အားလုံးပဲ့ မဂ်လာပါနော်…ဒီနေ့မှာတော့ အဆီကျ ကျစ်လစ်လှပတဲ့ ခန္ဓာကိုယ်အမိုက်စားလေး ရရှိဖို့အတွက် ပြင်းထန်တဲ့လေ့ကျင့်ခန်းတွေကို အသားကုန်လုပ်နိုင်မှ ရတာမဟုတ်ပါဘူးနော်။ လူတိုင်းလုပ်နိုင်တဲ့ ဒီလိုပေါ့ပေါ့ပါးပါး ယောဂလေ့ကျင့်ခန်းလေးကလည်း သင့်ခန္ဓာကိုယ်က အဆီပိုတွေကို အချိန်တိုအတွင်း ဖယ်ရှားပေးနိုင်ပါတယ်။ ဒီယောဂလေ့ကျင့်ခန်းက ခန္ဓာကိုယ်ရဲ့ ဇီဝဖြစ်စဉ်တွေ၊ သွေးလည်ပတ်မှုတွေ၊ ကြွက်သားတည်ဆောက်မှုတွေအတွက်လည်း အထူးကောင်းမွန်ပါတယ်။
ကဲ…ဒါကြောင့် ရိုးရှင်းလွယ်ကူတဲ့ ဒီယောဂလေ့ကျင့်ခန်းလေးကိုပဲ့ အိမ်မှာ မှန်မှန်လုပ်ပေးခြင်းဖြင့် အဆီပိုမရှိ ကျစ်ကျစ်လစ်လစ် ခန္ဓာကိုယ်အမိုက်စားလေးကို အချိန်တိုအတွင်း ရရှိပိုင်ဆိုင်လိုက်ကြရအောင်…
The Cobra
ဝမ်းလျားမှောက်လိုက်ပြီး ခြေထောက်နှစ်ချောင်းကို ပူးထားပါ။ လက်နှစ်ဖက်ကို ရှေ့မှာထောက်ကာ ခန္ဓာကိုယ်အရှေ့ပိုင်းကို ဖြည်းဖြည်းချင်းမြှင့်တင်ပြီး အနောက်ဖက်ကို ကိုင်းလိုက်ပါ။ စက္ကန့်သုံးဆယ်ကြာ နေပေးပြီး ၃ကြော့လုပ်ပေးပါ။
Seated Twist
ထိုင်လျက်အနေထားမှာ ခြေထောက်တစ်ဖက်ကို ဘေးဆန့်ထားပြီး နောက်တစ်ဖက်ကို ဒူးကွေးကာ ဆန့်ထားတဲ့ ခြေထောက်ပေါ်ကို ခွလိုက်ပါ။ ခါးကိုလည်း ဒူးကွေးထားတဲ့ ခြေထောက်ဖက်ကို လှိမ်လိုက်ပြီး စက္ကန့်သုံးဆယ်ကြာနေပေးပါ။ နောက်တစ်ဖက်ကိုလည်း ပုံစံတူပြုလုပ်ပါ။ ၃ကြော့စီလုပ်ပေးရပါမယ်။
The Warrior
မတ်တပ်ရပ်အနေအထားမှာ ဘယ်ခြေထောက်ကို အနောက်ဖက်သို့ ပို့လိုက်ပြီး ဘယ်ခြေဖဝါးကို ၄၅ ဒီဂရီစောင်းလိုက်ပါ။ ညာခြေထောက်ကို ဒူးနဲ့တစ်တန်းတည်းထားပြီး ကွေးလိုက်ကာ ကျောကိုဖြောင့်ဖြောင့်ထားပါ။ လက်ဖဝါးနှစ်ဖက်ကို ပူးလိုက်ပြီး မျက်နှာကျက်ဆီသို့ ဆန့်တန်းကာ စက္ကန့်သုံးဆယ်တောင့်ထားပါ။ ခြေထောက် နောက်တစ်ဖက်ပြောင်းပြီး ပုံစံတူပြုလုပ်ပေးပါ။ ၂ဖက်စလုံးကို ၃ကြော့စီလုပ်ပေးရပါမယ်။
The Bridge
လက်နှစ်ဖက်ကို ဘေးကပ်ထားတဲ့ ပက်လက်လှန်အနေအထားမှာ ခါးကို ၉၀ ဒီဂရီကွေးလိုက်ပါ။ ခန္ဓာကိုယ်ကို ဖြည်းဖြည်းချင်းအပေါ်သို့ပင့်လိုက်ပြီး ပုခုံးကို အောက်ဖက်သို့ဖိပါ။ ၁၅ စက္ကန့်ကြာအောင်နေပေးပြီး ၅ကြော့လုပ်ပေးရပါမယ်။
Side Lunge
၉၀ ဒီဂရီလောက် ဒူးကွေးသွားတဲ့အထိ ညာခြေထောက်ကို ဘေးသို့ဆန့်လိုက်ပါ။ ဘယ်ခြေထောက်ကို ကွေးလိုက်ပြီး စက္ကန့်သုံးဆယ်ကြာနေပေးပါ။ အချိန်ပြည့်လျှင် နောက်တစ်ဖက်ပြောင်းပါ။ နှစ်ဖက်စလုံးလုပ်တာကို ၁ကြိမ်လို့ သတ်မှတ်ပြီး ၃ကြော့လုပ်ပေးပါ။
Inner Thigh Stretch
ကျောကို ဆန့်ဆန့်ထားပြီး ထိုင်လိုက်ပါ။ ခြေဖနောင့်နှစ်ခုကို ပူးလိုက်ပြီး ဒူးနှစ်ခုကို တန်းတန်းထားပါ။ လက်မောင်းကို အားပြုပြီး ခြေဖနောင့်တွေကို ဖြည်းဖြည်းချင်းဖိပေးပါ။ တစ်ကြိမ်ကို စက္ကန့်သုံးဆယ်နှုန်းထားပြီး ၃ကြိမ်လုပ်ပေးရပါမယ်။
Knee Squeezes
ပက်လက်လှန်လိုက်ပြီး ဒူးနှစ်ဖက်ကို ကွေးလိုက်ပြီး လက်နဲ့ကိုင်ထားပေးပါ။ ဒူးနှစ်ဖက်ကို ရင်ဘတ်နားအထိ ဖြည်းဖြည်းချင်း ဆွဲတင်ပေးပါ။ စက္ကန့်သုံးဆယ်လောက် တောင့်ထားပေးပါ။ အနည်းဆုံး ၃ကြော့ လုပ်ပေးပါ။
Source: BrightSide
