်းပါနဲ့
အသားခြောက်တဲ့အချိန်မှာ မိတ်ကပ်အထူကြီးတွေလိမ်းရင် ပိုပြီး ကြည့်ရဆိုးစေပါတယ်။ ဆောင်းရာသီနဲ့ အလိုက်ဖက်ဆုံးက Glow Look, Dewy Look, Natural Look လေးတွေပါပဲ။
