ပရိတ်သတ်တွေ မထင်မှတ်ထားချိန်မှာ ကိုယ်ဝန်ရှိနေကြောင်းကို ကြေညာခဲ့တဲ့ အနုပညာရှင်များ

အနုပညာရှင်တွေ သူတို့မှာ ကိုယ်ဝန်ရှိနေကြောင်း ကြေညာလိုက်တဲ့အချိန်တိုင်း ဒီလိုသတင်းကောင်းကို လက်ခုတ်တီးအားပေးပြီး ဝမ်းသာစကားတွေ ပြောကြတာက သူတို့ရဲ့ မိသားစုဝင်တွေ၊ သူငယ်ချင်းတွေသာမဟုတ်ဘဲ သူတို့ရဲ့ ပရိတ်သတ်တွေလည်း အပါအဝင်ဖြစ်ပါတယ်။

တစ်ခါတစ်လေဆိုရင် မိဘတွေဖြစ်ကြတော့မယ့် အနုပညာရှင်တွေက ကိုယ်ဝန်နေပြီဖြစ်ကြောင်းကို သတင်းခေါင်းစဥ်နဲ့လူသိစေတာမဟုတ်ဘဲ သူတို့ရဲ့ ဆိုရှယ်မီဒီယာအကောင့်တွေကနေပြီး ရင်ထဲထိစေတဲ့ နွေးထွေးသွားစေတဲ့ စာသားလေးတွေနဲ့တင်ပြီး ထုတ်ပြောတတ်ကြပါတယ်။

အခုတစ်ခါ ဖော်ပြပေးချင်တဲ့ အနုပညာရှင်တွေဟာဆိုရင်လည်း ပရိတ်သတ်တွေ ဘယ်လိုမှမထင်မှတ်ထားတဲ့ အချိန်တွေမှာ ကိုယ်ဝန်ရှိနေကြောင်း ထုတ်ပြောပြခဲ့သူတွေပဲဖြစ်ပါတယ်။

Katy Perry

Source: BrightSide

ကမ္ဘာကျော်အဆိုတော် Katy Perry ကတော့ သူမရဲ့ကိုယ်ဝန်ကို အချိန်အတော်ကြာ လျှို့ဝှက်ထားပြီး Never Worn White ဆိုတဲ့ music video ကနေတဆင့်မှ သတင်းကောင်းကို ကြေညာခဲ့တာဖြစ်ပါတယ်။ ဒီ music video ထဲမှာဆိုရင် အဖြူရောင်ဂါဝန်ကို ဝတ်ဆင်ကာ အတော်လေးထွက်နေပြီဖြစ်တဲ့ သူမရဲ့ဗိုက်ကလေးကို ကိုင်ထားတာကို မြင်တွေ့ရမှာပါ။ သူမရဲ့ပါတနာကတော့ မင်းသား Orlando Bloom ဖြစ်ပြီး သမီးလေးနာမည်က Daisy ဖြစ်ပါတယ်။

Adriana Lima

Source: adrianalima / TikTok

စူပါမော်ဒယ် Adriana Lima ကတော့ သူမရဲ့ချစ်သူ Andre Lemmers ကို ကိုယ်ဝန်ရှိနေပြီဆိုတဲ့ ရလဒ်နဲ့ ကိုယ်ဝန်စစ်တံကို ပြသနေတဲ့ ဟာသ TikTok ဗီဒီယိုကို တင်ခဲ့ပါတယ်။ ပုံမှန်ဆိုရင် Andre က Adriana ကို အမြဲတမ်းနောက်နေ စနေတတ်ပြီး သူမရဲ့တုံ့ပြန်မှုတွေကို ဗီဒီယိုရိုက်လေ့ရှိပါတယ်။ ဒီတစ်ခေါက်မှာတော့ လက်တုံ့ပြန်တဲ့အနေနဲ့ Andre တစ်ယောက် ဖခင်ဖြစ်တော့မယ်ဆိုတဲ့အကြောင်းကို သိသွားပြီးနောက် သူ့ရဲ့တုံ့ပြန်မှုကို တစ်ကမ္ဘာလုံးသိအောင် ပြန်တင်ပေးခဲ့တာပါ။

Meghan Markle နဲ့ Prince Harry

Meghan Markle နဲ့ Prince Harry တို့ စုံတွဲကတော့ မင်းသမီး ဒိုင်ယာနာကို အမှတ်တရအနေနဲ့ ချစ်သူများနေ့မှာ ဒုတိယကိုယ်ဝန်လွယ်ထားပြီဖြစ်ကြောင်း ကြေညာခဲ့ပါတယ်။ လွန်ခဲ့တဲ့ ၃၇ နှစ်တုန်းက ဒီလိုနေ့မှာပဲ မင်းသမီး ဒိုင်ယာနာက သူမရဲ့သားအငယ် Harry ကို လွယ်ထားရတဲ့သတင်းကို သတင်းစာတွေက ကြေညာခဲ့တာပါ။ ၂၀၂၁ ခုနှစ် ဇွန်လ ၄ ရက်နေ့မှာတော့ Lilibet Diana လေး မွေးဖွားခဲ့ပြီး သူမရဲ့အဖွားဆီက middle name ကို ယူပြီး နာမည်ပေးခဲ့ပါတယ်။

