ယောဂကျင့်ပေးတာက စိတ်ရောကိုယ်ပါကျန်းမာစေပါတယ်။ ဒါ့အပြင် အလှအပအတွက် body နဲ့ skin အတွက်လည်း အရမ်းအထောက်အကူဖြစ်ပါတယ်။ ဒီတစ်ခါမှာတော့ အသားအရေလှချင်တဲ့သူတွေအတွက် skin glow စေဖို့ကူညီပေးမယ့် အလွယ်ကူဆုံးသော ယောဂကျင့်စဉ် ၄ မျိုးကို ဖော်ပြပေးလိုက်ပါတယ်။
Forward Fold
အရင်ဆုံးမတ်တပ်ရပ်ပြီးနေပါ။ ပြီးရင် ပုံမှာပြထားသလို လက်နှစ်ဖက်နဲ့ထောက်ပြီး ငုံ့ပေးရပါမယ်။ အဲ့အတိုင်း စက္ကန့် ၃၀ ပြည့်အောင်နေပြီးမှ မတ်တပ်ပြန်ရပ်ပါ။ အဲ့အတိုင်း အကြိမ် ၂၀ လောက် ဆက်တိုက်လုပ်ပေးပါ။
ဒီယောဂကျင့်စဉ်က သွေးလည်ပတ်မှုကောင်းမွန်စေပြီး အသားအရေကောင်းလာစေဖို့၊ skin glow လာစေဖို့ ကူညီပေးပါတယ်။
Downward-Facing Dog
ပုံမှာပြထားတဲ့အတိုင်း ပုံစံ ၂ မျိုးကို ဆက်တိုက်လုပ်ပေးရမှာဖြစ်ပါတယ်။ အနေအထားတစ်ခုကို စက္ကန့် ၂၀ ပြည့်အောင်နေပြီးမှ နောက်တစ်မျိုးပြောင်းလုပ်ပါ။ ဒါလည်း အကြိမ် ၂၀ လောက် ဆက်တိုက်လုပ်ပေးရင် ရပါပြီ။
ဒီယောဂကျင့်စဉ်ကလည်း သွေးလည်ပတ်မှုကောင်းမွန်စေပြီး skin glow စေဖို့ ကူညီပေးပါတယ်။
Dolphin Pose
ပုံမှာပြထားတဲ့အတိုင်း ပုံစံ ၂ မျိုးကို ဆက်တိုက်လုပ်ပေးရမှာပါ။ ဒါလည်း အနေအထားတစ်ခုကို စက္ကန့် ၂၀ ပြည့်အောင်နေပြီးမှ နောက်တစ်မျိုးပြောင်းလုပ်ပါ။ အကြိမ် ၂၀ ဆက်တိုက်လုပ်ပေးပါ။
ဒီယောဂကျင့်စဉ်က အသားအရေပိုကောင်းလာပြီး glow လာစေဖို့ ကူညီပေးပါတယ်။
Cobra Pose
ပုံမှာပြထားတဲ့ cobra pose အတိုင်း ဆက်တိုက်လုပ်ပေးရပါမယ်။ အကြိမ် ၂၀ ဆက်တိုက်လုပ်ပေးရင်ရပါပြီ။ လုပ်နေတဲ့အချိန်မှာ အသက်ကိုခပ်ပြင်းပြင်းလေး ရှိုက်ရှူလိုက်၊ ပြန်ထုတ်လိုက်နဲ့ လုပ်ပေးပါ။
ဒီယောဂကျင့်စဉ်က ကျန်းမာရေးအတွက်ကောင်းသလို အသားအရေအတွက်လည်း အထောက်အကူပြုပါတယ်။
