အိမ်ထဲမှာတင် အလွယ်တကူရနိုင်တဲ့ ပစ္စည်းတွေနဲ့ အသားအရေတင်းရင်း သန့်ရှင်းစေမယ့်နည်းလေးတွေ

အသားအရေကျန်းမာရေးကို ထိခိုက်နိုင်တဲ့ အကြောင်းအရင်းတွေ အများကြီး ရှိပါတယ်။ ရာသီဥတု အေးလို့လည်း ဖြစ်နိုင်သလို စိတ်ဖိစီးမှုတွေ သိပ်များလို့လည်း ဖြစ်နိုင်ပါတယ်။ ကိုယ်နေထိုင်တဲ့ ပတ်ဝန်းကျင်က လေထုညစ်ညမ်းမှု သိပ်မြင့်မားလို့လည်း ဖြစ်တတ်တာပါပဲ။ ဘာကြောင့်ပဲဖြစ်ဖြစ် အရေပြားကျန်းမာသန့်ရှင်းရေးအတွက် ထိန်းသိမ်းပေးဖို့ လိုပါတယ်။ ဒီတစ်ခါမှာ အိမ်ထဲမှာတင် အလွယ်တကူရနိုင်တဲ့ ပစ္စည်းတွေနဲ့ အသားအရေတင်းရင်း သန့်ရှင်းစေမယ့်နည်းလေးတွေ မျှဝေပေးလိုက်ပါတယ်။

(၁) ခရမ်းချဉ်သီး ၊ သခွား Toner

ခရမ်းချဉ်သီးတစ်လုံးနဲ့ သခွားသီးတစ်စိတ်ကို ကြိတ်စက်ထဲ ထည့်ပြီး အနှစ်ဖြစ်အောင် လုပ်ပါ။ ဖန်ခွက်တစ်ခုခုထဲ ထည့်ပြီး ရေခဲသေတ္တာထဲ ၃ ရက်ကြာအောင် အအေးခံရမှာ ဖြစ်ပါတယ်။ ပြီးရင်တော့ Cotton Pad လေးနဲ့ တို့ယူပြီး မျက်နှာနဲ့ လည်ပင်းတွေကို သုတ်ပေးနိုင်ပါတယ်။ Free Radicals တွေ ဖယ်ရှားပေးနိုင်လို့ အသားအရေ ကျန်းမာသန်စွမ်းစေပါတယ်။ မျက်နှာပေါ်မှာ ၅ မိနစ်ထားပြီးနောက် ရေခပ်နွေးနွေးနဲ့ ဖယ်ရှားရမှာ ဖြစ်ပါတယ်။

(၂) ခရမ်းချဉ်သီး Face Scrub

ခရမ်းချဉ်သီးစိပ်လေးတွေ လုပ်ထားပါ။ ပြီးရင် သကြားစားပွဲတင်ဇွန်း ၅ ပုံတစ်ပုံခန့်ကို ခရမ်းချဉ်သီးစိပ်တွေပေါ် ဖြူးပေးထားပါ။ ပြီးရင်တော့ မျက်နှာပေါ် စက်ဝိုင်းပုံစံ ဖြည်းဖြည်းချင်း နှိပ်နယ်ပွတ်သပ်ပေးပါ။ နှံ့သွားပြီဆိုမှ ရေနွေးနွေးနဲ့ ဆေးပေးရမှာ ဖြစ်ပါတယ်။ ညမအိပ်ခင် လုပ်ပေးခြင်းအားဖြင့် မျက်နှာပေါ်က အညစ်အကြေး အဆိပ်အတောက်တွေ လွယ်ကူမြန်ဆန်စွာ ဖယ်ရှားပေးနိုင်မှာပါ။

(၃) စပျစ်သီး ၊ ကြက်ဥ Skin Firmer

အသားအရေ တင်းရင်းကြည်လင်ပြီး နေလောင်ဒဏ်သက်သာစေဖို့ ကြက်ဥ ၁ လုံး ၊ စပျစ်သီး ၇ လုံး ကြိတ်စက်ထဲ ညက်နေအောင် ကြိတ်ပေးပါ။ ကြိတ်လို့ရလာတဲ့ အရည်ကို မျက်နှာနဲ့ လည်ပင်းမှာ သုတ်လိမ်းပေးရမှာ ဖြစ်ပါတယ်။ ၁၅ မိနစ်ကြာရင်တော့ ရေဆေးချလိုက်ရမှာပါ။

(၄) အယ်လ်မွန် ၊ မယောနိစ် Scrub

ဆဲလ်သေတွေကို ဖယ်ရှားပေးနိုင်ပြီး အရေပြားအားဖြစ်စေဖို့ပါ။ အယ်လ်မွန်စေ့ ခွက်တစ်စိတ်စာ ၄၀ဂရမ်ကို ကြိတ်စက်မှာ ထည့်ကြိတ်ပါ။ ပြီးရင် မယောနိစ် စားပွဲတင်ဇွန်း ၈ ပုံတစ်ပုံနဲ့ ရောပါ။ ရလာတဲ့ အနှစ်ကို မျက်နှာပေါ်မှာ ငြင်ငြင်သာသာလေး လိမ်းပြီး နှိပ်ပေးပါ။ ၁၀ မိနစ်လောက် ကြာရင် ရေခပ်နွေးနွေးနဲ့ ဆေးကြော သန့်စင်ပေးဖို့ လိုပါတယ်။