Kpop Idols အများစုက သူတို့ရဲ့ ထူးချွန်တဲ့ အရည်အချင်း၊ စတိုက်ကျတဲ့ ဖက်ရှင်နဲ့ ကြည့်ကောင်းတဲ့ အလှကြောင့် လူသိများသူတွေပါ။ အဖွဲ့တစ်ဖွဲ့မှာ Visual အလှဆုံးလို့ သတ်မှတ်ခံထားရသူ တစ်ဦးဆီ ရှိတတ်ပါတယ်။ အရမ်းလှတဲ့ Kpop Idol တွေထဲကမှ အောက်ဖော်ပြပါ Idol တွေကတော့ ခေတ်အလိုက် Visual နေရာကို ပိုင်ဆိုင်ခဲ့ကြတဲ့ အချောလေးတွေပဲ ဖြစ်ပါတယ်။
၁။ S.E.S အဖွဲ့ဝင် Eugene
SM Entertainment ရဲ့ ပထမဆုံး မိန်းကလေးအဖွဲ့ဖြစ်တဲ့ S.E.S အဖွဲ့မှာတော့ Visual နေရာ ရထားသူက Eugene ပါ။ သူမကိုတော့ SM တည်ထောင်သူက လေဆိပ်မှာ စတွေ့ခဲ့တာပါ။ S.E.S က ၂၀၀၂ မှာ အဖွဲ့ Disband ဖြစ်ပြီး Eugene ကတော့ အောင်မြင်တဲ့ မင်းသမီးတစ်ဦးအနေနဲ့ ဆက်လက် လုပ်ကိုင်နေပါတယ်။ သူမကို Penthouse: War in Life ဇာတ်လမ်းနဲ့ အားလုံးသိကြမှာပါ။
၂။ Fin K.L အဖွဲ့ဝင် Lee Hyori
Fin K.L အဖွဲ့ကလည်း S.E.S နဲ့ စင်ပြိုင် အောင်မြင်ခဲ့တဲ့ အဖွဲ့တစ်ဖွဲ့ ဖြစ်ပါတယ်။ ဒီအဖွဲ့ရဲ့ Visual ကတော့ Lee Hyori ပါ။ သူမက အဖွဲ့နဲ့ လမ်းခွဲပြီးနောက်မှာလည်း အနုပညာ အလုပ်တွေကို Solo Artist အနေနဲ့ ဆက်လုပ်ကိုင်နေသူ ဖြစ်ပါတယ်။ Refund Sisters, SSAK3 စတဲ့ Project တွေမှာလည်း ပါဝင်နေသူ ဖြစ်ပါတယ်။
၃။ Baby V.O.X အဖွဲ့ဝင် Kan Miyoun
၁၉၉၇ ခုနှစ်မှာ ပွဲဦးထွက်ခဲ့တဲ့ Baby V.O.X ရဲ့ Visual ကတော့ Kan Miyoun ပါ။ သူမက လက်ရှိ တရုတ်အနုပညာ လောကမှာလည်း အောင်မြင်နေသူ ဖြစ်ပါတယ်။
၄။ Girl’s Generation အဖွဲ့ဝင် Yoona
2nd Generation အနေနဲ့ ပွဲဦးထွက်ခဲ့တဲ့ Girl’s Generation အဖွဲ့ရဲ့ Visual ပိုင်ရှင်နေရာကတော့ Yoona ပါ။ Yoona က သရုပ်ဆောင်အနေနဲ့လည်း မရပ်မနား ကြိုးစားနေသူဖြစ်ပြီး အက၊ အဆို အကုန်ထူးချွန်တဲ့ အချောလေး ဖြစ်ပါတယ်။
၅။ 2NE1 အဖွဲ့ဝင် Dara
အသက်အရွယ် တစ်ခု ရလာတဲ့အထိ Six Pack နဲ့ လန်းနေဆဲဖြစ်တဲ့ Unnie Dara ကတော့ 2NE1 အဖွဲ့ရဲ့ Visual တစ်ဦး ဖြစ်ပါတယ်။
၆။ Miss A အဖွဲ့ဝင် Suzy
Idol အဖွဲ့တိုင်းရဲ့ Visual အများစုက သရုပ်ဆောင်မင်းသမီးအနေနဲ့ အောင်မြင်နေတာက အံ့သြစရာပါပဲ။ ဒီ အံ့သြဖွယ်တွေထဲ Miss A အဖွဲ့ရဲ့ Visual Suzy လည်း ပါဝင်ပါတယ်။
၇။ Red Velvet အဖွဲ့ဝင် Irene
Irene က နတ်သမီးတစ်ပါးအလား လှလွန်းတဲ့ Visual ကြောင့် လူသိများသူ ဖြစ်ပါတယ်။ သူမက Third Generation Group ဖြစ်တဲ့ Red Velvet အဖွဲ့ရဲ့ Visual တစ်ဦး ဖြစ်ပါတယ်။
၈။ TWICE အဖွဲ့ဝင် Tzuyu
ထူးခြားတဲ့ အလှနဲ့ Tzuyu က Twice အဖွဲ့ရဲ့ Visual တစ်ယောက်ဖြစ်ပြီး ကြော်ငြာကုမ္ပဏီအများအပြားနဲ့ လက်တွဲလုပ်ကိုင်နေသူ တစ်ဦးလည်း ဖြစ်ပါတယ်။
၉။ BLACKPINK အဖွဲ့ဝင် Jisoo
Visual ဘယ်သူလဲ ရွေးချယ်ရခက်လှတဲ့ Blackpink အဖွဲ့ရဲ့ Visual ကတော့ Jisoo ပါ။ သူမက လက်ရှိမှာ “Snowdrop” ဆိုတဲ့ ဇာတ်လမ်းမှာလည်း အဓိက မင်းသမီးအနေနဲ့ ပါဝင်ထားပါတယ်။
၁၀။ ITZY အဖွဲ့ဝင် Yuna
မိန်းကလေးတိုင်း အားကျရတဲ့ ခန္ဓာကိုယ်မျိုး ပိုင်ဆိုင်တဲ့ Itzy အဖွဲ့ဝင် အငယ်ဆုံးလေး Yuna က အဖွဲ့ရဲ့ Visual တစ်ဦး ဖြစ်ပါတယ်။
၁၁။ aespa အဖွဲ့ဝင် Karina
ကိုးရီးယားမှာ Ulzzang Girl တွေဆိုပြီး ဘယ်လိုနေနေ စတိုင်ကျပြီး လှတဲ့ မိန်းကလေးတွေ ရှိပါတယ်။ Karina က အနုပညာလောက ထဲ မဝင်ခင်ထဲက အလှဆုံးလို့ သတ်မှတ်ခံထားရတဲ့ Ulzzang Girl တစ်ဦးဖြစ်ပါတယ်။ သူမက SM ရဲ့ Newest Girl Group ဖြစ်တဲ့ Aespa ရဲ့ Visual ဖြစ်ပါတယ်။
၁၂။ IVE အဖွဲ့ဝင် Wonyoung
IZ*ONE အဖွဲ့နဲ့ Debut စလုပ်တည်းက Center ဖြစ်ခဲ့တဲ့ Wonyoung က လက်ရှိမှာလည်း IVE အဖွဲ့ရဲ့ Visual ဖြစ်ပါတယ်။Wonyoung က ဘယ်နေရာမှာ နေနေကို မျက်စိလွှဲမရအောင် ထင်းထွက်နေတတ်တဲ့ အလှမျိုးကို ပိုင်ဆိုင်သူပါ။
Photo source: Pinterest
Source: Koreaboo
