ခြေဖဝါးက ဆဲလ်သေတွေကိုဖယ်ရှားပစ်နိုင်မယ့် အလွယ်ဆုံးနည်းလမ်း ၅ မျိုး

ခြေဖဝါးက ဆဲလ်သေတွေကို ဖယ်ရှားပစ်နိုင်မယ့် အလွယ်ဆုံးနည်းလမ်း ၅ မျိုးကို မျှဝေပေးလိုက်ပါတယ်။ ခြေဖဝါးမှာ ဆဲလ်သေတွေရှိနေရင်ပဲဖြစ်ဖြစ်၊ ခြေဖဝါးကြမ်းပြီး ကွဲတာတွေဖြစ်နေရင်လည်း ဒီနည်းလမ်းတွေကို သုံးလို့ရပါတယ်။

Pumice Stone

Pumice Stone ကို ရေနွေးထဲမှာနှစ်ထားပြီး ခြေထောက်ကိုလည်း ရေနွေးနဲ့ ၁၀ မိနစ်လောက် စိမ်ထားပါ။ ပြီးမှ ခြေဖဝါး၊ ခြေဖနောင့်တွေကို ညှင်သာစွာ ပွတ်တိုက်ပေးပါ။ ဆဲလ်သေတွေဖယ်ရှားပေးပြီး သွေးလည်ပတ်မှုလည်း ကောင်းမွန်စေပါတယ်။ ပြီးရင်တော့ ခြေဖဝါးကို Lotion or Oil လိမ်းပြီး ခြေအိတ်စွပ်ထားလိုက်ပါ။

Scrub

Body ကို Scrub တိုက်သလိုပဲ ခြေဖဝါးနဲ့ ခြေဖနောင့်ကိုလည်း တစ်ပတ်တစ်ခါ Scrub တိုက်ပေးပါ။ ဆဲလ်သေတွေကွာကျပြီး ခြေဖနောင့်ကွဲတာတွေပါ သက်သာစေပါတယ်။ ပြီးရင်တော့ ရေကြက်သီးနွေးနဲ့ သန့်စင်ပေးပြီး Lotion ပြန်လိမ်းထားပါ။

Epsom Salt

ခြေထောက်စိမ်မယ့်ဇလုံထဲကို ရေနွေးထည့်ပြီး Epsom Salt ခွက်တစ်ဝက်စာ ထည့်ပေးပါ။ ပြီးရင် ခြေထောက်အပူခံနိုင်တဲ့ အပူလောက်ရရင် ခြေထောက်ထည့်စိမ်ထားပါ။ မိနစ် ၂၀ စိမ်ပြီးမှ Pumice Stone နဲ့တိုက်ပေးပါ။ ဒီနည်းလမ်းကတော့ ဆဲလ်သေတွေကို ဖယ်ရှားပေးပြီး ခြေဖနောင့်ကွဲတာလည်း သက်သာစေတယ်။ အပူလည်းထွက်စေပါတယ်။

ရှာလကာရည်

ရှာလကာရည် ၁ ဆနဲ့ ရေ ၂ ဆကို ရောပြီး ခြေထောက်ထည့်စိမ်ထားပါ။ ၁၀ မိနစ်လောက်စိမ်ပြီးရင် Pumice Stone နဲ့ တိုက်ပေးပါ။ ဆဲလ်သေတွေဖယ်ရှားပေးပြီး အသားမာတက်တာလည်း သက်သာစေပါတယ်။ ပြီးရင်တော့ Lotion or Oil တစ်ခုခု ပြန်လိမ်းထားပေးပါ။

Baby Foot Peel

Baby Foot Peel သုံးပေးတာလည်း ဆဲလ်သေတွေကွာကျပြီး အသားမာတက်တာတွေပါ သက်သာစေပါတယ်။ ခြေဖဝါးနူးညံ့စေပါတယ်။ Baby Foot Peel ကိုသုံးတဲ့အခါမှာ တစ်နာရီပဲထားပေးပါ။ အဲ့ထက်မကြာပါစေနဲ့။ ပြီးရင် Baby Shower နဲ့ ပြန်သန့်စင်ပြီး Mild ဖြစ်တဲ့ Lotion ပြန်လိမ်းပေးပါ။ နောက်နေ့တွေမှာ ရေနွေးစိမ်စိမ်ပေးပါ။ ဒါမှ အရေခွံသေချာကွာမှာပါ။ ဒီနည်းလမ်းကိုလုပ်မယ်ဆိုရင် တစ်လ တစ်ကြိမ်ထက် ပိုမလုပ်သင့်ပါဘူး။