Kpop ပရိသတ်တွေ အားလုံးပဲ မင်္ဂလာပါနော်။ Kpop Idol တွေဟာ ကင်မရာရှေ့မကြာခဏထွက်ရတဲ့သူတွေမို့ သူတို့ရဲ့အသွင်အပြင်ကို အရမ်းဂရုစိုက်ရပါတယ်။ Idol တော်တော်များများဟာ ကင်မရာထဲမှာထင်းပြီး ထူးခြားနေအောင် သူတို့ရဲ့ ဆံပင်စတိုင်နဲ့ ကာလာတွေကို ပုံစံအမျိုးမျိုး ပြောင်းတတ်ကြသူတွေပါ။ အချို့ Idol တွေမှာဆိုရင် သူတို့ရဲ့ ပြစ်မျိုးမှဲ့မထင်အောင် အချိုးကျတဲ့မျက်နှာကျကြောင့် ဘယ်လို ဆံပင်စတိုင်မျိုးမဆို လိုက်ဖက်နေတတ်တဲ့သူတွေရှိပါတယ်။
ဒီတစ်ခေါက်မှာ ပြီးပြည့်စုံတဲ့ မျက်နှာအလှကြောင့် ဆံပင်စတိုင် ဘယ်လိုပုံပဲပြောင်းပြောင်း လိုက်ဖက်ပြီး ကြည့်ကောင်းနေဆဲဖြစ်တဲ့ အမျိုးသမီး Kpop Idol တွေအကြောင်းကို ဖော်ပြပေးလိုက်ပါတယ်။ ကိုယ်ချစ်တဲ့ Idol တွေ ပါလာမလား စိတ်ဝင်စားရင် ကြည့်လိုက်ရအောင်နော်။
၁။ BLACKPINK အဖွဲ့ဝင် “Jisoo”
ပြီးပြည့်စုံတဲ့ Visual အလှနဲ့ ပက်သက်လာရင် BLACKPINK အဖွဲ့ဝင် “Jisoo” ကို မေ့ထားလို့မရပါဘူး။ သူမဟာ ပန်းချီရေးထားသလို အစိတ်အပိုင်းတစ်ခုချင်း အချိုးကျတဲ့ မျက်နှာပေါက်မျိုး ပိုင်ဆိုင်ထားတာမို့ ပရိသတ်တွေက အလှဆုံး Idol တွေထဲက တစ်ဦးအဖြစ်သတ်မှတ်ခြင်းခံရသူပါ။
ပွဲဦးထွက်ကတည်းက အခုအချိန်အထိ ဆံပင်ပုံစံအမျိုးမျိုးပြောင်းလဲခဲ့ဖူးပြီး Hairstyle တိုင်းက သူမနဲ့လိုက်ဖက်ကာ အမြဲကြည့်ကောင်းနေတာကို တွေ့ရပါတယ်။
၂။ Girls’ Generation အဖွဲ့ဝင် Yoona
Yoona ဟာ ထွေထွေထူးထူးပြင်စရာမလိုဘဲ မြင်သူတိုင်းမျက်စိအေးစေတဲ့ သဘာဝအလှမျိုး ပိုင်ဆိုင်ထားသူတစ်ယောက်ပါ။
လက်ရှိ ၃၀ ကျော်အရွယ်လို့ လုံးဝမထင်ရတဲ့ သူမဟာ အခုအချိန်ထိ ငယ်ရုပ်မပျောက်ဘဲ အပြစ်ကင်းစင်တဲ့အပြုံးလေးတွေရှိတာမို့ ဆံပင်အတို၊ အရှည် ပုံစံအမျိုးမျိုးနဲ့ လိုက်ဖက်တဲ့သူတစ်ယောက်လည်း ဖြစ်ပါတယ်။ ဘယ်လို ဆံပင်ပုံစံမျိုးနဲ့မဆို သူမရဲ့မျက်နှာလေးက အေးချမ်းပြီး ထင်းနေတာကို တွေ့ရမှာပါ။
၃။ TWICE အဖွဲ့ဝင် “Mina”
TWICE အဖွဲ့ဝင် ဂျပန်မလေး “Mina” ဟာလည်း Hairstyle တိုင်းနဲ့လိုက်ဖက်တဲ့ မျက်နှာပေါက်မျိုး ရှိသူဖြစ်တယ်လို့ Hair Stylists တွေက အသိအမှတ်ပြုကြပါတယ်။
သူမရဲ့ ပြည့်စုံတဲ့ V Shape မျက်နှာကျက ဆံပင်အကောက်၊ အဖြောင့်ပုံစံအမျိုးမျိုးနဲ့ လိုက်ဖက်သလို ပုံမသွင်းဘဲ ဒီတိုင်းချထားတဲ့ ရိုးရိုးဆံပင်စတိုင်တွေနဲ့ပါ မျက်နှာလေးထင်းပြီး လှနေတဲ့သူဖြစ်ပါတယ်။
၄။ Red Velvet အဖွဲ့ဝင် “Irene”
Irene က Red Velvet အဖွဲ့ရဲ့ Visual တစ်ဦးဖြစ်ပြီး သူမရဲ့ နတ်သမီးတစ်ပါးလို လည်ပြန်ငေးရလောက်တဲ့ အလှကြောင့် ပရိသတ်တွေကြား လူသိများပါတယ်။
သူမဟာ လူတိုင်းနဲ့မလိုက်တဲ့ ဆံပင်စတိုင်တွေနဲ့တောင် ကြည့်ကောင်းနေတတ်တဲ့သူတစ်ယောက်ပါ။ ရှေ့ဆံမြိတ်လေးတွေ ညှပ်ထားတာ မညီရင်တောင် သူမကို အလှမပျက်စေပါဘူး။
၅။ Aespa အဖွဲ့ဝင် “Karina”
မျက်လုံးဝိုင်းဝိုင်း၊ မျက်နှာသေးသေးလေးကို ပိုင်ဆိုင်ထားတဲ့ ဆယ်ကျော်သက် Idol မလေး Karina ဟာလည်း Hairstyle တိုင်းနဲ့လိုက်တဲ့ မျက်နှာပေါက်ရှိသူဖြစ်ပါတယ်။ အရုပ်လေးတစ်ရုပ်လို အချိုးအစားကျတဲ့ သူမရဲ့ မျက်နှာချွန်ချွန်က ကာလာအမိုက်စားတွေနဲ့ ပေါင်းစပ်ထားတဲ့ ဆံပင်ပုံစံတွေနဲ့လည်း အထာကျသလို ရိုးရိုးရှင်းရှင်း ဆံပင်ပုံစံတွေနဲ့ပါ ချစ်စရာကောင်းသူလေး ဖြစ်ပါတယ်။
Photo Source: Pinterest
By MyStyle Myanmar
