တောင်ကိုရီးယားနဲ့ပတ်သက်ပြီး ကမ္ဘာတစ်ဝှမ်းလွှမ်းမိုးထားနိုင်တာက ကေပေါ့အိုင်ဒေါတွေ၊ ဒရမ်မာဇာတ်လမ်းတွဲတွေ၊ ရုပ်ရှင်ကားကြီးတွေ၊ သီချင်းတွေသာမကဘဲ အစားအသောက်ကို စားပြတဲ့ Mukbangs အစီအစဥ်တွေကလည်း တစ်ခုအပါအဝင်ဖြစ်ပါတယ်။
တချို့တွေကျတော့ အစအဆုံး အစားအသောက်ပဲစားသွားပြီးမှ ပရိတ်သတ်တွေနဲ့ စကားပြောတာမျိုးရှိသလို တချို့ကျတော့လည်း စားနေတာကို Live လွှင့်ပြီး ကြည့်ရှုသူပရိတ်သတ်တွေနဲ့ စကားပြောရင်း စားရင်း လုပ်တာမျိုးတွေလည်း ရှိပါတယ်။
ကိုယ့်လက်ထဲမှာရှိတဲ့ Budget နဲ့လောက်အောင် ဘယ်လိုစားနိုင်မလဲ၊ ဒါမှမဟုတ် ဟင်းချက်နည်းအသစ်တွေသင်မလား၊ အနုပညာရှင်တွေနဲ့ တခြားသူတွေ စားပြတာကို ထိုင်ကြည့်မလား စသဖြင့် အစုံရှိပါတယ်။
ဒီတစ်ခေါက်တော့ အပြောင်းအလဲဖြစ်သွားအောင် လူကြိုက်အများဆုံး ကိုရီးယားဟင်းချက် Variety Shows လေးတွေကို ကောက်နုတ်ဖော်ပြပေးလိုက်ရပါတယ်။
၁။ Youn’s Kitchen
Youn Yeo Jung, Shin Goo, Lee Seo Jin, Jung Yoo Mi, Park Seo Joon တို့ ပါဝင်ထားကြကာ စုစုပေါင်း Seasons နှစ်ခုရှိပြီး တခြားနိုင်ငံတွေမှာ စားသောက်ဆိုင် ဖွင့်ပြီး ကိုရီးယားအစားအစာကို ချက်ပြုတ်ရောင်းချတဲ့ အစီအစဥ်ပဲဖြစ်ပါတယ်။
၂။ Three Meals a Day
Lee Seo Jin, Ok Taecyeon, Kim Kwang Kyu တို့ ပါဝင်ကြတဲ့ ‘Three Meals a Day’ အစီအစဥ်ကတော့ ကျေးလက်ဒေသ သို့မဟုတ် ငါးဖမ်းရွာလေးတွေမှာ တစ်ပတ်သုံးရက် သွားရောက်နေထိုင်ပြီး တစ်နေ့ ထမင်းသုံးနပ်ကို ခြံထဲက တွေ့တဲ့ပစ္စည်းလေးတွေနဲဲ့ပဲ ကိုယ့်ဘာသာ ချက်ပြုတ်စားသုံးရတဲ့ အစီအစဥ်ဖြစ်ပါတယ်။
အနုပညာရှင်ဧည့်သည်တွေ လာရောက်လည်ပတ်တဲ့အခါ ညစာချက်ကျွေးရတာမျိုးတွေလည်း ရှိပါတယ်။
၃။ Let’s Eat Dinner Together
ဧည့်သည်တွေနဲ့အတူ နေရာအနှံ့လျှောက်သွားကြပြီး အဖွဲ့ကချမှတ်ထားတဲ့ စည်းမျဥ်းတွေလိုက်နာကာ အိမ်တွေကို ဘဲလ်နှိပ်ခေါ်ပြီး ညစာဖိတ်ကျွေးချင်တဲ့ အိမ်တွေမှာ ဝင်စားကြတာဖြစ်ပါတယ်။
၄။ Delicious Rendezvous
