လူတစ်ယောက်နဲ့ တစ်ယောက်က ခန္ဓာကိုယ် အချိုးအစား မတူတာကြောင့် ပိန်ပုံချင်း တူမှာ မဟုတ်ပါဘူး။ ဒါပေမဲ့ ကိုယ် ကြိုးစားရင် ကြိုးစားတဲ့ အလျောက် ကိုယ်အလေးချိန်ကတော့ ကျလာမှာ မလွဲမသွေပါပဲ။ ဒီတစ်ခေါက် မှာတော့ နှစ်ပတ်အတွင်း ကိုးရီးယားမလေးတွေရဲ့ ခန္ဓာကိုယ်လို ပိန်ပိန်သေးသေးလေး ဖြစ်နေစေဖို့ လေ့ကျင့်ခန်းတွေကို ဖော်ပြပါရစေ။ နှစ်ပတ်တည်း အချိန်ယူရမှာမို့ လေ့ကျင့်ခန်းတွေက ပုံမှန်ထက်တော့ ခက်ခဲနိုင်ပါတယ်။ ဒါပေမဲ့ ထိထိရောက်ရောက် ဝိတ်ကျမှာမို့ လေ့ကျင့်ခန်းတွေကို ကြည့်လိုက်ရအောင်-

၁။ Mountain Climber

Photo Source: Popsugar

လက်နှစ်ဘက်ကို ကြမ်းပြင်ပေါ် ထောက်ထားကာ ခြေထောက်ကို တစ်ဘက်စီ ရင်ဘတ်နဲ့နီးအောင် ကပ်ပေးရပါမယ်။ တောင်တက်တဲ့ ပုံစံနဲ့ ဆင်တူပါတယ်။ ဘယ်ညာ ပြည့်မှ တစ်ခါလို့ မှတ်ယူရပါမယ်။ အခါ ၅၀ လုပ်ပေးရပါမယ်။

၂။ Plank

Photo Source: Pinterest

ကျောရိုးမကြီး သန်မာဖို့နဲ့ ဗိုက်အဆီကျဖို့ Plank ထောက်ပေးရပါမယ်။ ၁ မိနစ် ထောက်ပေးရပါမယ်။

၃။ Hollow Hold

Photo Source: Women’s Health

Hollow Hold က ဝမ်းဗိုက်ကြွက်သားကို ပိုသန်မာစေကာ Six Pack ထွက်လာစေမယ့် လေ့ကျင့်ခန်း ဖြစ်ပါတယ်။ ခြေထောက်ကို တစ်တန်းတည်း ထားပြီး မြေပြင်နဲ့ မထိအောင် မ ထားရပါမယ်။ လက်ကိုပါ မ ထားရပါမယ်။ ၁ မိနစ် နေပေးရပါမယ်။

၄။ Crunches

Photo Source: Home Workout plan by Pamela Reif

အိပ်ထ မတင်လေ့ကျင့်ခန်း Crunch ကို အခါ ၅၀ လုပ်ပေးရပါမယ်။ ထ တဲ့ အချိန်တိုင်း တံတောင်နဲ့ ဒူးကို ထိအောင် လုပ်ပေးရပါမယ်။

၅။ Russian Twist

Photo Source: Spotebi

ခါးပိုသေးစေမယ့် လေ့ကျင့်ခန်း တစ်ခု ဖြစ်တဲ့ Russian Twist လေ့ကျင့်ခန်းကတော့ ဒူးထောင်ထားကာ ခန္ဓာကိုယ်ကို ဘယ်ညာ လှည့်ပေးရမယ့် လေ့ကျင့်ခန်းပါ။ အခါ ၉၀ လုပ်ပေးရပါမယ်။

၆။ Squat lunges

Photo Source: Gfycat

ခုန်တာပါ ခြေထောက်ကားတာပါ တစ်ပြိုင်နက်တည်း လုပ်ရမယ့် လေ့ကျင့်ခန်း ဖြစ်ပါတယ်။ ဘယ်ညာ တစ်လှည့်စီ ခုန်ပေးရပါမယ်။ ဒါကိုတော့ အခါ ၅၀ လုပ်ရပါမယ်။

၇။ Push Up

Photo Source: Giphy

ဒိုက်ထိုးတာကိုတော့​ အခါ ၃၀ လုပ်ရပါမယ်။

သင်က ဒီလေ့ကျင့်ခန်း အားလုံးကို နှစ်ပတ်ကြာ နေ့တိုင်း လုပ်ပေးရပါမယ်။ ပိုထိရောက်ချင်တဲ့ ပျိုမေတို့ အနေနဲ့ လေ့ကျင့်ခန်း ၇ ခုလုံးကို တစ်ကြော့ပြန် လုပ်နိုင်ပါတယ်။

By MyStyle Myanmar