မိုးရွာတဲ့နေ့တွေမှာ မဝတ်ဆင်သင့်တဲ့ ဖက်ရှင်နဲ့အဝတ်အစားများ

ပုံမှန်နေ့တွေအတွက်တော့ ကိုယ်ကြိုက်တဲ့ ကောက်ဝတ်လို့ အဆင်ပြေပေမယ့် မိုးရွာတဲ့နေ့တွေမှာဆိုရင်တော့ ဒီဖက်ရှင်နဲ့ အဝတ်အစားတွေကို မဝတ်ဆင်သင့်ပါဘူး။

အဖြူရောင်ဖက်ရှင်

မိုးရွာတဲ့နေ့တွေမှာ အဖြူရောင်ဝတ်မယ်ဆိုရင် လုံးဝကိုအဆင်မပြေပါဘူး။ ကားနဲ့သွားရင်တောင် အောက်ဆင်းတာနဲ့ ဗွက်စင်တာ၊ သဲစင်တာတွေဖြစ်ပြီး အဖြူတွေ ညစ်ပတ်ကုန်မှာပါ။ ဒါကြောင့် မိုးရွာတဲ့နေ့ဆိုရင် အဖြူတော့ လုံးဝမဝတ်ပါနဲ့။

အရောင်အရမ်းနုတဲ့အဝတ်အစား

အရောင်အရမ်းနုတဲ့ အဝတ်အစားတွေဆိုလည်း အဖြူနဲ့တူတူပါပဲ။ စွန်းထင်းလွယ်တာကြောင့် မိုးရွာတဲ့နေ့ဆို မဝတ်တာ အကောင်းဆုံးပါ။

အရမ်းရှည်တဲ့ ဘောင်းဘီ၊ စကပ်၊ ဂါဝန်

မိုးရွာတဲ့နေ့တွေမှာ အရမ်းရှည်တဲ့ဘောင်းဘီကို ဝတ်ဆင်မယ်ဆိုရင် အောက်နားတွေ ရေစိုပြီး နေရတာအဆင်မပြေ ဖြစ်ပါတယ်။ အရမ်းရှည်တဲ့ စကပ်တွေ၊ ဂါဝန်တွေဆိုလည်း မိုးရွာတာနဲ့ ဘယ်လိုမှ အဆင်မပြေပါဘူး။ အကုန်စိုပြီး လေတိုက်ရင်လည်း အဆင်ပြေဖြစ်မှာပါ။

ရင်ပြတ် Top နဲ့ ကြိုးတစ်လုံး

မိုးရွာတဲ့နေ့မှာ ဘာကြောင့် ရင်ပြတ် Top တွေနဲ့ ကြိုးတစ်လုံးတွေကို ရှောင်သင့်လဲဆိုရင်တော့ မိုးအရမ်းရွာလာတဲ့အခါ စိုကုန်ရင် အဆင်မပြေသလို၊ အေးတာမျိုးလည်း ဖြစ်လာမှာပါ။ အပေါ်ထပ်ဝတ်စရာ တစ်ခုခုပါရင်တော့ ဝတ်လို့အဆင်ပြေပါတယ်။

Ballerina flat

ဖိနပ်ဆိုလည်း မိုးရွာတဲ့နေ့မှာ မိုးရေထဲစီးလို့အဆင်ပြေမယ့် ဖိနပ်မျိုးကို ရွေးချယ်သင့်ပါတယ်။ Ballerina flat အမျိုးအစား ဖိနပ်တွေဆိုရင် မိုးရေထဲစီးလို့ အဆင်မပြေပါဘူး။ ဖိနပ်ထဲရေဝင်ပြီး ခြေထောက်စိုစိစိုစိနဲ့ နေရတာအဆင်မပြေတာမျိုး၊ ခြေထောက်ယားလာတာမျိုးတွေ ဖြစ်တတ်ပါတယ်။

အရမ်းမြင့်တဲ့ဒေါက်အချွန်ဖိနပ်