ကိုယ့်ဘက်ကအပြည့်မဝချစ်ပေမဲ့ ကိုယ်အပေါ်ကျတော့ အပျော်သက်သက် စိတ်ဖြေဖျောက်စရာလူတစ်ယောက်အဖြစ် သတ်မှတ်ခံထားရခြင်းကတကယ့်ကို ဝမ်းနည်းဖို့ကောင်းလှပါတယ်။ ဒါပေမယ့်လည်း လက်ရှိစုံတွဲတွေကြားမှာ ဒီလိုအဖြစ်မျိုးတွေ အများကြီးကြုံတွေ့နေကြရတဲ့သူတွေ အများကြီးရှိပါတယ်။ ဒါကြောင့်သင့်အနေနဲ့ ကိုယ်ချစ်ရတဲ့သူက ကိုယ့်ကိုအသုံးချနေတာလား အပျော်တွဲရုံသက်သက်ပဲလားဆိုတာ သိနိုင်ဖို့ ဒီအချက်လေးတွေလေ့လာကြည့်ပါ။
(၁) စိတ်မထင်ရင်မထင်သလိုပစ်ထားမယ်
Source : iStock
သင့်ချစ်သူကောင်လေးက သင့်ကိုအပျော်တွဲနေရုံသက်သက် အသုံးချနေရုံသက်သက်ဆိုရင်တော့ သူစိတ်မထင်ရင်မထင်သလို အဆက်မသွယ်မလုပ်တာ ပစ်ထားတာမျိုးလုပ်မှာဖြစ်ပါတယ်။ အလုပ်တွေများနေလို့ စိတ်ဖိစီးနေလို့ဆိုတဲ့ အကြောင်းပြချက်တွေနဲ့ သူစိတ်ပါတဲ့အချိန်မှ စကားတွေလာပြောမယ်။ ကျန်တဲ့အချိန်မှာတော့ အဖက်တောင်မလုပ်ဘူးဆိုရင်သင့်ကို တကယ်မချစ်သလို အပျော်တွဲနေရုံသက်သက်ပဲလို့ ယူဆလို့ ရပါတယ်။
(၂) အနာဂတ်အကြောင်းတိုင်ပင်ရင် စိတ်မပါသလိုနေမယ်
Source : LovePanky
ဘယ်သူပဲဖြစ်ဖြစ် ကိုယ်တကယ်ချစ်တဲ့သူနဲ့ ကောင်းမွန်တဲ့အနာဂတ်တစ်ခု တည်ဆောက်ချင်ကြမှာပါ။ ဘယ်အချိန်မှာလက်ထပ်မယ် နှစ်ကိုယ်တစ်စိတ်ဘဝလေးကိုဘယ်လိုတည်ဆောက်ကြမယ် စသည့်ဖြင့် အနာဂတ်အကြောင်း ကိုယ့်အနေနဲ့ ပြောလာတဲ့အခါ စိတ်မပါသလိုတုန့်ပြန်မယ် ဒါတွေကဝေးပါသေးတယ် ဘာညာဆိုပြီးစကားလမ်းကြောင်းတွေလွဲနေမယ် ကိုယ်နဲ့ပတ်သတ်ရင် အရာရာလေးလေးနက်နက်မရှိဘူး ဖြစ်နေမယ်ဆိုရင်တော့ သေချာပါတယ် သင့်ကိုအပျော်တွဲနေတာဖြစ်ပါတယ်။
(၃) သူပတ်ဝန်းကျင်မှာသိပ်ချမပြချင်ဘူး
Source : Bolde
ကိုယ်တကယ်ချစ်တဲ့သူတစ်ယောက်ကို ကိုယ့်ပတ်ဝန်းကျင်အသိုင်းအဝိုင်းရှေ့ သူငယ်ချင်းအပေါင်းအသင်းတွေ ထုတ်ပြတာဟာ တကယ်ချစ်တဲ့သူတွေရဲ့ လုပ်ရပ်တစ်ခုပါ။ဒါပေမယ့် သူ့အတွက် အပျော်သက်သက်ပဲလို့ သတ်မှတ်ထားရင်တော့ သင်ဟာ ကန့်လန့်ကာနောက်ကွယ်မှာပဲရှိနေမှာပါ။ သူ့ပတ်ဝန်းကျင် အသိုင်းအဝိုင်း သူငယ်ချင်းအပေါင်းအသင်းတွေကြား နောက်ဆုံးဆိုရှယ်မီဒီယာမှာတောင် သင့်အကြောင်းထုတ်ဖော်ပြသခြင်းမရှိဘူးဆိုရင် သင်ဟာသူမအတွက် အဖြည့်ခံသက်သက် ပဲဆိုတာသိနိုင်ပါတယ်။
(၄) စိတ်သိပ်ရှုပ်မခံဘူး
Source : Panda Gossips
ဒီအချက်ကလည်း တကယ့်ကိုမှန်ကန်ပါတယ်။ သူ့အတွက် စိတ်ပြေဖို့ စိတ်ဖြေစရာတစ်ခုအဖြစ် သတ်မှတ်ထားတဲ့ လူတစ်ယောက်အတွက် စိတ်သိပ်ရှုပ်ခံမှာမဟုတ်ပါဘူး။ သင့်အပေါ်လည်း စိတ်ဝင်စားမှုသိပ်ရှိမှာမဟုတ်သလို သင့်နဲ့ပတ်သတ်ပြီး ပြဿနာအကြီးအကျယ်ဖြစ်တာမျိုးလည်း လုပ်မှာမဟုတ်ပါဘူး။ ပေါ့ပေါ့ပါးပါးနဲ့ပဲ ဖြတ်သန်းမှာဖြစ်ပါတယ်။ သင့်အနေနဲ့ အရမ်းချစ်ပြီး သူ့အပေါ်လေးနက်နေရင် သူ့ဘက်ကသိပ်ပြီး အာရုံအနောက်ခံမှာမဟုတ်ပါဘူး။ ဘာကြောင့်လဲဆိုရင် သူက သင့်ကိုအပျော်တွဲနေလို့ပါပဲ။
