ဆံပင်အရှည်မြန်ပြီး အုံထူလာစေမယ့် homemade hair mask ပြုလုပ်နည်းတွေကို မျှဝေပေးလိုက်ပါတယ်။ ထိရောက်ပြီး လုပ်ရတာလည်းလွယ်ကူတဲ့ နည်းလမ်းတွေဖြစ်တာကြောင့် ဆံပင်ပါးတဲ့သူ၊ ဆံပင်မသန်တဲ့သူတွေ၊ ဆံပင်အုံထူပြီး အရှည်မြန်ချင်တဲ့သူတွေ try ကြည့်သင့်ပါတယ်။
Onion Juice Hair Mask
Onion juice hair mask လုပ်ဖို့အတွက် ကြက်သွန်နီတစ်လုံးကို ကြိတ်ပြီး အရည်ရအောင် ညှစ်ချပါ။ ရလာတဲ့ကြက်သွန်နီအရည်ကိုမှ အုန်းဆီ စားပွဲတင်ဇွန်း ၂ ဇွန်း နဲ့ ပျားရည် စားပွဲတင်ဇွန်း ၁ ဇွန်းထည့်ပြီး မွှေပေးပါ။ ပြီးရင်တော့ အနံ့မနံအောင် lemon extract ကို စားပွဲတင်ဇွန်းတစ်ဝက်ထည့်ပြီး မွှေပေးပါ။
ပြီးရင်တော့ ဆံသားနဲ့ ဦးရေပြားကို လိမ်းပေးပြီး တစ်နာရီခွဲကြာအောင်ထားပါ။ အချိန်ပြည့်မှ mild shampoo နဲ့ လျှော်ပေးပါ။ ဦးရေပြားသွေးလည်ပတ်မှု ကောင်းမွန်ပြီး ဆံပင်အရှည်မြန်ကာ အုံထူလာစေပါတယ်။
Banana Hair Mask
Banana hair mask ကတော့ အရမ်းလွယ်ပါတယ်။ ငှက်ပျောသီးအမှည့်တစ်လုံးကို အုန်းဆီနဲ့ အနေတော်လောက် ရောမွှေပြီး အုန်းနို့ရှိရင် အုန်းနို့ပါ နည်းနည်းလောက် ထည့်မွှေပေးပါ။
ပြီးရင်တော့ ဦးရေပြားနဲ့ ဆံသားအနှံ့လိမ်းပြီး အနည်းဆုံး မိနစ် ၃၀ ထားပါ။ အချိန်ပြည့်မှ ခေါင်းလျှော်ပါ။ ဦးရေပြားခြောက်တာ သက်သာပြီး ဆံပင်သန်လာစေဖို့ ကူညီပေးပါတယ်။
Oats Hair Mask
Oats hair mask လုပ်ဖို့အတွက် oats ခွက်တစ်ဝက်စာနဲ့ almond oil စားပွဲတင်ဇွန်း ၂ ဇွန်း၊ နွားနို့ ခွက်တစ်ဝက်စာတို့ကို ရောမွှေပါ။ ပြီးရင်တော့ ဆံပင်ကိုပေါင်းတင်ပြီး မိနစ် ၂၀ မှ မိနစ် ၄၀ အထိ ကိုယ်အဆင်ပြေသလောက် ထားပေးပါ။ အချိန်ပြည့်မှ ခေါင်းလျှော်ချပါ။
Avocado Hair Mask
Avocado hair mask လုပ်ဖို့အတွက် ထောပတ်သီးအမှည့်တစ်လုံးကို အစေ့ဖယ်ပြီး အခွံခွာ အသားကိုကြိတ်ချေပါ။ ပြီးရင် အုန်းဆီ စားပွဲတင်ဇွန်း ၂ ဇွန်းနဲ့ ရောမွှေပါ။ ပြီးရင်တော့ ဦးရေပြားနဲ့ ဆံသားအနှံ့လိမ်းပြီး မိနစ် ၃၀ ထားပါ။ အချိန်ပြည့်မှ ရေကြက်သီးနွေးနဲ့ mild shampoo နဲ့ ခေါင်းလျှော်ပါ။
တစ်ပတ်တစ်ကြိမ် ပုံမှန်လုပ်ပေးပါ။ ဆံသားခြောက်သွေ့ပျက်စီးတာ သက်သာစေပြီး ဆံပင်သန်လာစေပါတယ်။
