အားလုံးပဲ မင်္ဂလာပါနော်။ ဒီတစ်ခေါက်မှာ အရပ်ရှည်ရှည်၊ ခန္ဓာကိုယ်သွယ်သွယ်လေးတွေရှိကြတဲ့ လူငယ်ကောင်မလေးတွေ လိုက်ဝတ်လို့ရမယ့် အဆိုတော် Kim Do-yeon ရဲ့ဖက်ရှင်လေးတွေကို မျှဝေပေးချင်ပါတယ်။

Kim Do-yeon ကတော့ ၂၀၁၆ ခုနှစ်က IOI အဖွဲ့နဲ့အတူ ပွဲဦးထွက်ခဲ့တဲ့ Idol တစ်ဦးဖြစ်ပြီး ၂၀၁၇ ခုနှစ်မှာ Weki Meki အဖွဲ့ကို ပြောင်းကာ အဖွဲ့ရဲ့ Visual နဲ့ အဓိက Dancer ၊ Rapper အဖြစ် တာဝန်ယူထားသူ တစ်ယောက် ဖြစ်ပါတယ်။ ၁၉၉၉ ခုနှစ်မှာမွေးဖွားခဲ့ပြီး အသက် ၂၂ နှစ်ရှိပြီဖြစ်တဲ့သူမဟာ Idol အပြင် ဇာတ်လမ်းတွဲတွေမှာလည်း ပါဝင်သရုပ်ဆောင်ထားသလို ဖက်ရှင်မဂ္ဂဇင်းတွေရဲ့ရှေ့ဖုံး အဖြစ် ပါဝင်ခဲ့ဖူးတဲ့ မော်ဒယ်လ်တစ်ယောက်ဆိုရင်လည်းမမှားပါဘူး။

အရပ် ၅ ပေ ၈ အထိရှည်တာကြောင့် အရပ်အရှည်ဆုံး အမျိုးသမီး Kpop Idol တွေထဲကတစ်ယောက်အဖြစ် လူသိများသူလေးလည်း ဖြစ်ပါတယ်။ ပိန်ပိန်သွယ်သွယ် ခန္ဓာကိုယ်လေးကိုပါ ပိုင်ဆိုင်ထားတဲ့ Do-Yeon ဟာ သူမရဲ့ ကျော့ရှင်းတဲ့အရပ်နဲ့ လိုက်ဖက်တဲ့ အမိုက်စား အရောင်လွင်လွင် Outfit လေးတွေ ဝတ်တတ်တဲ့သူတစ်ဦးဖြစ်ပြီး Outfit အသားပေး Mirror Selfie လေးတွေလည်း ရိုက်ပြတတ်သူတစ်ဦးပါ။

ဒီတော့ သူမလို ပိန်ပိန်ရှည်ရှည်ကောင်မလေးတွေ အတုယူပြီး လိုက်ဝတ်လို့ရမယ့် Do-Yeon ရဲ့ ပေါ့ပေါ့ပါးပါးနဲ့ အထာကျတဲ့ ဖက်ရှင်လေးတွေကို ကြည့်လိုက်ရအောင်နော်။

Photo Source: Pinterest

By MyStyle Myanmar