ဗိုက်နားတဝိုက်၊ ခါးနားတဝိုက်မှာ အဆီစုတာဟာ အမျိုးသမီးတွေအတွက်တော့ အကြီးမားဆုံး ရန်သူလိုပါပဲ။ တချို့က ခါးနောက်၊ တချို့က ဗိုက်၊ တချို့ခါးဘေးတွေမှာ အဆီစုတတ်ကြပါတယ်။ ဒီတခါမှာတော့ ခါးဘေးကအဆီတွေကို ကျစေမယ့် လေ့ကျင့်ခန်း (၅) မျိုးကိုမျှဝေပေးသွားမှာပါ။
ဒီလေ့ကျင့်ခန်းတွေကို တစ်ပတ် ၄ ရက် (သို့) ၅ ရက်လောက်ပုံမှန်လုပ်ပေးပြီး အဆီတက်စေမယ့်အစားအစာလျှော့စားလို့၊ အစာအာဟာရ ညီညွှတ်မျှတအောင်စားမယ်ဆိုရင် သင်လိုချင်တဲ့ ခန္ဓာကိုယ် အချိုးအစား ရရှိလာမှာဖြစ်ပါတယ်။
၁။ Twist
အရင်ဆုံး ခြေထောက်နှစ်ဖက် အရှေ့ကို ဆင်းပြီး အခုပုံမှာပြထားသလို ထိုင်ပါ။ ဒူးနှစ်ဖက်ကို ကွေးလိုက်ပါ။ ပြီးရင် လက်နှစ်ဖက်ကို စုပြီး ခါးတစ်ဖက်ဆီကို လှည့်ပေးရမှာပါ။ ဘယ်ညာကိုမှ ၁ လို့မှတ်ပါ။ ၃ ကြော့လုပ်ပေးပါ။
၂။ Oblique Reach
အရင်ဆုံး ဒူးထောင်ထားပြီး ပက်လက်အိပ်ပါ။ ပြီးရင် လက်နှစ်ဖက်ကို ဆန့်ပေးပြီး ညာလက်က ညာခြေဖနောင့်၊ ဘယ်လက်က ဘယ်ခြေဖနောင့်နဲ့ ထိအောင် လုပ်ပေးပါ။ အဲဒါဟာ ခါးဘေးကအဆီတွေကျစေမှာပါ။ ဘယ်ညာကိုမှ ၁ လို့မှတ်ပါ။ ၁၀ ကြိမ် ၄ ကြော့လုပ်ပေးပါ။
၃။ Side Plank
အားလုံးနဲ့လည်း ရင်းနှီးပြီးသားဖြစ်မယ်ထင်ပါတယ်။ ဒီတခါမှာတော့ Side Plank ကို အသေမထောက်ပဲ အခုပုံမှာပြထားသလိုမျိုး ခါးကိုအပေါ်တင်လိုက် အောက်ချလိုက် လုပ်ပေးရမှာပါ။ အရင်ဆုံး ဘေးစောင်းနေပြီး လက်တဒေါင်ကို ကြမ်းပြင်မှာထောက်ပါ။ လက်တဒေါင်နဲ့ ခြေထောက်ကို အားပြုပြီး ခန္ဓာကိုယ်ကို ကြွလိုက်ပါ။ ပြီးရင် ကြမ်းပြင်နားနိမ့်ချလိုက် ပြန်ကြွလိုက်လုပ်ပါ။ တစ်ဖက်ကို ၁၀ ကြိမ်ဆီလုပ်ပေးပါ။ ၅ ကြိမ် ၂ ကြော့ခွဲလုပ်ပေးလို့ရပါတယ်။
၄။ Lunge with Aside
အရင်ဆုံး ပုခုံးအကျယ်လောက်ကို ခြေထောက်နှစ်ဖက် ကားလိုက်ပါ။ ပြီးရင် ခြေထောက်တစ်ဖက်ကို အရှေ့ထုတ်ဒူးကွေးပြီး ကျန်တစ်ဖက်ကိုလည်း ဒူးလိုက်ညွန့်ပေးရမှာဖြစ်ပါတယ်။ ပြီးရင် ခါးကို ဟိုဖက် ဒီဖက်လှည့်လိုက်ပါ။ ပြီးရင်နောက်တစ်ဖက်လုပ်ပါ။ ဘယ်၊ညာကိုမှ ၁ ကြိမ်လို့မှတ်ပါ။ ၁၀ ကြိမ် ၄ ကြော့လုပ်ပေးရပါမယ်။
၅။ Cardio လေ့ကျင့်ခန်း
Cardio လေ့ကျင့်ခန်းဟာလည်း သင့်တကိုယ်လုံးက အဆီတွေကို ကျစေဖို့အထောက်အကူဖြစ်တဲ့ လေ့ကျင့်ခန်းဖြစ်ပါတယ်။ ကယ်လိုရီလောင်ကျွမ်းစေပြီး ထိရောက်တဲ့လေ့ကျင့်ခန်းဖြစ်တာကြောင့် မဖြစ်မနေ လုပ်ပေးဖို့လိုပါတယ်။ Cardio ဆိုလို့ အရမ်းအထူးအဆနးကြီးတော့မဟုတ်ပါဘူး။ ခုန်တာ၊ ပြေးတာ၊ ရေကူးတာ၊ စက်ဘီးနင်းတာတို့လုပ်ပေးနိုင်ပါတယ်။ အနည်းဆုံး မိနစ် ၃၀ လော်ကလုပ်ပေးပါ။ တစ်ပတ်ကို ၄ ရက်လုပ်ရင်ရပါပြီ။
