မိုးရာသီမှာဆိုရင် လိမ်းထားတဲ့မိတ်ကပ်တွေ ကြာရှည်မခံပဲ ပျက်ကုန်တာမျိုး အရမ်းဖြစ်ပါတယ်။ အဓိကကတော့ မိုးကြီးတဲ့အချိန် အပြင်ရောက်နေရင် အခက်တွေ့တာပါပဲ။ ဒါကြောင့် မိုးရေထဲမှာတောင် ကိုယ့်အလှလည်း လုံးဝမပျက်ပဲ လှနေစေဖို့ မိုးရာသီအတွက် အဓိကလိုအပ်တဲ့ မိတ်ကပ်ပစ္စည်း ၇ မျိုးကို ပြောပြပေးလိုက်ပါတယ်။
Waterproof Makeup
အောက်ခံမိတ်ကပ် foundation သုံးတဲ့အခါ မိုးရာသီမှာတော့ waterproof ဖြစ်တာမျိုးကို ရွေးသုံးပေးပါ။ မိတ်ကပ်သားကြာရှည်ခံပြီး long lasting ဖြစ်တာက ရေထိလို့ ပျက်ကုန်တာမျိုးဆိုလည်း အဆင်မပြေပါဘူး။ ဒါကြောင့် အဓိကက waterproof ဖြစ်ဖို့ လိုပါတယ်။
Primer
မိတ်ကပ်သားကွက်တာ၊ ရွေ့တာမဖြစ်ပဲ ကြာရှည်ခံစေဖို့အတွက် primer လိုပါတယ်။ Primer က မိတ်ကပ်လိမ်းတိုင်းမှာ လိုအပ်တာကြောင့် မိုးရာသီရောက်မှ ဝယ်ရမယ့်အရာတော့ မဟုတ်ပါဘူး။ မိတ်ကပ်လိမ်းတတ်ရင်ကို ဆောင်ထားသင့်တာပါ။
Waterproof Mascara
မိုးရေစိုပြီး mascara တွေ ပျက်ကုန်ရင် ကြည့်ရဆိုးစေပါတယ်။ ဒါကြောင့် waterproof mascara လေး ပြောင်းသုံးပါ။
Gel Eyeliner
Liquid eyeliner က ရေထိရင်၊ ချွေးဆိုရင် ပျက်လွယ်ပါတယ်။ Gel eyeliner ကျတော့ ပိုပြီး ကြာရှည်ခံစေပါတယ်။ ပျက်တာမျိုးလည်း သိပ်မဖြစ်ပါဘူး။ ဒါကြောင့် မိုးရာသီမှာဆိုရင်တော့ gel eyeliner က ပိုအဆင်ပြေပါတယ်။
Eyebrow Pencil
မိတ်ကပ်ပြင်ပြီး မျက်ခုံးမွှေးမဆွဲလို့လည်း မဖြစ်ပါဘူး။ မျက်ခုံးမွှေးဆွဲတာကတော့ မရှိမဖြစ်ပါပဲ။ Eyebrow pencil နဲ့ အရင်ဆွဲပြီး eyebrow gel နဲ့ ဖြီးပေးတာကတော့ ပိုပြီးလှသလို ပိုပြီးလည်း long lasting ဖြစ်ပါတယ်။
Setting Powder or Powder Pact
မိုးရာသီမှာဆိုရင် setting powder or powder pact က အိတ်ထဲမှာတောင် သွားလေရာထည့်သွားသင့်တာပါ။ မိုးရေထိလို့ မိတ်ကပ်လေးပျက်သွားရင် ထုတ်ပြီးပုပ်လိုက်တာနဲ့ အဆင်ပြေသွားတာပါပဲ။ ဒါကြောင့် မဖြစ်မနေ ဆောင်ထားသင့်ပါတယ်။
Lipstick
Lipstick နှုတ်ခမ်းနီကတော့ အချိန်တိုင်း အိတ်ထဲထည့်ဆောင်ထားသင့်တာပါ။ မိုးရာသီမှာဆိုလည်း မိတ်ကပ်တွေပျက်သွားရင်တောင် နှုတ်ခမ်းနီလေး ထုတ်ဆိုးလိုက်ရင် မျက်နှာလေးလန်းပြီး အဆင်ပြေသွားပါတယ်။
