ကြည်လင်ချောမွတ်ပြီး အပြစ်အနာဆာကင်းကင်းနဲ့ စိုပြေဝင်းပနေတဲ့ အသားအရေမျိုးကို မိန်းကလေးတိုင်းမက ယောကျာ်းလေးတွေကပါ လိုချင်တောင့်တကြတာ အမှန်ပါပဲ့။

ဒါပေမဲ့ လုံလောက်တဲ့အာဟာရဓာတ် မရရှိတဲ့အခါမျိုး၊ အိပ်ရေးပျက်ဖန်များလာတဲ့အခါ၊ ရေသောက်နည်းနဲ့အခါမျိုးတွေ အသားအရေက ဖုန်မှုန့်အညစ်အကြေးတို့နဲ့ ထိတွေ့ဖန်များပြီး ကိုယ်ကလည်း ‌အသားအရေကို သေချာဂရုမစိုက်ဖြစ်ဘူးဆိုရင်တော့ အသားအရေက မွဲခြောက်ခြောက်ကြီးနဲ့ ဆွဲဆောင်မှုမရှိသလို ဖြစ်လာပါလိမ့်မယ်။

ဆွဲဆောင်မှုရှိတဲ့ အသားအရေအလှအပကို အချိန်အကြာကြီး ထိန်းသိမ်းထားချင်တယ်ဆိုရင်တော့ သင့်အသားအရေကို သေချာဂရုစိုက်ဖို့ လိုပါမယ်နော်။ ဒါကြောင့် အခုဖော်ပြပေးမယ့် သဘာဝနည်းလမ်းတွေ အသုံးပြုပြီး အသားအရေကို ထိန်းသိမ်းစောင့်ရှောက်မယ်ဆိုရင်တော့ မိန်းကလေးအချင်းချင်းတောင် ငေးမောအားကျရတဲ့ ကြည်တောက်စိုဝင်းတဲ့ အသားအရေအလှပိုင်ရှင်တွေ ဖြစ်လာနိုင်ပါတယ်။

နနွင်းမှုန့်နဲ့ ပေါင်းတင်ရအောင်

နနွင်းမှုန့် လက်ဖက်ရည်ဇွန်း ၁ ဇွန်းကို နွားနို့ လက်ဖက်ရည်ဇွန်း တစ်ဇွန်း၊ ပျားရည် လက်ဖက်ရည်ဇွန်း တစ်ဝက်တို့ဖြင့် သမအောင် ရောမွှေပေးလိုက်ပါ။ ရရှိလာတဲ့အရောအနှောကို မျက်နှာနဲ့ လည်ပင်းပေါ်မှာ လိမ်းကျံပေးလိုက်ပါ။ ၁၅ မိနစ်၊ မိနစ် ၂၀ ခန့်ကြာတဲ့အခါမှာတော့ မျက်နှာသစ်ပေးလိုက်လို့ရပါပြီ။

ဒီနည်းလမ်းဖြင့် တစ်ပတ်တစ်ခါ ပေါင်းတင်ပေးမယ်ဆိုရင်တော့ သင့်အသားအရေက သဘာဝအတိုင်း တောက်ပြောင်လာပါလိမ့်မယ်။

သဘာဝအုန်းဆီစစ်စစ်လေးနဲ့ ပေါင်းတင်ပါ

အုန်းဆီ လက်ဖက်ရည်ဇွန်း တစ်ဇွန်း၊ ပျားရည် လက်ဖက်ရည်ဇွန်း တစ်ဇွန်းနှင့် နွားနို့ လက်ဖက်ရည်ဇွန်း တစ်ဇွန်းတို့ကို သမအောင် ရောမွှေပေးလိုက်ပါ။ ရရှိလာတဲ့အနှစ်ကို မျက်နှာနဲ့ လည်ပင်းပေါ်မှာ လိမ်းကျံပေးလိုက်ပါ။ ၁၅ မိနစ်ပြည့်တဲ့အခါမှာတော့ မျက်နှာသစ်ပေးလို့ရပါပြီ။

ဒီပေါင်းတင်နည်းကိုတော့ တစ်ပတ်နှစ်ကြိမ်ခန့် ပြုလုပ်ပေးရုံမျှဖြင့် လုံလောက်ပါတယ်။

ဒိန်ချဉ်နဲ့ ပေါင်းတင်နိုင်မယ့်နည်းလေး

ဒိန်ချဉ် စားပွဲတင်ဇွန်း ၂ ဇွန်း၊ ပျားရည် စားပွဲတင်ဇွန်း ၁ ဇွန်းနှင့် သံပုယိုရည် စားပွဲတင်ဇွန်း ၁ ဇွန်းတို့ကို သမအောင် ရောမွှေပေးလိုက်ပါ။ ရရှိလာတဲ့အနှစ်ကို မျက်နှာနဲ့ လည်ပင်းပေါ်မှာ သုတ်လိမ်းပေးလိုကပါ။ ၁၅ မိနစ်၊ မိနစ် ၂၀ ခန့်ကြာတဲ့အခါမှာတော့ မျက်နှာသစ်ပေးလိုက်လို့ရပါပြီ။

ဒီနည်းလမ်းဖြင့် ပေါင်းတင်မယ်ဆိုရင်တော့ တစ်ပတ်တစ်ကြိမ်ခန့် ပေါင်းတင်ပေးရပါလိမ့်မယ်။

Source: Stylecraze.com