Mandy Moore

Source: mandymooremm / Instagram

Mandy ကတော့ Big Brother ဆိုတဲ့ စာသားနဲ့ တီရှပ်ကိုဝတ်ဆင်ထားတဲ့ သူမရဲ့ တစ်နှစ်အရွယ် သားပုံကိုတင်ပြီး ‌သူမရဲ့ဒုတိယကိုယ်ဝန်အကြောင်းကို အင်စတာဂရမ်ကနေတဆင့် ကြေညာခဲ့တာပါ။

Gal Gadot

Source: gal_gadot / Instagram

Wonder Woman မင်းသမီး Gal Gadot ကတော့ သူမရဲ့တတိယကိုယ်ဝန်အကြောင်းကို ခင်ပွန်းရယ်၊ သမီးနှစ်ယောက်နဲ့အတူ ဆယ်လ်ဖီရိုက်နေတဲ့ ပုံလေးတင်ရင်း ကြေညာခဲ့တာပါ။ အခုဆိုရင်တော့ သမီးသုံးယောက်မိခင်ဖြစ်နေပါပြီ။

Amy Schumer

အမျိုးသမီး လူရွှင်တော် Amy Schumer ကတော့ Meghan Markle နဲ့ Prince Harry တို့ရဲ့ ကိုယ်ဝန်ပုံကို သူမနဲ့ ခင်ပွန်းသည်တို့ရဲ့ မျက်နှာတွေ အစားထိုးကာ ဟာသအနေနဲ့ ပို့စ်တင်ရင်း ကြေညာခဲ့တာဖြစ်ပါတယ်။

Jessica Simpson

Jessica ကတော့ ကိုယ်ဝန်ရှိနေကြောင်းကိုသာမက မိန်းကလေးလား ယောကျ်ားလေးလား ဆိုတာကိုပါ အင်စတာဂရမ်မှာ တစ်ခါတည်း ကြေညာခဲ့တာပါ။ ပုံနှစ်ပုံတင်ခဲ့တာမှာမှ ပထမတစ်ပုံက သူမရဲ့ကလေးအကြီးနှစ်ယောက်က ပူဖောင်းအကြီးကြီးကို ကိုင်ထားတဲ့ပုံဖြစ်ပြီး နောက်တစ်ပုံမှာတော့ ပန်းရောင်ပူဖောင်းလေးတွေ အများကြီးပြန့်ကြဲနေတာဖြစ်ပြီး အခုဆိုရင်တော့ Birdie ဆိုတဲ့ သမီးလေးကို မွေးဖွားပြီးပါပြီ။

Beyoncé

Source: Pinterest

ကမ္ဘာကျော်အဆိုတော် ဘီယွန်းစေးကတော့ ၂၀၁၁ ခုနှစ် MTV Video Music Awards မှာ Love on Top ဆိုတဲ့သီချင်းကို ဖျော်ဖြေခဲ့ပါတယ်။ သီချင်းဖျော်ဖြေပြီးနောက်မှာ မိုက်ကိုလွှတ်ချလိုက်ပြီး သူမဝတ်ဆင်ထားတဲ့ blazer ကြယ်သီးကိုဖြုတ်ပြီး ဗိုက်ကလေးကို ပွတ်ပြပါတော့တယ်။ အဲ့ကိုယ်ဝန်ကတော့ သူမရဲ့သမီးအကြီး Blue Ivy ဖြစ်ပါတယ်။

Gigi Hadid

စူပါမော်ဒယ်လ် Gigi က သူမရဲ့ကိုယ်ဝန်သတင်းအကြောင်းကို The Tonight Show မှာ ပါဝင်ရင်း အတည်ပြုခဲ့တာပါ။

Blake Lively

Source: vancityreynolds / Instagram

မင်းသမီး Blake Lively ဟာ ၂၀၂၂ ခုနှစ် စက်တင်ဘာလမှာ သူမရဲ့ပေါ်စပြုနေပြီဖြစ်တဲ့ ဗိုက်ကလေးကို သိသာစေတဲ့ dress ကိုဝတ်ဆင်ပြီး red carpet မှာ လျှောက်လှမ်းခဲ့ပါတယ်။ အဲ့ဒီ့နောက် ရက်အနည်းငယ်အကြာမှာတော့ သူမနဲ့ ခင်ပွန်းသည် Ryan Reynolds တို့ဟာ သူတို့ရဲ့ လေးယောက်မြောက်ကိုယ်ဝန်ကို လွယ်ထားရပြီဖြစ်ကြောင်း အင်စတာဂရမ်မှာကြေညာခဲ့ပါတယ်။