လက်သည်းနီဆိုးရင် ဆိုးထားတာက ကြာရှည်မခံပဲ ခဏလေးနဲ့ ပျက်ကုန်တာမျိုးတွေ ဖြစ်ဖူးကြမှာပါ။ ဒီလိုမဖြစ်ရအောင် လက်သည်းနီဆိုးတဲ့အခါမှာ ဆိုးထားတာ ကြာရှည်ခံစေမယ့်နည်းလမ်းတွေကို မျှဝေပေးလိုက်ပါတယ်။
White Vinegar
အရင်ဆုံး white vinegar နဲ့ လက်သည်းကို အရင်သုတ်ပေးပါ။ လက်သည်းမှာကပ်နေတဲ့ အဆီနဲ့ အညစ်အကြေးတွေကို ဖယ်ရှားပေးပြီး လက်သည်းက ချောမွေ့သွားပါလိမ့်မယ်။
လက်သည်းဖျက်ဆေး
White vinegar မရှိရင်တော့ လက်သည်းဖျက်ဆေးနဲ့ပဲ ဖျက်လို့ရပါတယ်။ လက်သည်းနီဆိုးထားတာရှိမှ ဖျက်ရတာမျိုး မဟုတ်ပါဘူး။ လက်သည်းမှာကပ်နေတဲ့ အဆီနဲ့ အညစ်အကြေးတွေကိုပါ ဖယ်ရှားပေးတာကြောင့် သုံးပေးဖို့လိုပါတယ်။
လက်သည်းတိုက်ပါ
လက်သည်းနီမဆိုးခင်မှာ လက်သည်းကိုတိုက်ပြီး ပုံသွင်းပေးပါ။ ဒါမှလည်း လက်သည်းနီဆိုးရင် ထစ်တာတွေ၊ လက်သည်းပဲ့တာတွေ မဖြစ်မှာပါ။ လက်သည်းနီတွေထစ်နေရင် ပျက်လွယ်ပါတယ်။ လက်သည်းပဲ့ရာကနေလည်း လက်သည်းနီတွေ ကွာကုန်တာမျိုး ဖြစ်တတ်ပါတယ်။
Base Coat
အပေါ်ကအဆင့်တွေကို လုပ်ပြီးပြီဆိုရင်တော့ base coat ဆိုးပါမယ်။ ဒါမှ လက်သည်းနီဆိုးထားတာ ပိုပြီး ကြာရှည်ခံစေမှာပါ။ လက်သည်းပျက်စီးတာလည်း သက်သာပါမယ်။
လက်သည်းနီ
ကိုယ်ဆိုးချင်တဲ့ လက်သည်းနီကို ဆိုးလို့ရပါပြီ။ လက်သည်းနီဆိုးရင် ထူပျစ်နေအောင် မဆိုးပါနဲ့။ အထပ်ထပ်လည်း ခဏခဏ ထပ်မဆိုးပါနဲ့။ ထူပျစ်ကြီးဖြစ်ပြီး ကြည့်ရဆိုးစေပါတယ်။
Top Coat
နောက်ဆုံးမှာတော့ ကိုယ်ဆိုးထားတဲ့ လက်သည်းနီ ခြောက်သွားပြီဆိုရင် top coat ထပ်ဆိုးလိုက်ရုံပါပဲ။ ဒါဆိုရင်တော့ ပုံမှန်ထက်ပိုပြီး ကိုယ်ဆိုးထားတဲ့ လက်သည်းနီက ကြာရှည်ခံစေပါတယ်။
