ဗောက်ကြောင့် ခေါင်းယားပြီး စိတ်ရှုပ်နေတဲ့ ပျိုမေတို့အတွက် သဘာဝနည်းလမ်းနဲ့ ဗောက်ရှင်းနည်း

ဗောက်ဆိုတာက လူအများစုမှာ ဖြစ်တတ်တဲ့ ပြဿနာ ဖြစ်ပြီး အနည်းနဲ့ အများပဲ ကွာတာပါ။ ဦးရေပြားပေါ်မှာ အဆီများနေတဲ့အခါ မှို ဖြစ်လာပြီး ဗောက်အနေနဲ့ အမှုန်လေးတွေ ဖြစ်လာတာပါ။ ဒါက တစ်ယောက်နဲ့ တစ်ယောက် ကူးတာမျိုး မဖြစ်ပေမယ့် ဗောက်ရှိတယ်ဆိုရင် သက်သာအောင် လုပ်ဖို့ ခက်ခဲတတ်ပါတယ်။ ဗောက်နည်းနည်းပဲ ရှိရင် ပုံမှန် ရှန်ပူနဲ့ ထိရောက်ပေမယ့် ဗောက်ဖြစ်တာ များတယ်ဆိုရင် ဆေး ရှန်ပူမျိုးကို သုံးဖို့ လိုတတ်ပါတယ်။ ဒီတစ်ခေါက်တော့ ရှန်ပူတွေကို မအားကိုးဘဲ သဘာဝနည်းနဲ့ ဆံသား မပျက်စီးစေမယ့် ဗောက်ပျောက် နည်းလမ်းကို ဖော်ပြပါရစေ။

ဒီ ဗောက်ပျောက်နည်းလမ်းအတွက် သဘာဝပစ္စည်း နှစ်မျိုးပဲ လိုအပ်တာမို့ သင့်အတွက် လုပ်ရတာ လွယ်ကူစေမှာပါ။

လိုအပ်တဲ့ ပါဝင်ပစ္စည်းတွေကို List အနေနဲ့ ပြောရရင်တော့-

၁။ ကရဝေးရွက်

Photo Source: Stylecraze
၂။ အုန်းဆီ

Photo Source: The Pink Velvet Blog
၃။ ရေ တို့ ဖြစ်ပါတယ်။

ပြုလုပ်ပုံ

က ရဝေး ရွက် အခြောက် ၅ ရွက်လောက်ကို ရေထဲ ထည့်ကာ ဆူတဲ့အထိ ပြုတ်ပေးရပါမယ်။ ပြီးနောက် ဒီထဲကို အုန်းဆီ ထည့်ပေးရပါမယ်။ ကရဝေးနဲ့ အတူ အုန်းဆီကို ထည့် ကျိုလို့လည်း ရပါတယ်။

ပါဝင်ပစ္စည်း ၂ မျိုးကို ငါးမိနစ် ဝန်းကျင် ပြုတ်ပေးရပါမယ်။ ပြုတ်ပြီးနောက် အအေးခံပေးရပါမယ်။ အေးသွားတဲ့နောက် Spray ဖြန်းတဲ့ ဘူးလွတ် တစ်ဘူးထဲ ထည့်ပေးရပါမယ်။

ပြီးနောက် ဒီ Spray နဲ့ပဲ သင့်ဦးရေပြားကို ဖြန်ပေးရပါမယ်။ ဦးရေပြား အနှံ့ ဖြန်းပြီးနောက် ၁၅ မိနစ် ဝန်းကျင် ထားပေးရပါမယ်။ ပြီးရင်တော့ ပုံမှန်အတိုင်း ခေါင်းလျှော်ပေးနိုင်ပါတယ်။