ဆွဲဆောင်မှုရှိတဲ့ ကြောင်မျက်ဝန်းကို ပိုင်ဆိုင်ထားတဲ့ တောင်ကိုရီးယားမင်းသမီး (၉) လက်

ကိုရီးယားလူမျိုးအများစုဟာ သူတို့ရဲ့ တချို့သော မျက်နှာအစိတ်အပိုင်းတွေကို တိရိစ္ဆာန်လေးတွေနဲ့ နှိုင်းယှဥ်တတ်လေ့ရှိကြပြီး သူတို့ရွေးချယ်ဖော်ပြတတ်သူတွေကတော့ ပြည်သူချစ်၊ နိုင်ငံတကာပရိတ်သတ်တွေရဲ့ အချစ်တော် အနုပညာရှင်တွေပါ။

ဒီလိုမျိုး တိရိစ္ဆာန်လေးတွေနဲ့ နှိုင်းယှဥ်လေ့ရှိတဲ့အထဲကမှ အခုတစ်ခေါက် ရွေးချယ်ဖော်ပြချင်တဲ့ တိရိစ္ဆာန်လေးကတော့ ကြောင်ဖြစ်ပြီးတော့ ကြောင်နဲ့ပတ်သက်ပြီး နာမည်ကြီးတာက ဆွဲဆောင်မှုရှိလှတဲ့ မျက်ဝန်းတစ်စုံပါနော်။

ကဲ..ဒီတစ်ခေါက်မှာတော့ ဘယ် တောင်ကိုရီးယားအမျိုးသမီးအနုပညာရှင်တွေကတော့ ဆွဲဆောင်မှုရှိတဲ့ ကြောင်မျက်ဝန်းပိုင်ရှင်တွေဖြစ်မလဲဆိုတာ အတူတူကြည့်လိုက်ရအောင်ပါ။

Han Ye Seul

ကယ်လီဖိုးနီးယားပြည်နယ်၊ လော့စ်အိန်ဂျလိစ်မှာ ကြီးပြင်းလာခဲ့တဲ့ မင်းသမီးချော Han Ye Seul ဟာ ငယ်စဥ်အရွယ်မှာပဲ ကိုရီးယားမှာ ပြန်လည်ပြောင်းရွှေ့နေထိုင်ခဲ့ပြီး သရုပ်ဆောင်လုပ်ငန်းကို စတင်လုပ်ကိုင်ခဲ့ပါတယ်။ သူမရဲ့ အင်မတန် စူးနက်လှတဲ့ ကြောင်မျက်ဝန်းတွေနဲ့ ပရိတ်သတ်တွေကို ဆွဲဆောင်ထားနိုင်ပြီး သရုပ်ဆောင်ပိုင်းမှာလည်း အပြစ်ပြောစရာမရှိအောင် တော်သူတစ်ဦးပါနော်။

Oh Yeon Seo

အသက် ၁၅ နှစ်အရွယ်မှာ အနုပညာလောကထဲ စတင်ဝင်ရောက်လာခဲ့တဲ့ မင်းသမီး Oh Yeon Seo က စစချင်းမှာ သရုပ်ဆောင်လုပ်ခဲ့တာမဟုတ်ဘဲ LUV ဆိုတဲ့အဖွဲ့ထဲက အိုင်ဒေါလ်တစ်ဦးအနေနဲ့ ဖြစ်ပါတယ်။ ထို့နောက် သရုပ်ဆောင်လမ်းကြောင်းကို ပြောင်းလာခဲ့ပြီး “My Husband Got A Family” ဆိုတဲ့ ဇာတ်ကားထဲမှ သူမရဲ့ဇာတ်ကောင်ကြောင့် ပရိတ်သတ်တွေ သတိထားမိလာခဲ့ပါတယ်။ မင်းသမီး Oh Yeon Seo ဟာလည်းပဲ ကြောင်မျက်ဝန်းပိုင်ရှင်တွေထဲက တစ်ဦးအပါအဝင်ဖြစ်ပါတယ်။

Han So Hee

မင်းသမီး Han So Hee ကတော့ လတ်တလောမှာ အင်မတန်ရေပန်းစားနေတဲ့ မင်းသမီးတစ်လက်ပါ။ ဒရမ်မာတွေအများကြီးလည်း ရိုက်ကူးထားပြီး နာမည်တွေကို ပြောရမယ်ဆိုရင်တော့ The World of the Married, Nevertheless, Soundtrack #1, My Name တို့ပဲဖြစ်ပါတယ်။ ကြောင်နဲ့ဆင်တူတဲ့ မျက်ဝန်းလေးတွေရှိတာကလည်း သူမရဲ့အလှမှာ နစ်မြောသွားစေတဲ့ အကြောင်းအရင်းတွေထဲက တစ်ခုပါပဲ။

