ပျိုမေတို့ ခေါင်းမစားရအောင် မိုးရာသီမှာဝတ်ဆင်ဖို့ သင့်တော်မယ့် ဖက်ရှင်လေးတွေ

အပြင်သွားခါနီးဆိုရင် ဘာဝတ်ရင်ကောင်းမလဲ စဉ်းစားရတာလဲ မိန်းကလေးတွေအတွက် အလုပ်တစ်ခုလိုပါပဲ။ မိုးရွာတဲ့နေ့တွေဆိုရင် အဝတ်အစားရွေးရတာ ပိုအခက်တွေ့ပါတယ်နော်။ ဒါကြောင့် ပျိုမေတို့ ခေါင်းမစားရအောင် မိုးရာသီမှာဝတ်ဆင်ဖို့သင့်တော်မယ့်အင်္ကျီ (၅) မျိုးကို ပြောပြပေးလိုက်ပါတယ်။

Hoodie

Hoodie အရမ်းဝတ်ချင်နေတဲ့သူတွေအတွက်တော့ မိုးရာသီမှာ Hoodie ကို စုံနေအောင်သာ ထုတ်ဝတ်လိုက်ပါ။ Hoodie က မိုးရာသီနဲ့အလိုက်ဖက်ဆုံးပါပဲနော်။

Jeans Coat

မိုးရွာတဲ့နေ့တွေဆိုရင် တီရှပ်ဖြစ်ဖြစ်၊ ကိုယ်ကျပ်အင်္ကျီလေးဖြစ်ဖြစ်ဝတ်ပြီး အပေါ်ကနေ Jeans Coat လေးသာ ထပ်ဝတ်လိုက်ပါ။ မိုးရွာလို့စိုလည်း အပေါ်က Jeans Coat ကိုပဲစိုတာဖြစ်လို့ ချွတ်ထားလိုက်ရင် အောက်ကအင်္ကျီတစ်ထပ်ရှိသေးတော့ အဆင်ပြေတာပေါ့။ ဒါ့အပြင် အချမ်းလည်းသက်သာပြီး စတိုင်လ်လည်းကျစေပါတယ်။

Body Fit လက်ရှည်

Body Fit အင်္ကျီလက်ရှည်လေးတွေဆိုလည်း မိုးရာသီနဲ့လိုက်ဖက်တဲ့ဖက်ရှင်လေးပါ။ လှလည်းလှတဲ့အပြင် မိုးရွာလို့အေးမှာကိုလည်း မစိုးရိမ်ရတော့ဘူးပေါ့။

Flannel Shirt

Flannel Shirt လေးတွေကလည်း မိုးရာသီမှာ ဝတ်လို့အရမ်းကောင်းပါတယ်။ လက်တိုတွေထက်စာရင် Flannel Shirt လေးတွေက ပိုအဆင်ပြေပါတယ်။ ဒီတိုင်းမဝတ်ချင်ရင်လည်း ကြိုးတစ်လုံးလေးတွေ၊ တီရှပ်လေးတွေဝတ်ပြီးမှ အပေါ်ကနေ Flannel Shirt ကို ထပ်ဝတ်လို့ရတယ်နော်။