နေအပူချိန်က စိန်ခေါ်လို့ မကောင်းတဲ့ အရာတစ်ခုပါ။ မျက်နှာကို နေတိုက်ရိုက်ထိတာနဲ့ ရလာမယ့် နောက်ဆက်တွဲ ဆိုးကျိုးတွေက အများအပြားပါပဲ။ နေလောင်ကာ ခရင်ကို လုံလုံလောက်လောက် လိမ်းမှ အသားအရေအတွက် ခံသာမှာပါ။ အခုဖော်ပြထားတဲ့ DIY Mask တွေကတော့ နေပူထဲ အကြာကြီးနေဖြစ်တဲ့ ရက်တွေမှာ သုံးနိုင်မယ့် အသားအရေ ထိန်းသိမ်းနည်းတွေ ဖြစ်ပါတယ်။

၁။ ထောပတ်သီး Mask

ထောပတ်သီးက အသားအရေကို အာဟာရ ပြန်လည်ဖြည့်တင်းပေးနိုင်ပါတယ်။ ဒီနည်းလမ်းအတွက် လိုအပ်တဲ့ ပစ္စည်းတွေကတော့-
ထောပတ်သီး တစ်ဝက်
ပျားရည် တစ်ဇွန်း
Rosehip seed oil ဇွန်းဝက်
Tea tree oil နှစ်စက် တို့ ဖြစ်ပါတယ်။ ဒီပစ္စည်းတွေ အားလုံးကို Blender ထဲ ရောမွှေပေးရပါမယ်။ ဒီအရောကို သန့်စင်ထားတဲ့ မျက်နှာပေါ်ကို တင်ကာ မိနစ် ၂၀ ထားပေးရပါမယ်။ ပြီးရင်တော့ ရေဆေးချနိုင်ပါပြီ။

၂။ အစိုဓာတ်ပေးတဲ့ Mask

အခု Mask ကတော့ နေရောင်ကြောင့် ခြောက်သွေ့လာတဲ့ သင့်အရေပြားကို ပြန်ပြီး အစိုဓာတ်ဖြည့်ပေးမှာပါ။ လိုအပ်တဲ့ ပစ္စည်းတွေကတော့-

ပျားရည်တစ်ဇွန်းနဲ့
ပန်းသီးရှာလကာရည် တစ်ဇွန်းတို့ ဖြစ်ပါတယ်။ ရှာလကာရည်နဲ့ ပျားရည်ကို ရောမွှေကာ မျက်နှာမှာ ညီအောင် ဖြန့်လူးပေးရပါမယ်။ ၁၀ မိနစ်ကနေ ၁၅ မိနစ် ထားပြီးနောက် ရေနွေးနွေးလေးနဲ့ ဆေးချပေးရပါမယ်။

၃။ Green Tea Mask

နေရောင်ကြောင့် ပျက်စီးသွားတဲ့ အသားအရေကို Green Tea သုံးပြီး ပြန်လည် ထိန်းသိမ်းနိုင်ပါတယ်။ လိုအပ်တဲ့ ပစ္စည်းတွေကတော့-
Matcha Green Tea အမှုန့် တစ်ဇွန်း
ပျားရည် ၁ ဇွန်းပါ။ ဒီနှစ်မျိုးကို အနှစ်ရတဲ့အထိ ရောမွှေကာ မျက်နှာမှာ တင်ပေးရပါမယ်။ ၁၅ မိနစ်ထားပြီးနောက် ရေဆေးနိုင်ပါပြီ။

၄။ ခရမ်းချဉ်သီး Mask

ခရမ်းချဉ်သီးမှာ ဗီတာမင်စီ ကြွယ်ဝတဲ့အပြင် အိုမင်းရင့်ရော်မှုကို နှေးကွေးစေတဲ့ အက်တီအောက်ဆီးဒင့်ပါ ပါဝင်ပါတယ်။ နေရောင်ကြောင့် ပျက်စီးတာကို ပြန်လည်ကာကွယ်ပေးနိုင်ပါတယ်။
ကျိတ်ထားတဲ့ ခရမ်းချဉ်သီး တစ်လုံး
သခွားသီး အရည် တစ်ဇွန်း
ပူစီနံရွက် လေးရွက်
ဒိန်ချဉ် နှစ်ဇွန်းတို့ကို လိုအပ်ပါတယ်။ သခွားသီးနဲ့ ခရမ်းချဉ်သီးကို ရောကာ ဒီထဲကို ပူစီနံ့ ချေကာ ထည့်ပေးရပါမယ်။ ပြီးနောက် ဒိန်ချဉ်နဲ့ ရောရပါမယ်။ ရလာတဲ့ အရောကို မျက်နှာပေါ်လိမ်းကာ မိနစ် ၂၀ ထားရပါမယ်။ ပြီးရင်တော့ ရေဆေးချနိုင်ပါပြီ။

၅။ ရှားစောင်းလတ်ပတ်

ရှားစောင်းလတ်ပတ်က အသားအရေကို ပြန်လည်အေးမြကာ စိုပြေစေပါတယ်။ လိုအပ်တဲ့ပစ္စည်းတွေကတော့-
သခွားသီး အနည်းငယ်
ရှားစောင်းလတ်ပတ် ဂျယ် လေးဇွန်း
ဗီတာမင် အီး တစ်ဇွန်းတို့ ဖြစ်ပါတယ်။ ပါဝင်ပစ္စည်းအားလုံးကို ကျိတ်ကာ မျက်နှာပေါ် လိမ်းပေးရပါမယ်။ မိနစ် ၂၀ ထားပြီးနောက် ရေဆေးချပေးရပါမယ်။

Photo Source: Pinterest

By MyStyle Myanmar