Period Time မှာ ဗိုက်အောင့်ရင် စိတ်က အဲ့ကိုပဲရောက်ပြီး ပိုခံရပါတယ်။ ပိုပြီးနာကျင်ရပါတယ်။ ဒါကြောင့် မိန်းကလေးတွေအနေနဲ့ Period Time မှာ နာကျင်ကိုက်ခဲတာတွေ သက်သာအောင် လေ့ကျင့်ခန်းတွေကို ပုံမှန်လုပ်ပေးသင့်ပါတယ်။ ဒီတစ်ခါမှာတော့ Period Time မှာ ဗိုက်အောင့်ပြီး နာကျင်နေတာတွေကိုတောင် မေ့နေစေမယ့် လေ့ကျင့်ခန်း ၆ မျိုးကို ဖော်ပြပေးလိုက်ပါတယ်။
လမ်းလျှောက်ခြင်း
အလွယ်ကူဆုံး လေ့ကျင့်ခန်းကတော့ လမ်းလျှောက်တာပါပဲ။ လမ်းလျှောက်ပေးခြင်းက နှလုံးကျန်းမာရေးကို ကောင်းမွန်စေပြီး Period Time မှာ ဗိုက်အောင့်တာတွေကိုလည်း သက်သာစေပါတယ်။ နာကျင်မှုတွေ လျော့ကျစေပါတယ်။
ယောဂလုပ်ပါ
ယောဂလုပ်ပေးခြင်းက နာကျင်မှုတွေကို သက်သာပျောက်ကင်းစေပြီး Stress တွေ၊ ခံစားမှုတွေကို လျော့ကျစေပါတယ်။ ရာသီလာခါနီး တစ်ပတ်၊ ၁၀ ရက်အလိုလောက်မှ စပြီး ယောဂပုံမှန်လုပ်သွားပေးလို့လည်း ရပါတယ်။ Period Cramps အတွက် ယောဂကျင့်စဉ်တွေကို Youtube ကနေ ကြည့်နိုင်ပါတယ်။
Seated leg forward bend
ခြေထောက်ကိုဆင်းပြီး ခေါင်းကိုငုံ့ကာ ပုံမှာပြထားတဲ့အတိုင်း နဖူးနဲ့ဒူးကို ထိအောင်လုပ်ပေးပါ။ မထိလည်း လုပ်ရင်းနဲ့ တစ်ဖြေးဖြေးချင်းစီ ရသွားပါလိမ့်မယ်။ အဲ့အတိုင်းငုံ့ပြီး စက္ကန့် ၃၀ နေပါ။ ပြီးရင် ခေါင်းပြန်ထောင်၊ ခါးပြန်မတ်ပါ။ ပြီးရင် ပြန်ငုံ့ပါ။ စက္ကန့် ၃၀၊ ၅ ကြိမ်လုပ်ပေးပါ။
Knee to chest stretch
လှဲအိပ်ပြီး ခြေထောက်တစ်ဖက်ကို ဆန့်တန်းနေအောင်ထားပါ။ နောက်ခြေထောက်တစ်ဖက်ကို ကွေးပြီး လက်နဲ့ပုံမှာပြထားတဲ့အတိုင်းယူပြီး ရင်ဘတ်နဲ့ထိတဲ့အထိ ကွေးထားပါ။ အဲ့အတိုင်း စက္ကန့် ၃၀ နေပါ။ အချိန်ပြည့်ရင် ခြေထောက်ပြန်ဆန့်ပြီး ခုနကဆန့်ထားတဲ့ ခြေထောက်ကို အဲ့အတိုင်း ပြန်ကွေး၊ စက္ကန့် ၃၀ ထပ်နေပါ။ တစ်ဖက်ကို ၅ ကြိမ်စီ လုပ်ပေးပါ။
Glute bridge
ခြေဖဝါးနှစ်ဖက်ကိုထောက်၊ လက်နှစ်ဖက်ကို ကြမ်းမှာကပ်ပြီး ပုံမှာပြထားတဲ့အတိုင်း ခန္ဓာကိုယ်အလယ်ပိုင်းကို အပေါ်ကော့လိုက်၊ အောက်ပြန်ချလိုက်နဲ့ ဖြေးဖြေးချင်းစီ အကြိမ် ၂၀ လုပ်ပေးရုံပါပဲ။
