မင်္ဂလာပါ ပျိုမေတို့ရေ။ Toner ဆိုတာ ပျိုမေတို့ရဲ့ အသားအရေအတွက် အရေးပါတဲ့ Skincare အဆင့်တစ်ခုဖြစ်တာမို့ တစ်နေ့တစ်ခေါက်တော့ အနည်းဆုံးသုံးပေးဖို့လိုပါတယ်နော်။
Skincare လုပ်တဲ့အချိန် ပထမဆုံးအဆင့်အနေနဲ့ သုံးပေးရတဲ့ Toner တွေဟာ မျက်နှာသစ်ပြီးနောက် ကျန်နေသေးတဲ့ ဖုန်နဲ့ အညစ်အကြေးတွေအားလုံးကို သန့်စင်ပေးတဲ့အပြင် အသားအရေကိုအစိုဓာတ်ရပြီး လန်းဆန်းစေပါတယ်။
Toner တွေမှာ သူတို့ရဲ့ပါဝင်ပစ္စည်းအလိုက် ရေဓာတ်ဖြည့်ပေးတဲ့ Toner ၊ အသားအရေကြည်ပြီး အမဲစက်ပျောက် Glow စေတဲ့ Toner စသဖြင့် သူ့အာနိသင်နဲ့သူ အမျိုးမျိုးရှိပါတယ်။ ဒီထဲမှာမှ သင်က မျက်နှာချွေးပေါက့်အရွယ်အစားကျဉ်းစေမယ့် Toner မျိုးကို ရှာနေတဲ့သူဆိုရင်တော့ အခုဆောင်းပါးက သင့်အတွက်အသုံးဝင်မှာပါ။
ဒီတစ်ခေါက်မှာ ချွေးပေါက်ကျယ်တတ်သူတွေ ချွေးပေါက်ကျဉ်းပြီး မသိသာတော့အောင် ထိထိရောက်ရောက်ကူညီပေးနိုင်မယ့် ဈေးအသင့်အတင့်နဲ့ လူသုံးလည်းများတဲ့ Toner အမျိုးအစားတွေကို ဖော်ပြပေးလိုက်ပါတယ်။
Innisfree Jeju Volcanic Pore Toner
ကိုးရီးယား Skincare တွေသုံးလေ့ရှိတဲ့ ပျိုမေတို့နဲ့ ရင်းနှီးပြီးသားဖြစ်တဲ့ Innisfree Brand ရဲ့ ဒီ Toner က အဆီပြန်ပြီး ချွေးပေါက်ကျယ်တတ်တဲ့သူတွေအတွက် အရမ်းအသုံးဝင်ပါတယ်နော်။
သူ့မှာပါတဲ့ အာနိသင်က ချွေးပေါက်ထဲမှာရှိတဲ့အညစ်အကြေးတွေ သန့်စင်ပေးနိုင်ပြီး မလိုအပ်တဲ့ မျက်နှာအဆီတွေကို စုပ်ယူပေးတာမို့ ချွေးပေါက်မပိတ်အောင် ကာကွယ်ပြီးသားဖြစ်စေမှာပါ။
COSRX AHA/BHA Clarifying Treatment Toner
နောက်ထပ်နာမည်ကြီး ကိုးရီးယား Brand ဖြစ်တဲ့ COSRX ရဲ့ Treatment Toner ကလည်း အနံ့မပါသလို သဘာဝပါဝင်ပစ္စည်းတွေနဲ့ လုပ်ထားတာမို့ Sensitive Skin တွေပါသုံးလို့ရတဲ့ Toner လေးဖြစ်ပါတယ်။ သူ့မှာပါတဲ့ အာနိသင်တွေက အသားအရေပေါ်က ဆဲလ်သေတွေကို သန့်စင်ပေးရုံအပြင် အစိုဓာတ်ပါပေးနိုင်တာမို့ အသားကြည်လာစေမှာပါ။
L’Oréal Paris Revitalift Crystal Micro Essence Toner
L’Oréal ရဲ့ ဒီ Toner က တစ်ပတ်လောက်သုံးရုံနဲ့ သိသိသာသာချွေးပေါက်ကျဉ်းပြီး အဆီပြန်တာ သက်သာစေတယ်လို့ သုံးတဲ့သူတွေကြား နာမည်ကြီးနေတဲ့ပစ္စည်းလေးပါ။ အရေပြားအတွင်းပိုင်းအထိစိမ့်ဝင်လွယ်တဲ့ အာနိသင်ရှိတာမို့ ချွေးပေါက်ထဲက ဖယ်ရှားရခက်တဲ့ အညစ်အကြေးတွေကိုပါ ထိထိရောက်ရောက်သန့်စင်ပေးနိုင်တဲ့ Toner လေးဖြစ်ပါတယ်။
POND’S Acne Clear Anti Acne Pore Conditioning Toner
Budget ချွေတာချင်တဲ့သူတွေအတွက် POND ရဲ့ ဒီ Toner လေးက အရမ်းအသုံးတည့်ပါတယ်နော်။ သူက ချွေးပေါက်မပိတ်အောင် သန့်စင်ပေးနိုင်တဲ့အပြင် Salicylic Acid နဲ့ Tea Tree Oil ပါတာမို့ ဝက်ခြံအမာရွတ်တွေသက်သာပြီး ဝက်ခြံ Breakout မဖြစ်စေဖို့ပါ ကာကွယ်ပေးမှာပါ။
The Ordinary Glycolic Acid 7% Toning Solution
Skincare နဲ့ပတ်သက်ရင် ‘The Ordinary’ တံဆိပ်က မပါမဖြစ်ပါပဲ။ သူတို့ရဲ့ထုတ်ကုန်တစ်ခုဖြစ်တဲ့ Glycolic Acid 7% Toning Solution လေးက အရေပြားထဲက ဆဲလ်သေတွေကို Exfoliate လုပ်ပေးပြီး Skin အတွက် အားဖြည့်ပေးတဲ့ Glycolic အက်စစ်၊ အမိုင်နိုအက်စစ်၊ ရှားစောင်းနဲ့ ဂျင်ဆင်း စတဲ့ သဘာဝအာနိသင်တွေ ပါဝင်တာမို့ ချွေးပေါက်သက်သာပြီး အသားကြည်ချင်တဲ့သူတွေသုံးသင့်တဲ့ Toner တစ်မျိုးလို့ ပြောလို့ရပါတယ်။
Kiehl’s Rare Earth Pore Refining Toner
Clay အဓိကပါဝင်တဲ့ Toner ဖြစ်တာမို့ သင့်မျက်နှာချွေးပေါက်ကျယ်တာသက်သာပြီး အဆီနဲ့ အညစ်အကြေးတွေ စုပ်ယူဖယ်ရှားပေးနိုင်ပါတယ်။ အရေပြားတွင်းအဆိပ်အတောက်လည်း ပျယ်စေတာမို့ သုံးပြီးတဲ့နောက် အသားအရေမွဲခြောက်တာတွေပါ သက်သာလာစေမှာပါ။
Photo Source: Pinterest, preview.ph
By MyStyle Myanmar
