မိန်းကလေးတော်တော်များများကတော့ ခြေသလုံးမွှေးနဲ့ ဂျိုင်းမွှေးတွေကို Shaving လုပ်ကြမှာပါ။ ဒီလို Shaving လုပ်ပြီးတဲ့အခါမှာတော့ အသားအရေဟာ အရမ်းကိုနူးညံ့သွားပါတယ်။ ဒီလိုအချိန်မျိုးမှာ အရေပြားက ပိုးဝင်လွယ်တဲ့အတွက် သေချာဂရုစိုက်ပေးဖို့ လိုပါတယ်။ ဒါကြောင့် ဂျိုင်းမွှေးနဲ့ ခြေသလုံးမွှေးရိတ်ပြီးတဲ့အခါမှာ အသားအရေကြမ်းတမ်းတာတွေ အရေပြားအလွယ်တကူပျက်စီးတာမျိုးတွေ မဖြစ်ရလေအောင် ဒီသဘာဝနည်းလမ်းလေးတွေနဲ့ ပြန်ပြီးထိန်းသိမ်းပေးလိုက်ကြရအောင်…
ခြေသလုံးမွှေးရိတ်ပြီးတဲ့အခါမှာတော့ Vaseline ကို သုံးပေးဖို့ လိုပါတယ်။ ခြေသလုံးမွှေးရိတ်ပြီးသွားရင် Vaseline ကိုလိမ်းပြီး ၁၅ မိနစ်လောက်ကြာအောင်ထားပါ။ အချိန်ပြည့်ရင်တော့ ရေဆေးချလိုက်ပါ။ ဒီလိုလိမ်းပေးခြင်းက Shaving လုပ်ပြီးလို့ ခြောက်သွေ့သွားတဲ့အသားအရေကို ရေဓာတ်ပြန်ဖြည့်ပေးပါတယ်။
ခြေသလုံးမွှေးရိတ်ပြီးသွားတဲ့အခါမှာ ပျားရည်ကိုလည်း ပွတ်လိမ်းပေးလို့ရပါတယ်။ ပျားရည်ကိုလိမ်းပေးပြီး ၁၅ မိနစ်လောက်ကြာရင်တော့ ရေနဲ့စင်အောင်ဆေးချလိုက်ပါ။ ဒီလို Shaving လုပ်ပြီးတဲ့အချိန်မှာ ပျားရည်ကိုလိမ်းပေးမယ်ဆိုရင်တော့ အသားထဲကိုစိမ့်င်သွားဝပြီး အသားအရေက နူးညံ့ချောမွေ့သွားစေပါတယ်။ ဒါ့အပြင် ရေဓာတ်လည်း ပြန်လည်ရရှိစေပါတယ်။
ဂျိုင်းမွှေးရိတ်ပြီးတဲ့အခါမှာတော့ သံလွင်ဆီ (သို့) ဗီတာမင် အီး – ၅ စက်လောက်ကို ရေ – စားပွဲတင်ဇွန်း ၂ ဇွန်းနဲ့ရောကာ လိမ်းပေးရပါမယ်။ ဒီလိုလိမ်းပေးခြင်းက Chemical လည်းမပါတဲ့အတွက် Shaving လုပ်ထားတဲ့အသားအရေကိုလည်း မပျက်စီးစေပါဘူး။
ဂျိုင်းမွှေးရိတ်ပြီးသွားတဲ့အခါမှာတော့ ရှားစောင်းလတ်ပတ်ကိုလည်း အသုံးပြုပေးလို့ရပါတယ်။ ရှားစောင်းလတ်ပတ်ဂျယ်လ်ကို ဂျိုင်းနေရာမှာအသာလေးပွတ်လိမ်းပေးပြီး လိမ်းထားတာတွေခြောက်သွားရင်တော့ ရေနဲ့ဆေးချလိုက်ရုံပါပဲ။
ဒီနည်းလမ်းလေးတွေက နှစ်မျိုးစီပြောပြပေးထားတာဖြစ်လို့ ကိုယ်နဲ့အဆင်ပြေရာတစ်မျိုးကို ရွေးချယ်ပြုလုပ်နိုင်ပါတယ်။ ဒီနည်းလမ်းလေးတွေက Chemical မပါဝင်တဲ့ သဘာဝနည်းလမ်းတွေဖြစ်လို့ ဘေးဥပါဒ်ဖြစ်မှာကိုလည်း စိတ်မပူရပါဘူး။
