သင်က လက်ရှိမှာ သင်တန်း၊ ကျောင်းတက်နေသူ၊ စာမေးပွဲဖြေရမယ့်သူဆိုရင်တော့ ဒီအကြောင်းအရာက သင့်အတွက်ပါပဲ။ အခုဖော်ပြထားတဲ့ Study Tips တွေက သင်တန်းအားလုံး၊ စာသင်ပုံ အားလုံးအတွက် အကျုံးဝင်တာမို့ သင်ဖတ်ပြီးတာနဲ့ သင့်အတွက် အသုံးဝင်တဲ့ Study Tips တွေကို ထပ်သိနိုင်မှာပါ။ အသုံးဝင်တဲ့ Study Tips တွေကတော့-
၁။ စာမလုပ်ခင်တည်းက Plan ချထားပါ
သင်က စာမလေ့လာခင်တည်းက ဘယ်သင်ခန်းစာကို အရင်လုပ်ရမလဲ၊ ဘယ်ဟာကို ချန်ထားလို့ ရသေးလဲ Plan ချထားသင့်ပါတယ်။ စာဘယ်အချိန်စလုပ်မလဲ၊ ဘယ်အချိန်ခဏ နားမလဲ ကြို To Do List လုပ်ထားသင့်ပါတယ်။
၂။ Pomodoro Technique ကို သုံးပါ
ဒါကတော့ စာလေ့လာသူတွေကြားမှာ ရေပန်းစားတဲ့ နည်းလမ်းဖြစ်ပါတယ်။ Pomodoro Technique ကတော့ ၂၅ မိနစ် စာလုပ်ပြီး ၅ မိနစ် နားပေးတာပါ။ ဒီပုံစံအတိုင်း ၂၅ မိနစ် စာလုပ်၊ ၅ မိနစ် နား၊ ၂၅ မိနစ် ပြန်လုပ် စသဖြင့် သွားပေးရပါမယ်။
၃။ Active Recall ပုံစံလေ့လာပါ
Active Recall နည်းလမ်းကတော့ မြင်လိုက်တာနဲ့ သင်ကျက်ထားတာကို ပြန်သတိရမယ့် နည်းလမ်းဖြစ်ပါတယ်။ ဥပမာ အတိုကောက် ကတ်ထဲ ရေးထားတဲ့ Flashcard နည်းလမ်း၊ ပုံဆွဲတာ၊ ဉာဏ်စမ်းအနေနဲ့ မှတ်ထားတာ စသဖြင့် ကိုယ်အားသန်သလို လေ့လာနိုင်ပါတယ်။
၄။ စာမေးပွဲအတွက် ပြင်ဆင်တဲ့အချိန်
သင်က စာမေးပွဲအတွက် ပြင်ဆင်နေတယ်ဆိုရင် အရင်နှစ် စာမေးပွဲ မေးခွန်းတွေကနေတဆင့် ပြန်ဖြေကြည့်သင့်ပါတယ်။ ဒီလိုဖြေတာက တကယ့် စာမေးပွဲအတွက် အဆင်သင့်ဖြစ်စေပါတယ်။
၅။ စာကျက်တဲ့အချိန်
သင်စာကျက်နေတဲ့အချိန် အနှောင့်အယှက် ဖြစ်စေတဲ့ အရာမှန်သမျှကို သိမ်းထားသင့်ပါတယ်။ Laptop ထဲ ကိုယ်စိတ်ဝင်စားတဲ့ အရာတွေက်ို Lock ချထားတာ၊ ဖုန်းကို ကိုယ်နဲ့ ဝေးရာမှာ ထားတာ စတာတွေကို လုပ်သင့်ပါတယ်။
၆။ စာကျက်လို့ Note မှတ်တဲ့အခါ
သင့်အနေနဲ့ စာကျက်တဲ့ အချိန်မှ Note တွေ ထမှတ်တာက ပိုအချိန်ကုန်စေပါတယ်။ ဒီအစား စာသင်ကတည်းက Note ရေးထားပြီး တကယ်ကျက်တဲ့အချိန် ဒီ Note တွေကနေ တဆင့် ကိုယ်သင်ထားတာကို ပုံဖော်မှတ်သင့်ပါတယ်။
Photo source: Pinterest
By MyStyle Myanmar
