ဒီနေ့မှာတော့ အဆီပြန်ပြီး ဝက်ခြံတွေထွက်တတ်တဲ့ အသားအရေပိုင်ရှင်လေးတွေအတွက် သဘာဝအတိုင်း အိမ်မှာ အလွယ်တကူပေါင်းတင်လို့ရမယ့် နည်းလမ်းကောင်းလေးတွေကို မျှဝေပေးလိုက်ပါတယ်။ ထိရောက်လွယ်ကူတဲ့ နည်းလမ်းကောင်းလေးတွေမို့လို့ အဆီပြန်ပြီး ဝက်ခြံတွေလည်း ထွက်တတ်တဲ့သူတိုင်း Tryကြည့်သင့်တယ်နော်။
ပူစီနံ
ဝက်ခြံပျောက်ကင်းဖို့ အကောင်းဆုံး မျက်နှာပေါင်းတင်နည်းကတော့ ပူစီနံအရွက်ပါပဲ။ ပူစီနံရွက်ဟာ အဆီပြန်တာကိုလည်း အထူးသက်သာစေတာမို့ ဝက်ခြံကင်းစင်ဖို့ ပူစီနံရွက်ကို အသုံးပြုနိုင်ပါတယ်။
ပါဝင်ပစ္စည်း
၁။ ပူစီနံအရွက်
၂။ ပျားရည်
ပြုလုပ်နည်း
ပူစီနံရွက်တွေကို ကြိတ်လိုက်ပါ။အဲဒီနောက် ပျားရည်ကို ရောထည့်ပါ။ မျက်နှာပေါ်လိမ်းပေးပြီး ခြောက်တဲ့ထိထားပါ။ ရေအေးနဲ့ မျက်နှာသစ်ပါ။
သခွားသီး
သခွားသီးဟာ ဝက်ခြံကြောင့် ရောင်ရမ်းတာတွေကို သက်သာစေပါတယ်။
အသုံးပြုနည်း
သခွားသီးကို ခြစ်ချပြီး အဖတ်နဲ့ အရည်ကို ခွဲကာ ရေခဲသေတ္တာထဲထည့်ထားပါ။ သခွားသီးဖတ်ကို ယူပြီး မျက်နှာပေါ်က အဖုရှိတဲ့နေရာမှာ လိမ်းပေးပါ။
သခွားသီးဖတ်ကို လိမ်းထားပေးပြီးလို့ နွေးလာပြီဆိုရင် နောက်ထပ်အေးနေတဲ့ သခွားသီးအရည်ထဲမှာ နှစ်ပေးပါ။
နောက်ထပ်အသုံးပြုနိုင်သေးတဲ့ နည်းလမ်းကတော့
သခွားသီးဖတ်ကို Curd (ဒိန်) နှစ်ဇွန်းထည့်ချင်လည်း ထည့်လို့ရပါတယ်။ သခွားသီးအဖတ်တွေနဲ့ Curd (ဒိန်) ကိုရောပြီး မျက်နှာပေါ် လိမ်းပေးပါ။ ၂၅ မိနစ်ကနေ မိနစ် ၃၀ ကြားထားပြီး မျက်နှာသစ်ပေးပါ။
