အလှကြိုက်တယ်ဆိုရင် ပျင်းလို့မရပါဘူး။ လှအောင်နေရပါမယ်။ တခြားဟာတွေ မလုပ်ရင်တောင်မှ အလှကြိုက်တဲ့မိန်းကလေးတိုင်း ဒီအရာ ၆ ခုကိုတော့ ပုံမှန်လုပ်ဖို့ မပျင်းသင့်ပါဘူး။
Skincare လုပ်ဖို့
Skincare လုပ်မှ အသားအရေလှပြီး အရွယ်တင်နုပျိုမယ်၊ လှပပါမယ်။ မိတ်ကပ်တွေလိမ်းမှ လှတာမဟုတ်ပါဘူး။ Skin ကောင်းရင်ကို သဘာဝအတိုင်းလေး လှတာပါ။ ဒါကြောင့် skincare လုပ်ရမှာကို လုံးဝမပျင်းပါနဲ့။ မျက်နှာအတွက်တင်မဟုတ်ပဲ body အတွက်ပါ skincare ပါ။ Sunscreen လိမ်းဖို့လည်း လုံးဝမပျင်းပါနဲ့။
တစ်နေ့ ၂ ကြိမ် သွားတိုက်ဖို့
မျက်နှာလေးလှနေပြီး ရယ်လိုက်မှ သွားကြီးဝါထိန်နေတာမျိုး၊ စကားပြောလိုက်မှ ခံတွင်းနံ့နံနေတာမျိုးဆို အဆင်မပြေပါဘူး။ ဒါကြောင့် တစ်နေ့ ၂ ကြိမ် သွားသေချာတိုက်ဖို့လည်း မပျင်းပါနဲ့။ သွားကျန်းမာရေးကိုလည်း ဂရုစိုက်ပေးပါ။
ဆံပင်ကိုဂရုစိုက်ပေးဖို့
အသားအရေကို ဂရုစိုက်သလို ဆံပင်ကိုလည်း ဂရုစိုက်ပေးပါ။ မိန်းကလေးတစ်ယောက်ရဲ့ အလှအတွက် ဆံကေသာကလည်း အရမ်းကိုအရေးကြီးပါတယ်။ ဒါကြောင့် hair care လေးလုပ်ပေးဖို့လည်း မပျင်းပါနဲ့။ ဆံပင်ကို သပ်သပ်ရပ်ရပ်လေးထားပါ။
ရေသောက်မပျင်းဖို့
ရေသောက်ပျင်းရင် အသားအရေမွဲခြောက်ပြီး ဝမ်းချုပ်တာတွေ ဖြစ်လာပါမယ်။ ရေသောက်များရင် အသားအရေလှပြီး ကိုယ်ရည်စစ်ပါတယ်။
လက်သည်း၊ ခြေသည်း သန့်သန့်ရှင်းရှင်းထားဖို့
အကုန်လုံးလှနေပြီး လက်သည်း၊ ခြေသည်းတွေက ညစ်ပတ်နေရင်လည်း အဆင်မပြေပါဘူး။ ဒါကြောင့် လက်သည်း၊ ခြေသည်းတွေကို သန့်သန့်ရှင်းရှင်းထားပါ။ Cleansing ပုံမှန်လုပ်ပေးဖို့လည်း မပျင်းပါနဲ့။
သပ်သပ်ရပ်ရပ်ဝတ်စားဖို့
အလှအပကြိုက်ရင်တော့ ဖြစ်သလို ဝတ်စားဆင်ယင်တာတွေ မလုပ်ပဲ သပ်သပ်ရပ်ရပ်လေး ဝတ်စားပါ။ ကိုယ့်မှာရှိတာလေးနဲ့ သပ်ရပ်ပြီး လှနေအောင် ဝတ်ဖို့လည်း မပျင်းပါနဲ့။ အလှအပအတွက် အဝတ်အစားကလည်း အရေးပါတဲ့အရာပါပဲ။
