လက်သည်းကျန်းမာရေးနဲ့ လက်သည်းလှပဖို့အတွက် အသုံးဝင်စေတဲ့ အိမ်တွင်းဖြစ်နည်းလမ်းများ

လက်သည်းကျန်းမာရေးနဲ့ လက်သည်းလှပဖို့အတွက် အသုံးဝင်စေမယ့် အိမ်တွင်းဖြစ် နည်းလမ်းကောင်းတွေကို မျှဝေပေးလိုက်ပါတယ်။ အိမ်တွင်းဖြစ် နည်းလမ်းတွေဖြစ်လို့ လုပ်ရတာ အရမ်းလွယ်ကူပါတယ်။

ကြက်သွန်ဖြူ

လက်သည်း၊ ခြေသည်း မှိုစွဲတာမျိုးတွေဖြစ်ရင် ကြက်သွန်ဖြူကို ကြိတ်ပြီး ဖြစ်တဲ့နေရာကို အုံထားပေးပါ။ နေ့တိုင်းလုပ်ပေးရင် သက်သာပျောက်ကင်းသွားမှာပါ။

ပန်းသီးရှာလကာရည်နဲ့ရေ

ပန်းသီးရှာလကာရည်နဲ့ရေကို ဆတူရောမွှေပြီး လက်သည်းနစ်အောင် စိမ်ထားပါ။ မိနစ် ၃၀ ကြာအောင် စိမ်ထားပြီးမှ ရေနဲ့ပြန်သန့်စင်ပါ။ ဒီနည်းလမ်းကတော့ လက်သည်းမှိုစွဲတာ၊ ပိုးဝင်တာတွေကို သက်သာစေပါတယ်။

သခွားသီး

သခွားသီးကို အရည်ရအောင်လုပ်ပြီး ရလာတဲ့ သခွားသီးအရည်ကိုမှ ပန်းကန်လုံး (သို့) ခွက်ထဲထည့်ပြီး လက်သည်းနစ်နေအောင် ၅ မိနစ် စိမ်ထားပေးပါ။ ဒီနည်းလမ်းကတော့ လက်သည်း အလွယ်တကူ ကျိုးပဲ့တာတွေ သက်သာစေပြီး လက်သည်းသန်စွမ်းစေပါတယ်။

သံပယိုရည်နဲ့မုတ်ဖုတ်ဆိုဒါ

သံပယိုရည်နဲ့ မုတ်ဖုတ်ဆိုဒါကို ပျစ်ပျစ်လေးဖြစ်အောင် မွှေပြီး သွားပွတ်တံနဲ့ယူကာ လက်သည်းကို တိုက်ပေးပါ။ ပြီးရင် ၁၀ မိနစ်ထားပြီးမှ ရေနဲ့ပြန်သန့်စင်ပါ။ ဒီနည်းလမ်းကတော့ လက်သည်းဝါညစ်တာတွေ ပျောက်စေပြီး လက်သည်းဖြူစေပါတယ်။

Oregano oil

Oregano oil ကို လက်သည်းမှာ ပွတ်လိမ်းပေးမယ်ဆိုရင် လက်သည်းမှိုစွဲတာ သက်သာစေပြီး ဘတ်တီးရီးယားတွေကိုလည်း ဖယ်ရှားပေးပြီးသား ဖြစ်ပါတယ်။

Tea tree oil

Tea tree oil ကို လက်သည်းမှာ လိမ်းပေးခြင်းက antifungal အတွက် အရမ်းကောင်းပါတယ်။ နေ့တိုင်းလိမ်းပေးရင် ကျန်းမာတဲ့ healthy nails ကို ပိုင်ဆိုင်စေမှာပါ။