Strawberry သီးတွေမှာ အစိလေးတွေ ဖြစ်နေသလိုမျိုး ခြေသလုံးအသားအရေမှာ ဖြစ်နေတယ်ဆိုရင် ကြည့်ရဆိုးစေပါတယ်။ အသားအရေက ချောမွေ့မှုမရှိပါဘူး။ ဒါကြောင့် Strawberry Skin လိုမျိုး ခြေသလုံးမှာ အစိလေးတွေဖြစ်နေတာကို ပျောက်အောင်လုပ်ပေးမယ့် နည်းလမ်းကောင်းတွေကို မျှဝေပေးလိုက်ပါတယ်။

Moisturizer သေချာလိမ်းပါ

အသားအရေက ရေဓာတ်ပြည့်ဝနေစေဖို့ moisturizer or lotion သေချာလိမ်းပေးဖို့ လိုပါတယ်။ အသားအရေ စိုပြည်နေရင် အစိလေးတွေထနေတာ သက်သာစေပါတယ်။ အသားခြောက်နေရင် ပိုဆိုးစေပါတယ်။ အစိလေးတွေထနေတာက ထင်းပြီး ပိုပေါ်နေစေပါတယ်။

Shaving လုပ်တဲ့အခါ

Shaving လုပ်တဲ့အခါမှာ အောက်ကနေ အပေါ်ကိုရိတ်ရင် အသီးထတာ၊ အစိလေးတွေထတာမျိုး ဖြစ်လာပါလိမ့်မယ်။ ဒါကြောင့် အပေါ်ကနေ အောက်ကို ရိတ်ချပေးပါ။

ရေခဲကပ်ပါ

ခြေသလုံးမှာ Strawberry Skin လို အစိလေးတွေထနေရင် ရေခဲကပ်ပေးပါ။ ရေခဲကို အဝတ်တစ်ခုထဲထည့် အုပ်ပြီး မိနစ်ပိုင်းလောက် ကပ်ပေးမယ်ဆိုရင် အသားအရေနီမြန်းတာ၊ အစိလေးတွေထတာ သက်သာစေပါတယ်။

Dry Brush သုံးပါ

Dry brush နဲ့ ခြေသလုံးကိုတိုက်ပေးရင် Strawberry Skin လို အစိလေးတွေထနေတာ သက်သာစေပြီး အသားချောစေပါတယ်။ သွေးလည်ပတ်မှုကောင်းမွန်စေပြီး အသားအရေ Soft Glow ဖြစ်စေပါတယ်။

Baking Soda, ပျားရည်နဲ့ Cream

Baking soda – စားပွဲတင်ဇွန်း ၃ ဇွန်းနဲ့ ပျားရည် – စားပွဲတင်ဇွန်း ၂ ဇွန်း၊ Cream တစ်ခုခု – စားပွဲတင်ဇွန်း ၁ ဇွန်းတို့ကို ရောမွှေပြီး ခြေသလုံးမှာ လိမ်းပေးပါ။ ၁၅ မိနစ်လောက်ထားပြီးရင် ရေခဲရေနဲ့ ဆေးချလိုက်ပါ။ ဒီနည်းလမ်းကတော့ အသားအရေ နီမြန်းတာတွေ သက်သာစေပြီး ဆဲလ်သေတွေကို ဖယ်ရှားပေးတယ်၊ ချွေးပေါက်တွေကို သန့်စင်ပေးပါတယ်။ အသားချောစေလို့ အစိလေးတွေထတာလည်း သက်သာစေပါတယ်။

Waxing လုပ်ပါ

ခြေသလုံးမွှေးရိတ်တာ Shaving လုပ်မယ့်အစား Waxing လုပ်ပါ။ Shaving လုပ်တာက အသားအရေ အသီးထတာတွေ ပိုဖြစ်စေပါတယ်။ ဒါကြောင့် Waxing လုပ်တာက ပိုပြီးအဆင်ပြေပါတယ်။