လက်သည်းနီခဏခဏဆိုးရင်တော့ လက်သည်းပျက်စီးတာပါပဲ။ ဒါကြောင့်လည်း လက်သည်းကို သေချာပြန်ဂရုစိုက်ပေးဖို့ လိုတာပါ။ ဂရုမစိုက်ရင်တော့ လက်သည်းဝါညစ်တာ၊ ခဏခဏကျိုးတာမျိုးတွေ ဖြစ်လာပါလိမ့်မယ်။ ဒါကြောင့် လက်သည်းနီ ခဏခဏဆိုးလေ့ရှိသူတိုင်း ပုံမှန်လုပ်ပေးသင့်တဲ့ အလွယ်ကူဆုံးသော Nail Care Tips တွေကို မျှဝေပေးလိုက်ပါတယ်။
လက်သည်းအားဖြည့်အဆီလိမ်းပါ
လက်သည်းအားဖြည့်အဆီရှိပါတယ်။ လက်သည်းနီခဏခဏဆိုးတတ်ရင် အဲ့တာလေး လိမ်းပေးပါ။ လက်သညးအားဖြည့်အဆီမရှိရင် သံလွင်ဆီ၊ Vitamin E စတာတွေကို လိမ်းပေးလို့ရပါတယ်။
လက်သည်းနီမဆိုးပဲခဏထားပါ
ဘယ်လောက်ပဲ လက်သည်းနီအမြဲဆိုးတဲ့သူ ဖြစ်နေပါစေ တစ်ပတ်မှာ တစ်ရက်လောက်တော့ လက်သည်းကို ဘာမှမဆိုးပဲ ဒီတိုင်းထားပေးပါ။ အမြဲတမ်းဆိုးထားတော့လည်း လက်သည်းပျက်စီးတာပဲ ရှိပါတယ်။
Base Coat မဆိုးပဲလုံးဝမနေပါနဲ့
ကိုယ်ကလက်သည်းနီ အမြဲဆိုးလေ့ရှိတယ်ဆိုရင် Base Coat ဝယ်ထားပါ။ လက်သည်းနီမဆိုးခင် Base Coat အရင်ခံဆိုးပေးဖို့ လုံးဝမမေ့ပါနဲ့။ ဒါမှ လက်သည်းဝါညစ်တာတွေ မဖြစ်မှာပါ။ ဆိုးထားတဲ့လက်သည်းနီလည်း ကြာရှည်ခံစေမှာပါ။
လက်သည်းကိုသန့်စင်ပါ
လက်သည်းကို ဆိုင်တွေမှာသေချာလုပ်ပေးသလို ကိုယ်တိုင်လည်း အိမ်မှာအမြဲတမ်း လုပ်ပေးပါ။ တံစဉ်းနဲ့တိုက်တာမျိုး၊ လက်ဆွယ်ငုတ်တာလေးတွေ ညှပ်ပေးတာမျိုး၊ သန့်စင်တာမျိုးတွေကို တစ်ပတ်တစ်ခါ ပုံမှန်လုပ်ပေးပါ။
အသီးအရွက်များများစားပါ
Healthy Nails ဖြစ်ဖို့အတွက် အသီးအရွက်များများစားပါ။ လက်သည်းခဏခဏ ကျိုးတတ်တဲ့သူဆိုရင် Biotin or Nail Supplement လေးတွေ သောက်ပေးပါ။
သံပုရာအခွံနဲ့တိုက်ပါ
လက်သည်းကို သံပုရာအခွံနဲ့ တိုက်ပေးခြင်းက လက်သည်းဝါညစ်တာကို သက်သာစေပြီး လက်သည်းဖြူစေတယ်၊ လက်သည်းမာစေတာကြောင့် ခဏခဏကျိုးပဲ့တာမျိုးတွေ မဖြစ်စေပါဘူး။
