အရောင်ငြိမ်ငြိမ်လေးနဲ့ တည်ငြိမ်တဲ့ Makeup Look ပုံစံများ

မိတ်ကပ် Look ပုံစံအမျိုးမျိုး ပေါ်လာတာကို ပျိုမေတို့အားလုံး သိပြီး ဖြစ်မှာပါ။ တရုတ် Douyin Makeup Look, Western Makeup Look, Korean Makeup Look, Japanese Makeup Look စသဖြင့် အမျိုးမျိုး ရှိပါတယ်။ ဒီထဲကမှ သင်အကြိုက်ဆုံး ပုံစံကို ရှာဖွေပြီး လိမ်းခြယ်သင့်ပါတယ်။ ဒါ့အပြင် မိတ်ကပ်အရောင်တွေကလည်း အမျိုးမျိုး ကွဲပါသေးတယ်။

Cool Skin Tone နဲ့ လိုက်ဖက်တဲ့ အရောင်၊ Warm Skin Tone နဲ့ လိုက်ဖက်တဲ့ အရောင်ဆိုပြီး အမျိုးမျိုး ရှိပါတယ်။ မြန်မာနိုင်ငံက ပျိုမေအများစုက Cool Skin Tone ဘက်သွားတာမို့ အဆိုပါ ပျိုမေတို့ Makeup Look ရွေးချယ်တဲ့အခါ ပန်းရောင်၊ အညိုရောင် စတဲ့ဘက် သွားတဲ့ Makeup ပုံစံကို ရွေးချယ်သင့်ပါတယ်။ Warm Skin Tone ကို ပိုင်ဆိုင်တဲ့ ပျိုမေတို့အနေနဲ့တော့ လိမ္မော်ဘက်သွားတဲ့ မိတ်ကပ်ပုံစံတွေက ပိုလိုက်ဖက်ပါတယ်။

ဒီတစ်ခေါက်မှာတော့ အရောင်အတောက်ကြီး မိတ်ကပ်ပုံစံကို မကြိုက်တဲ့ ပျိုမေတို့အတွက် အရောင်ငြိမ်ငြိမ် ဖျော့ဖျော့လေးသွားတဲ့ မိတ်ကပ် ပုံစံမျိုးကို ဖော်ပြပါရစေ။ ဒီ မိတ်ကပ် အရောင် ငြိမ်ငြိမ်လေးတွေက အညိုရောင် ဝတ်စုံ၊ အရောင်မှိန်တဲ့ ဝတ်စုံတွေနဲ့ လိုက်ဖက်ပါတယ်။ မိတ်ကပ်ကို အဖျော့နဲ့ ဖက်ရှင်ပုံစံကို အရောင်တောက် ဆင်ရင်လည်း အဆင်ပြေတာပါပဲ။

အရောင်ငြိမ်တဲ့ Makeup Look တွေက Classic Woman တွေနဲ့ လိုက်ဖက်ပါတယ်။ တည်ငြိမ်ပြီး ရင့်ကျက်တဲ့ ပျိုမေတို့အနေနဲ့ Cute Type မသွားဘဲ Mature, Elegant ဘက်သွားချင်ရင် ဖော်ပြပါ Makeup Look တွေက အဆင်ပြေပါတယ်။ ဒီတော့ အရောင်ငြိမ်ငြိမ်လေးနဲ့ လှတဲ့ Makeup Look ပုံစံတွေကို ဆက်ကြည့်လိုက်ရအောင်နော်-