မျက်လုံးဧရိယာက အရမ်းနုတာကြောင့် ပြင်ဆင်ခြယ်သထားတာတွေကို ဖျက်မယ်ဆိုရင် အတင်းပွတ်ဖျက်တာမျိုးတွေ၊ ဖျက်တာမစင်တာမျိုးတွေ ဖြစ်လို့မရပါဘူး။ ကြာလာရင် မျက်လုံးနားတစ်ဝိုက် အသားအရေ ပျက်စီးတာ၊ အရေးအကြောင်းတွေ ပေါ်လာတာမျိုး ဖြစ်လာပါလိမ့်မယ်။ ဒါကြောင့် eye makeup တွေကို ဖျက်ဖို့တွက် waterproof ဖြစ်တဲ့ mascara, eyeliner တွေကိုပါ အလွယ်တကူ သန့်စင်ပေးနိုင်မယ့် အကောင်းဆုံး eye makeup remover 5 မျိုးကို ဖော်ပြပေးလိုက်ပါတယ်။
La Roche Posay Respectissime Eye Makeup Remover
Fragrance-free eye makeup remover ဖြစ်လို့ sensitive skin တွေအတွက်ပါ အရမ်းကို အဆင်ပြေပါတယ်။ Dermatologist တွေရဲ့ favorite brand လည်းဖြစ်လို့ စိတ်ချလက်ချ သုံးလို့ရပါတယ်။ အတင်းပွတ်ဖျက်စရာမလိုပဲ အလွယ်တကူဖျက်လို့ရပြီး eye makeup တွေကို သေချာသန့်စင်ပေးနိုင်ပါတယ်။
Chanel Demaquillant Yeux Intense Gentle Bi-Phase Eye Makeup Remover
Eye makeup တွေကို အထူကြီးဖြစ်အောင် heavy ပြင်ထားတာတွေကိုတောင် သေချာပြောင်အောင် သန့်စင်ပေးနိုင်တဲ့ eye makeup remover ဖြစ်ပါတယ်။ Waterproof တွေကိုလည်း အလွယ်တကူ သန့်စင်ပေးနိုင်ပါတယ်။ သုံးပြီးရင် အသားခြောက်တာမျိုးလည်းမဖြစ်စေပဲ hydration ပေးပါတယ်။
Lancôme Bi-Facil Double Action Eye Makeup Remover
သုံးပြီးရင် အသားတင်းပြီး ခြောက်သွားတာမျိုး လုံးဝမဖြစ်စေပါဘူး။ အချိန်ကြာနေတဲ့ eye makeup တွေ၊ waterproof တွေ အားလုံးကို အလွယ်တကူ သန့်စင်ပေးနိုင်တဲ့ အကောင်းဆုံး eye makeup remover ဖြစ်ပါတယ်။
Clinique Take Off the Day Cleansing Balm
Cleansing balm တွေထဲမှာ လူကြိုက်အများဆုံးနဲ့ အကောင်းဆုံးလို့တောင် ပြောလို့ရပါတယ်။ အသားအရေကို hydrating ဖြစ်စေပြီး တစ်ချက်လေးပွတ်လိုက်တာနဲ့ အကုန်သန့်စင်သွားစေပါတယ်။ အတင်းပွတ်နေစရာမလိုတဲ့အတွက် သုံးရတာ ပိုအဆင်ပြေစေပါတယ်။
Caudalie Vinoclean Makeup Removing Cleansing Oil
Cleansing oil အမျိုးအစားထဲက သုံးချင်တယ်ဆိုရင်တော့ Caudalie Vinoclean Makeup Removing Cleansing Oil က အရမ်းကောင်းပါတယ်။ Eye makeup remover သီးသန့်မဟုတ်ပေမယ့် eye makeup တွေအတွက်ပါ အလွယ်တကူ သန့်စင်ပေးနိုင်တာကြောင့် မျက်နှာအတွက်တစ်မျိုး၊ eye makeup အတွက်တစ်မျိုး ခွဲဝယ်နေစရာမလိုတော့ဘူးပေါ့။