Ahn So Hee

Wonder Girls အဖွဲ့ဝင်ဖြစ်ခဲ့ဖူးပြီး လက်ရှိအချိန်မှာ မင်းသမီးအဖြစ်လုပ်ကိုင်နေတဲ့ Ahn So Hee ဟာဆိုရင်လည်း ကြောင်မျက်ဝန်းနဲ့ပတ်သက်ပြီး ထင်ရှားတဲ့အနုပညာရှင်တွေကို ပြောပါဆိုရင် ဘယ်လိုမှချန်ထားခဲ့လို့ မရသူတစ်ယောက်ပါ။

Seo Ji Hye

မင်းသမီး Seo Ji Hye ကတော့ ၂၀၁၉ ခုနှစ်ကထွက်ရှိခဲ့တဲ့ “Crash Landing On You” ဇာတ်ကားမှာ ပါဝင်သရုပ်ဆောင်ခဲ့ပြီးနောက် အောင်မြင်မှုရရှိခဲ့ကာ လက်ရှိအချိန်မှာတော့ ထိပ်သီးမင်းသမီးတွေစာရင်းထဲမှာ အပါအဝင်ဖြစ်နေပါပြီ။

Kim Da Mi

ဝိုင်းဝိုင်းပြူးပြူး မျက်လုံးလေးတွေနဲ့ မင်းသမီးလေး Kim Da Mi ကတော့ ချစ်ဖို့လည်းကောင်းသလို ဆွဲဆောင်မှုလည်းရှိတဲ့ အသွင်ရှိသူတစ်ဦးဖြစ်ပြီး သူမသရုပ်ဆောင်သမျှ ဇာတ်ကောင်တိုင်းနဲ့ လိုက်ဖက်နေသူလေးပါ။

Krystal

Krystal ကတော့ SM Entertainment က စင်တင်ပေးခဲ့တဲ့ f(x) အဖွဲ့ဝင်အဖြစ် ပရိတ်သတ်ရှေ့မှောက်ကို စတင်ရောက်ရှိခဲ့တာကနေ အခုဆိုရင်တော့ မင်းသမီးတစ်လက်ဖြစ်နေပါပြီ။ English လိုရော ကိုရီးယားလိုပါ ကျွမ်းကျင်စွာပြောဆိုနိုင်ပြီး သူမရဲ့စူးရှတဲ့အကြည့်တွေကြောင့်လည်း ကိုရီးယားလူမျိုးတွေရဲ့ ချီးမွမ်းမှုကို လက်ခံရရှိထားပါတယ်။

Jung Ho Yeon

မော်ဒယ် Jung Ho Yeon ဟာ နိုင်ငံပေါင်းမြောက်မြားစွာမှာ အင်မတန်ဟော့ဖြစ်ခဲ့တဲ့ “Squid Game” ဇာတ်ကားထဲမှာ သရုပ်ဆောင်အဖြစ် ပထမဦးဆုံးပါဝင်ခဲ့ပြီး ယခင်ထက်ကို ပိုပြီးအောင်မြင်မှုကို ရရှိခဲ့ပါတယ်။ အောင်မြင်ကျော်ကြားတဲ့ မော်ဒယ်လ်တစ်ဦးဖြစ်တာသာမကပဲ အခုဆိုရင်တော့ International စတားတစ်ဦးကို ဖြစ်နေပါပြီ။

Lee Sung Kyung

Girl-crush ကိုရီးယားမင်းသမီးတွေအကြောင်း ပြောမယ်ဆိုရင် Lee Sung Kyung ကို ချန်ထားခဲ့လို့မရပါဘူး။ ရက်ပ်ရွတ်နိုင်တယ်၊ သီချင်းအဆိုတော်တယ်၊ ဂီတတူရိယာတွေလည်း တီးနိုင်တယ်၊ အကဆိုလည်း ကျွမ်းကျင်တဲ့ မင်းသမီး Lee Sung Kyung က ဘက်ပေါင်းစုံတော်တဲ့ အနုပညာရှင်တစ်ဦးပါ။