Kpop Idol Taeyeon ရဲ့ ချစ်ဖို့ကောင်းတဲ့ ဆံပင်ပုံစံနဲ့ ဆံပင်အရောင်များ

အသံချိုချိုလေးနဲ့ ပရိတ်သတ်တွေကို အမြဲ ကျေနပ်မှု ပေးနိုင်တဲ့၊ ပရိတ်သတ်တွေ အမြဲ ဂုဏ်ယူရတဲ့ အဆိုတော်တွေထဲမှာ Taeyeon ပါဝင်ပါတယ်။ သူမက အသံကောင်းတဲ့အပြင် သတ်ချနိုင်တဲ့ Visual လည်း ပိုင်ဆိုင်ပါတယ်။ Taeyeon က Music Video တစ်ခု ထွက်ရင်ထွက်သလို ဆံပင်အရောင် အမျိုးမျိုး ပြောင်းတတ်ပြီး တဖြည်းဖြည်း ပိုတောင်လှလာပါသေးတယ်။ သူမရဲ့ သီချင်းအများစုကလည်း ပိုပိုပြီး ထူးခြားကာ ကောင်းလာတတ်ပါတယ်။ အခုနောက်ဆုံးထွက်ထားတဲ့ Taeyeon ရဲ့ သီချင်းကတော့ INVU ပါ။ သင်က နားမထောင်ရသေးရင် နားထောင်ကြည့်ပါလို့ တိုက်တွန်းပါရစေ။

Taeyeon ရဲ့ သီချင်းတိုင်းလိုလိုက နားထောင်ကောင်းပြီး ပရိတ်သတ်တွေကို ဘယ်တော့မှ စိတ်မပျက်စေရပါဘူး။ သူမက ဘယ်လိုအသားအရေနဲ့ ဘယ်လိုဆံပင်အရောင်မှ လိုက်မယ်ဆိုတာတွေ ဂရုမစိုက်ဘဲ ဆံပင်အရောင် အမျိုးမျိုး ပြောင်းလဲတတ်ပါတယ်။ Taeyeon က အနက်ရောင်ဆံပင်နဲ့ ကြည့်ကောင်းသလို အဝါ၊ မီးခိုးရောင်စတဲ့ ဆံပင်အရောင်တွေနဲ့လည်း လိုက်ဖက်ပါသေးတယ်။

ဒါ့အပြင် Taeyeon က Highlight ဖောက်တဲ့ ဆံပင်စတိုင်နဲ့လည်း လိုက်ဖက်ပါတယ်။ ဆံပင်ရှည်နဲ့ လိုက်သလို ဆံပင်တိုနဲ့လည်း အပြစ်ပြောစရာ မရှိပြန်ပါဘူး။ ဒီတော့ အများကြီး ဆက်မပြောတော့ပါဘူး။ Taeyeon ရဲ့ ထူးခြားတဲ့ ဆံပင်စတိုင်နဲ့ အရောင်တွေကို ဆက်ကြည့်လိုက်ပါနော်။