ခန္ဓာကိုယ်နောက်ပိုင်းအဆီတွေထဲ ပါဝင်တဲ့ နေရာတွေကတော့ ခါးနောက်ပိုင်း၊ လက်ပြန်ကြော နောက်ဘက်၊ တင်ပါးအောက်နောက်ဘက် စတဲ့ နေရာတွေ ဖြစ်ပါတယ်။ ဒီအဆီတွေက ချရတာ ခက်တဲ့အထဲ ပါဝင်တာမို့ လေ့ကျင့်ခန်း ပုံမှန်လုပ်ပေးမှ ကျမှာပါ။ ဒီတစ်ခေါက်မှာတော့ ခန္ဓာကိုယ် နောက်ဘက် အဆီကျချင်သူတွေ အလွယ်တကူ ထိရောက်စွာ လုပ်နိုင်မယ့် လေ့ကျင့်ခန်းတွေကို ဖော်ပြပါရစေ။

၁။ Cat Back Stretch

Photo Source: Spotebi

မှောက်ခုံအနေအထားနဲ့ ဒူးထောက်ထားကာ ခန္ဓာကိုယ်ကို အပေါ် ကွေးပေးရပါမယ်။ ပုံစံက ကြောင် အပြင်းဆန့်နေတဲ့ ပုံစံနဲ့ ဆင်တူပါတယ်။ ဒီလေ့ကျင့်ခန်းက ခါးနောက်ဘက် အဆီကို ကျစေပါလိမ့်မယ်။ ဒီ Cat Back Stretch ကို ၁၀ ခါ သုံးကြိမ်လုပ်ပေးရပါမယ်​။

၂။ Superman

Photo Source: Pinterest

မှောက်ခုံ ပုံစံထားကာ လက်နဲ့ ခန္ဓာကိုယ်ကို တစ်တန်းတည်း ထားရပါမယ်။ ပြီးနောက် ပျံတဲ့ပုံစံ စကာ နဂိုအနေအထားအတိုင်း ပြန်သွားပေးရပါမယ်။ Superman လေ့ကျင့်ခန်းကို ၁၂ ခါ သုံးကြိမ် လုပ်ပေးရပါမယ်။

၃။ Swimmer

Photo Source: Tenor

Superman လို အနေအထားကိုပဲ ဘယ်ဘက်လက်ကို မြှောက်တဲ့အချိန် ညာဘက်ခြေထောက်ကို တစ်ပြိုင်တည်း မြှောက်ပေးရပါမယ်။ ညာကိုလည်း ဒီပုံစံအတိုင်း လုပ်ပေးရပါမယ်။ Swimmer လေ့ကျင့်ခန်းကတော့ ၁၃ ခါ သုံးကြိမ်ပါ။

၄။ Jumping Jack

Photo Source: Gfycat

Jumping Jack က ထိရောက်ပြီး လွယ်ကူတဲ့ လေ့ကျင့်ခန်း တစ်ခုပါ။ ခြေထောက်ကားကာ ခုန်တဲ့ အချိန် လက်ကိုပါ ကားပေးရပါမယ်။ နဂိုနေရာ ရောက်တဲ့အချိန် လက်ကို ခန္ဓာကိုယ်ဘေး ကပ်ကာ ခြေထောက်ကိုပါ စုပေးရပါမယ်။ ၃ မိနစ်စာ ငါးကြိမ် ခုန်ပေးရပါမယ်။

By MyStyle Myanmar