အနုပညာကြေးအမြင့်ဆုံး တောင်ကိုရီးယားမင်းသမီးတွေ

ကိုရီးယားဇာတ်လမ်းတွဲကြိုက်နှစ်သက်တဲ့ ပရိသတ်တွေ စကားလက်ဆုံကျပြီဆိုတာနဲ့ ကိုယ်ကြိုက်တဲ့မင်းသမီးကတော့ ဘယ်လောက်နာမည်ကြီးတာ ကိုယ့်မင်းသမီးကမှ ပိုကျော်ကြားတာ စသည်ဖြင့် အချင်းချင်းငြင်းခုန်ဖူးကြမှာပဲနော်။

ဒါ့ကြောင့် အနုပညာကြေးအမြင့်ဆုံး တောင်ကိုရီးယားမင်းသမီးတွေက ဘယ်သူတွေဖြစ်မလဲဆိုတာကို အတူတူဆက်ကြည့်လိုက်ကြရအောင်။ သူတို့ရဲ့ ချစ်ပရိသတ်တွေလည်း သိချင်နေကြမယ်လို့ မျှော်လင့်မိပါတယ်။

Park Shin Hye

သူမကိုတော့ အထွေအထူး ပြောနေစရာလိုမယ် မထင်ပါဘူးနော်။ Stairway To Heaven, You’re Beautiful, Heartstrings, Flower Boys Next Door, The Heirs, Pinocchio နဲ့ Doctors ဇာတ်လမ်းတွဲတွေကတော့ သူမရဲ့ အောင်မြင်မှုမှတ်တိုင်တွေပဲဖြစ်ပါတယ်။ သူမလည်း ဇာတ်လမ်းတွဲတစ်ပိုင်းကို အမေရိကန်ဒေါ်လာ ၂၂၇၀၀ ရရှိပါတယ်။

Shin Min Ah

မြေခွေးမလေး ကိုယ့်ချစ်သူဇာတ်လမ်းတွဲနဲ့ မြန်မာပရိတ်သတ်တွေကို ဆွဲဆောင်နိုင်ခဲ့ပြီး Hometown Cha-Cha-Cha, Our Blues, Chief of Staff, Tomorrow With You စတဲ့ ဇာတ်လမ်းတွဲတွေနဲ့လည်း အောင်မြင်မှုတွေရရှိထားတဲ့ ပါးချိုင့်မင်းသမီးလေး Shin Min Ah ကတော့ ဇာတ်လမ်းတွဲတစ်ပိုင်းကို အမေရိကန်ဒေါ်လာ ၂၇၀၀၀ ရပါတယ်။

Park Bo Young

Strong Girl Bong-soon, Doom at Your Service, Oh My Ghost, Abyss, On Your Wedding Day, A Werewolf Boy, Hot Young Bloods စတဲ့ ဇာတ်ကားတွေနဲ့ အင်မတန်လူကြိုက်များလှတဲ့ ပုပုသေးသေးလေးနဲ့ ချစ်စရာကောင်းတဲ့ မင်းသမီးလေးကတော့ ဇာတ်လမ်းတွဲတစ်ပိုင်းကို အမေရိကန်ဒေါ်လာ ၂၅၀၀၀ (ဝမ် သန်း ၃၀) ရပါတယ်။

Gong Hyo Jin

မကြာသေးခင်ကမှ ပူပူနွေးနွေး အိမ်ထောင်ကျသွားခဲ့တဲ့ ကိုယ်တွေရဲ့ မင်းသမီးမမ Gong Hyo Jin ကတော့ ဟန်ဆောင်မှုကင်းမဲ့ပြီး ပေါ့ပေါ့ပါးပါးလေးပြုံးရယ်တတ်ပြီး ထိပ်သီးမင်းသမီးတွေထဲက တစ်ဦးအပါအဝင်ဖြစ်ပါတယ်။ သူမကတော့ ဇာတ်လမ်းတွဲတစ်ပိုင်းကို အမေရိကန်ဒေါ်လာ ၃၃၄၀၀ (ဝမ် ၄၇ သန်းကျော်) ရရှိပါတယ်။

Kim Tae Hee

တောင်ကိုရီးယားနိုင်ငံက ထိပ်သီးအလှနတ်သမီး သုံးဦးထဲက တစ်ဦးအပါအဝင်ဖြစ်တဲ့ Kim Tae Hee ကတော့ ဇာတ်လမ်းတွဲတစ်ပိုင်းကို အမေရိကန်ဒေါ်လာ ၃၄၀၀၀ (ဝမ် ၄၈ သန်းကျော်) ရပါတယ်။

Ha Ji Won

Empress Ki, Secret Garden, Hospital Ship, The King 2 Hearts, Hwang Jini စတဲ့ ဇာတ်ကားတွေထဲမှာ ပါဝင်သရုပ်ဆောင်ခဲ့တဲ့ မင်းသမီး Ha Ji Won ကလည်း ဇာတ်လမ်းတွဲတစ်ပိုင်းကို အမေရိကန်ဒေါ်လာ ၄၅၀၀၀ (ဝမ် ၆၃ သန်းကျော်) ရရှိပါတယ်။

Choi Ji Woo

Stairway to Heaven, Winter Sonata, Second 20s စတဲ့ ဇာတ်ကားတွေနဲ့ အောင်မြင်ကျော်ကြားခဲ့တဲ့ သူမကတော့ ဇာတ်လမ်းတွဲတစ်ပိုင်းကို အမေရိကန်ဒေါ်လာ ၄၆၀၀၀ (ဝမ် ၆၅ သန်းကျော်) ရရှိသူပါ။

Lee Yong Ae

ချန်ဂင်လို့ မြန်မာပရိသတ်တွေသိကြတဲ့ အမြွှာလေးနှစ်ဦးရဲ့ မေမေ မင်းသမီး Lee Yong Ae ကတော့ ဇာတ်လမ်းတွဲတစ်ပိုင်းကို အနုပညာကြေး အမေရိကန်ဒေါ်လာ ၈၃၀၀၀ (ဝမ် သန်း ၁၁၀ ကျော်) ရရှိပါတယ်။

Song Hye Kyo