Everyday look အတွက်အဆင်ပြေသလို ဆွဲဆောင်မှုလည်းရှိတဲ့ dewy makeup look ပြင်နည်းကို မျှဝေပေးလိုက်ပါတယ်။ လူငယ်ကောင်မလေးတွေကတော့ ပိုပြီးသဘောကျမယ်လို့ ထင်ပါတယ်။
အရင်ဆုံး ထုံးစံအတိုင်း primer လိမ်းပြီး foundation လိမ်းပါမယ်။
အမာရွတ်၊ အမဲစက်နဲ့ အသားအရောင်မညီတဲ့ နေရာ၊ မျက်ကွင်းညိုတဲ့နေရာကို concealer လိမ်းပါမယ်။
Powder ပုတ်လိမ်းပါမယ်။
မျက်ခုံးမွှေးဆွဲပါမယ်။ မျက်ခုံးမွှေးဆွဲတဲ့အခါမှာ brush နဲ့ဖြီးဖို့ မမေ့ပါနဲ့။
အညိုရောင် eyeshadow (သို့) အညိုရောင်နှုတ်ခမ်းနီကို မျက်ခွံမှာ ခြယ်ပါမယ်။ ဒီမှာတော့ အညိုရောင် နှုတ်ခမ်းနီကို သုံးထားပါတယ်။
အညိုရောင် (သို့) ရွှေရောင် glitter eyeshadow ကို မျက်ခွံမှာ နည်းနည်းထပ်ခြယ်ပါမယ်။
နှာတံဖော်ပါမယ်။ Contour palette မရှိလည်း eyeshadow အညို၊ အသားရောင်ရှိရင် အဆင်ပြေပါတယ်။ အဲ့တာတွေသုံးပြီး နှာတံဖော်ပါ။
ပါးနီကို cream blusher လေးတွေသုံးတာက ပိုပြီး သဘာဝဆန်ပါတယ်။ Cream blusher မရှိရင် နှုတ်ခမ်းနီကိုပဲ သုံးလို့လည်း ရပါတယ်။ ဒီမှာတော့ နှုတ်ခမ်းနီနဲ့ပဲ ပါးနီခြယ်ပါမယ်။
ရွှေရောင် (သို့) အညိုဖောက်တဲ့ highlighter ကို ပါးရိုးနှစ်ဖက်နဲ့ နှာတံမှာ ခြယ်ပါမယ်။
နှုတ်ခမ်းနီကိုလည်း အညိုဖောက်တဲ့အရောင်လေးပဲ ဆိုးပါမယ်။
နောက်ဆုံးမှာတော့ facial mist လေးဖြန်းပေးလိုက်ရုံပါပဲ။
ဒါဆိုရင်တော့ everyday look အတွက်အဆင်ပြေသလို ဆွဲဆောင်မှုလည်းရှိတဲ့ dewy makeup look လေးကို ရရှိသွားပြီပဲဖြစ်ပါတယ်။