Baek Jong Won, Yang Se Hyung, Choi Won Young, Kwak Dong Yeon, Choi Ye Bin, Kim Hee Chul, Yoo Byung Jae, Kim Dong Jun, Jay Park, Baek Jin Hee တို့ ပါဝင်ထားကြပြီး ဈေးသက်သာတဲ့ ဒေသထွက် စားကောင်းသောက်ဖွယ်တွေကို အသုံးပြုပြီး မီနူးအသစ်တွေကို ချက်ပြုတ်ဖန်တီးကြတာဖြစ်ပါတယ်။
၅။ Kang’s Kitchen
နာမည်ကျော် PD တစ်ဦးဖြစ်တဲ့ Na Young Seok ရဲ့ ‘Three Meals a Day’ အပြင် နောက်ထပ် နာမည်ကြီး အစီအစဥ် ‘New Journey to the West’ ရဲ့ နောက်ဆက်တွဲ အစီအစဥ်တစ်ခုဖြစ်ပါတယ်။
‘Kang’s Kitchen’ မှာတော့ Kang Ho Dong, Eun Ji Won, Lee Soo Geun, Ahn Jae Hyun, Cho Kyu Hyun, Song Min Ho, P.O တို့ ပါဝင်ထားကြပါတယ်။
၆။ Stars’ Top Recipe at Fun-Staurant
ဒီအစီအစဥ်ကတော့ တခြားရှိုးတွေလိုမဟုတ်ဘဲ ဟင်းချက်ဝါသနာပါကြတဲ့ အနုပညာရှင်တွေကနေပြီး သူတို့ရဲ့ ဟင်းချက်လက်ရာတွေကို ပြသပြီး ဝင်ရောက်ယှဥ်ပြိုင်ကြတာဖြစ်ပါတယ်။
၇။ Baek Jong Won’s Alley Restaurants
တောင်ကိုရီးယားနိုင်ငံရဲ့ နာမည်ကျော် စားဖိုမှူး Baek Jong Won အဓိကပါဝင်ထားတဲ့ ဒီအစီအစဥ်ကတော့ လမ်းကြိုလမ်းကြားလေးတွေထဲမှာ ဖွင့်လှစ်ထားတဲ့ စားသောက်ဆိုင်အသေးလေးတွေကို သွားရောက်လည်ပတ်ရင်း လိုအပ်ချက်တွေကို ထောက်ပြပေးတာဖြစ်ပါတယ်။
၈။ Four-Wheeled Restaurant
ဒီအစီအစဥ်ကတော့ တောင်ကိုရီးယားစားဖိုမှူးတွေကနေပြီး Food Truck ကားနဲ့ ထိုင်း၊ တရုတ်၊ အမေရိကားတို့လို နိုင်ငံတွေမှာ ကိုရီးယားအစားအစာတွေကို လိုက်လံရောင်းချကြတာဖြစ်ပါတယ်။
၉။ Tasty Guys
သူကတော့ mukbang လို နည်းနည်းဆင်တူကောင်း ဆင်တူနိုင်ပါတယ်။ နာမည်ကြီး လူရွှင်တော် လေးဦးပါဝင်ကြပြီး အထူးအစားအစာတွေ ရောင်းချတဲ့ စားသောက်ဆိုင်တွေကို သွားရောက်လည်ပတ်ရင်း စားသောက်ကြတာဖြစ်ပါတယ်။
၁၀။ The Backpacker Chef
စားဖိုမှူး Baek Jong Won ရဲ့ နောက်ထပ် လူကြိုက်များတဲ့ အစီအစဥ်တစ်ခုဖြစ်ပါတယ်။ ဒီအစီအစဥ်မှာပါဝင်ကြသူတို့နဲ့ မရင်းနှီးတဲ့ နေရာတွေကိုသွားရောက်ပြီး အချိန်အနည်းငယ်အတွင်း အစားအသောက် ချက်ပြုတ်ရတာဖြစ်ပါတယ်။
