ဝက်ခြံ၊ အဆီဖုတွေမရှိဘဲ Glow နေတဲ့ အသားအရေလေးပိုင်ဆိုင်ဖို့က မိန်းကလေးတိုင်းရဲ့ အိပ်မက်ပါပဲနော်။ ဒီလိုအသားအရေမျိုးရဖို့အတွက်ဆိုရင် Skincare ကို ပုံမှန်လို Moisturizer လောက်ပဲသုံးနေလို့မရပါဘူး။ အရေပြားအတွင်းပိုင်းအထိ ပြုပြင်အားဖြည့်ပေးမယ့် Serum ၊ Essence စတာတွေနဲ့ ကိုယ့်ရဲ့ Skincare Level ကို မြှင့်ပေးဖို့လိုလာပါပြီ။
Vitamin C ပါတဲ့ Serum တွေဟာ အသားအရေပြဿနာတော်တော်များများကို သက်သာစေသလို အရေးအကြောင်းနဲ့ Smile Lines တွေကိုပါဖျောက်ပေးနိုင်တာမို့ အရွယ်ရလာတဲ့ သတ်လတ်ပိုင်း အမျိုးသမီးတွေအတွက် အရမ်းအသုံးဝင်ပါတယ်။ သင့်ကို ရှိရင်းစွဲထက် အသက်ထက်ဝက်လောက် ငယ်ပုံပေါက်အောင် ပြုပြင်ပေးနိုင်တာ Serum တွေပါပဲ။
ဒါကြောင့်မို့ ဒီတစ်ခေါက်မှာ Serum ကိုစသုံးဖို့ စဉ်းစားနေတဲ့သူတွေ၊ ကိုယ်နဲ့အဆင်ပြေမယ့် Serum မျိုးလိုက်ရှာနေတဲ့သူတွေအတွက် ထိရောက်မှုရှိပြီး ဈေးကွက်ထဲအသုံးများတဲ့ အကောင်းဆုံး ကိုးရီးယား Serum လးတွေကို ဖော်ပြပေးလိုက်ပါတယ်။ ဒီထဲက ကိုယ့် Skin Type နဲ့အဆင်ပြေတာလေးကို ရွေးသုံးကြည့်နိုင်ပါတယ်နော်။
Klairs Rich Moist Soothing Serum
အသားအရေ Sensitive ဖြစ်တဲ့သူတွေအတွက် အသုံးတည့်မယ့် Serum လေးပါ။ သူက အစိုဓာတ်ခန်းခြောက်ပြီး Dry Skin ဖြစ်နေတာကို သက်သာစေပါတယ်။
Benton Snail Bee Ultimate Serum
ဝက်ခြံအမာရွတ်တွေနဲ့ အရေးအကြောင်းတွေကိုသက်သာစေမယ့် Serum လေးဖြစ်ပါတယ်။ အသားအရောင်မညီတာ၊ အမဲစက်နဲ့ အရေပြားမွဲခြောက်ခြောက်ဖြစ်တာတွေကိုလည်း သက်သာစေမှာပါ။
Missha Time Revolution Night Repair Ampoule 5X
Missha ရဲ့ ဒီ Serum လေးက ရောင်းအားအကောင်းဆုံးထဲပါဝင်တဲ့ပစ္စည်းလေးဖြစ်သလို အရေပြားတွဲကျတတ်တဲ့သူတွေ၊ အရေးအကြောင်းရှိတဲ့သူတွေအတွက် အသားအရေတင်းရင်းလာအောင် ပြုပြင်ပေးနိုင်ပါတယ်။
Klairs Freshly Juiced Vitamin Drop Serum
Klairs ရဲ့ Vitamin Serum လေးကလည်း အသားအရေကို နေရောင်ခြည် UV နဲ့မထိအောင်ကာကွယ်ပေးနိုင်တာမို့ အသားအရောင်မွဲခြောက်လာတာမျိုး မဖြစ်တော့ပါဘူး။ Skin Type အားလုံးအတွက်သုံးနိုင်တဲ့ ပစ္စည်းလေးလည်းဖြစ်ပါတယ်။
Innisfree Intensive Hydrating Serum with Green Tea Seed
Green Tea ပါဝင်တာမို့ အသားအေးပြီး အစိုဓာတ်ကောင်းကောင်းရစေပါတယ်။ Skin Type အားလုံး သုံးလို့ရပြီး Dry Skin တွေအတွက်ဆို ပိုပြီးအသုံးတည့်စေမှာပါ။
iUNIK Tea Tree Relief Serum
Combination ဖြစ်တဲ့ Skin Type တွေအတွက် အရမ်းအဆင်ပြေတဲ့ Serum လေးဖြစ်ပါတယ်။ သူ့မှာပါတဲ့ Tea Tree အာနိသင်က အသားအရေနူးညံ့ပြီး ဝက်ခြံဖုတွေကိုပါ ခြောက်သွားစေတာကြောင့် လူသုံးများတဲ့ပစ္စည်းလေးလို့ ပြောလို့ရပါတယ်။
COSRX Full Fit Propolis Light Ampoule
နာမည်ကြီး Skincare Brand ဖြစ်တဲ့ COSRX ရဲ့ ဒီ Ampoule လေးကလည်း ဝက်ခြံကြောင့်ပျက်စီးနေတဲ့အသားအရေကို သက်သာစေပြီး အသားကြည်လာစေပါတယ်။ အစိုဓာတ်လည်းအားဖြည့်ပေးနိုင်တာမို့ Dry Skin ရှိသူတွေသုံးပေးသင့်တဲ့ ပစ္စည်းလေးဖြစ်ပါတယ်။
Photo Source: Pinterest
By MyStyle Myanmar
