ဆားဝက်ခြံတွေကို ကာကွယ်ပြီး လျော့ပါးစေမယ့် နည်းလမ်း (၇) ခု

ဆားဝက်ခြံတွေက မိတ်ကပ်လိမ်းတဲ့အချိန် ဝင်ရှုပ်တတ်တဲ့ အရာတစ်ခုပါ။ ဆားဝက်ခြံတွေက အဆီအပိုတွေနဲ့ ဆဲလ်သေတွေ ပေါင်းပြီး Oxidation နဲ့ မည်းသွားတဲ့ ပစ္စည်းတွေပါပဲ။ သင်က ဆားဝက်ခြံတွေကို ဖယ်ရှားချင်တယ်၊ နောက် ထပ်မဖြစ်အောင် ကာကွယ်ချင်တယ်ဆိုရင် အောက်ဖော်ပြပါ နည်းလမ်းတွေကို အသုံးပြုနိုင်ပါတယ်။

၁။ လက်နဲ့ မထိပါနဲ့

ဆားဝက်ခြံကို လက်နဲ့ ညှစ်တာက အခန့်မသင့်ရင် လက်မသန့်တဲ့အခါ အသားအရေကို ကုတ်မိတာတွေ၊ ခြစ်မိတာတွေ ဖြစ်စေပါတယ်။ လက်ကိုသုံးမှ အားရတယ်ဆိုရင်တော့ ကြားထဲ တစ်ရှူးခံပြီး ညှစ်သင့်ပါတယ်။

၂။ Cleanser အကြမ်းတွေ မသုံးပါနဲ့

မျက်နှာသစ်ဆေး သုံးပြီးတဲ့အခါ ယားပြီး တင်းတင်းကြီး ကျန်ခဲ့ရင် ဒီပစ္စည်းကို ဆက်မသုံးသင့်တော့ပါဘူး။ မတည့်တဲ့ Cleanser က ယားယံတာ၊ အဆီထုတ်များတာရဲ့ နောက်ဆက်တွဲဖြစ်တဲ့ ဆားဝက်ခြံထွက်တာကို အားပေးတာကြောင့် သင့်အသားအရေနဲ့ အဆင်ပြေတဲ့ Cleanser ကို ရှာသင့်ပါတယ်။

၃။ Mask သုံးပါ

သင်က အဆီပြန်တဲ့ အသားအရေကို ပိုင်ဆိုင်ရင် Clay mask သုံးသင့်ပါတယ်။ Clay mask က အဆီနဲ့ အညစ်အကြေးကို စုပ်ယူကာ အဆီပြန်တာကို ထိန်းချုပ်ပေးပါတယ်။ Clay Mask တွေက ဆားဝက်ခြံဖြစ်တာကို သက်သာစေပါတယ်။

၄။ သန့်ရှင်းအောင်ထားပါ

သင့်မျက်နှာကို ဆံပင်နဲ့ မထိအောင်ထားတာ၊ အိပ်တဲ့အချိန် လက်နဲ့ မထိတာ၊ ဖုန်းမျက်နှာပြင်ကို သန့်စင်အောင် ထားတာ၊ အိပ်ရာခင်းကို ပုံမှန်လျှော်တာ စသဖြင့် သင့်မျက်နှာနဲ့ ထိနိုင်တဲ့ အရာမှန်သမျှကို သန့်ရှင်းအောင် ထားသင့်ပါတယ်။

၅။ ပါဝင်ပစ္စည်းကို သေချာဖတ်ပါ

ဆားဝက်ခြံ ဖယ်ရှားပေးတယ်ဆိုတဲ့ ပစ္စည်းတွေရဲ့ ပါဝင်ပစ္စည်းကို သေချာ စစ်သင့်ပါတယ်။ အယ်လ်ကိုဟော၊ Menthol စတဲ့ ပစ္စည်းတွေက အသားအရေကို ယားယံစေကာ ဆားဝက်ခြံ ပိုဖြစ်စေပါတယ်။ Benzoyl Peroxide ဒါမှမဟုတ် Salicylic acid စတဲ့ ပစ္စည်းတွေ ပါတဲ့ အလှကုန်ကို သုံးသင့်ပါတယ်။

၆။ ပျားရည်

ပျားရည်က ဝက်ခြံအတွက် ကောင်းသလို ဆားဝက်ခြံ ဖယ်ရှားရာမှာလည်း အသုံးဝင်ပါတယ်။ ပျားရည်အနည်းငယ်ကို ဆားဝက်ခြံ ဖြစ်တဲ့နေရာမှာ လိမ်းပြီး မိနစ်အနည်းငယ် ထားပေးရပါမယ်။ ပျားရည်က ကပ်နေတဲ့ အညစ်အကြေးတွေကို ဖယ်ရှားပေးပါတယ်။ မိနစ် အနညး်ငယ်ကြာပြီးနောက် ပျားရည်ကို ဆေးချနိုင်ပါတယ်။

၇။ သဘာဝ Toner ကို သုံးပါ