ရုံးခန်းတစ်ခုထဲမှာ ကွန်ပျူတာရှေ့ အချိန်အကြာကြီးထိုင်ကာ အလုပ်လုပ်ရပြီဆိုရင် နောက်ကျောနာကျင်မှုဝေဒနာကိုလည်း စတင်ခံစားလာရနိုင်ပါတယ်။ အချို့ကုမ္မဏီများမှာ ဝန်ထမ်းများခေတ္တခဏအနားယူဖို့ အခန်းလေးများဖွဲ့စည်းပေးထားပါတယ်။ ဒါပေမယ့်လည်း သင့်လုပ်ဆောင်နေတဲ့ ကုမ္မဏီမှာထိုကဲ့သို့ နေရာမျိုးမရှိဘူးဆိုရင်တော့ ကိုယ့်ကျန်းမာရေးကို ကိုယ်ပဲဂရုစိုက်ရတော့မှာပါ။

ဒါကြောင့် ရုံးဝန်ထမ်းများအတွက် နောက်ကျောကြွက်သားများကို သန်မာစေပြီး နာကျင်ဝေဒနာခံစားရမှုမှ ရှောင်ရှားနိုင်စေဖို့ တစ်မိနစ်စာအကြောဆန့်လေ့ကျင့်ခန်းလေးတွေကို ပြန်လည်ဝေမျှပေးလိုက်ရပါတယ်။

နေရာ – မြေပြင်ညီ (ကြမ်းပြင် သို့မဟုတ် စားပွဲ)

ကြာမြင့်ချိန် – လေ့ကျင့်ခန်းတစ်ခုအတွက် တစ်မိနစ်

၁။ ကျောရိုးကိုအားကောင်းစေခြင်းနှင့် အညောင်းဆန့်ခြင်း

နည်းလမ်း (၁)

ခေါင်းနှင့်ဒူးခေါင်းနှစ်ဖက်ကို မတူညီသည့်ဦးတည်ရာမှာ ထားပေးပြီး ပခုံးများကိုလည်း ကြမ်းပြင်နှင့်ထိထားပေးပါ။ ယခုပုံစံအတိုင်း ဆယ်မိနစ်ခန့်လုပ်ဆောင်ပြီးလျှင် ဦးတည်ချက်ပြောင်းပြီး နောက်ထပ်ဆယ်မိနစ်ထပ်မံလုပ်ဆောင်ပေးပါ။

လေးကြိမ်ခန့်လုပ်ဆောင်ပေးရန်လိုအပ်ပါတယ်။

နည်းလမ်း (၂)

ညာဖက်ခြေထောက်ကို ဆန့်လိုက်၍ ဘယ်ခြေထောက်ကို ကွေးလိုက်ပါ။ ကွေးထားသည့်ဒူးကို အပြင်သို့ယိမ်းလိုက်တဲ့အချိန် ခေါင်းကိုအတွင်းသို့တိမ်းပေးပါ။ ပခုံးမလှုပ်ပါစေနဲ့။ တဖက်ပြီးလျှင် တဖက်၊ နှစ်ခုပေါင်း အကြိမ်နှစ်ဆယ်လုပ်ဆောင်ပေးပါ။

နည်းလမ်း (၃)

ဒူးခေါင်းတစ်ဖက်ကို အခြားတစ်ဖက်သို့တိမ်းပေးပြီး တခါတည်းမှာပဲ ခေါင်းကိုလည်း မတူညီသည့်ဦးတည်ချက်ဖက်သို့ ယိမ်းပေးပါ။ တစ်ဖက်စီကို ၁၀ ကြိမ်ခန့် မနားပဲလုပ်ဆောင်ပေးပါ။

နည်းလမ်း (၄)

လေးဖက်ထောက်ပြီး အသက်ပြင်းပြင်းရှူပေးပါ။ ကျောဖက်ကိုခုံးထားပေးပြီး ၁၅ စက္ကန့် သို့မဟုတ် စက္ကန့်သုံးဆယ်ခန့်ကြာအောင်နေပေးပါ။ ကျောကိုပြန်ကော့လိုက်ပြီး နောက်ထပ် ၁၅ စက္ကန့် သို့မဟုတ် စက္ကန့်သုံးဆယ်ခန့် ထပ်မံလုပ်ဆောင်ပေးပါ။ လေ့ကျင့်ခန်းတစ်ခုစီကို ၂ ကြိမ်စီလုပ်ပေးဖို့ လိုအပ်ပါတယ်။

နည်းလမ်း (၅)

ကျောကုန်းကိုခုံးထားသည့်ပုံစံနှင့်ပင် ဒူးတစ်ဖက်ကိုရင်ဖက်နားသို့ပင့်ပြီး နဖူးနှင့်ထိအောင်ကြိုးစားပါ။ ထို့နောက် ခြေထောက်ကိုဆန့်လိုက်၊ ချလိုက်လုပ်ပေးပါ။ ဖြည်းဖြည်းချင်း ၁၀ ကြိမ်စီလုပ်ပေးဖို့ ကြိုးစားပါ။

နည်းလမ်း (၆)

တင်ပါးကိုကြမ်းပြင်သို့အားပြုတွန်းပြီး အသက်ပြင်းပြင်းရှူပါ။ ပြန်ရှူထုတ်လိုက်ရင်းနှင့် ခေါင်းကိုမတ်ပေးပါ။ ခြေထောက်များကိုလည်း ပုံမှာပြထားသည့်အတိုင်း ထောင်ထားပေးပါ။ ဖြည်းဖြည်းမှန်မှန်နဲ့ ဆယ်ကြိမ်ခန့်လုပ်ဆောင်ပေးပါ။

နည်းလမ်း (၇)

ပက်လက်လှန်အနေအထားမှာ ခြေထောက်တစ်ဖက်ကိုကွေးလိုက်ပြီး အခြားတစ်ဖက်ကို ဆန့်ထုတ်ပေးပါ။ စက်ဘီးစီးသလို ခြေထောက်တစ်ဖက်စီကို ဖြည်းဖြည်းချင်း ဆယ်ကြိမ်လုပ်ပေးပါ။

နောက်ကျောဖက်နှင့် ကျောရိုး ကျန်းကျန်းမာမာရှိနေဖို့ဟာ မိမိတို့ရဲ့ခန္ဓာကိုယ်အတွက် အလွန်အရေးကြီးတာကြောင့် ယခုဖော်ပြထားခဲ့တဲ့ လေ့ကျင့်ခန်းတွေကို မမေ့မလျော့ပဲ မှန်မှန်လုပ်ဆောင်ပေးကြဖို့ Admin ကတိုက်တွန်းပေးလိုက်ချင်ပါတယ်။

Source: BrightSide